أضف سؤال أو موضوع جديد          

مشكلة مكيف كامري 2012

up 2 down 0
iifaisal2016 10
قبل 4 شهر و 2 أسبوع



السلام عليكم ورحمة الله وبركاته



كيف حالكم شباب طبعا هذي اول استفسار ومشاركه لي وان شاء الله تدلوني على حل المشكلة طبعا وكعادتي قبل اسبوعين بلعت حفره (فخ) وراح علي رديتر المكيف وغطاء الرديتر المكينه اللي تحت وصلحتهم كلفوني مع تبديل راديتر المكيف دنسو 1000 ريال كلهم واول ما طلعتها قعدت يومين كل شي مضبوط حراره خفيفه بس وبعد 3 ايام المكيف صارت تفصل بقوه وانت ماشي او واقف وديتها لنفس اللي صلحها قال كمبروسر ووديتها لكم واحد نفس الكلام فسالت نصحوني بكمبروسر كامري 2006 ودورت حصلت ب600 ريال بس ضمانها 3 ايام والشغل كلفني الترهيم 350 وعاده ابو يمن يطالبني 100 هههخ المهم طلعته المكيف بارد بس بعض المرات اذا وقفت يفصل واذا حطيته هواء خارجي تحسه يضعف واحترت فيها هل هي من الكمبروسر او لا ابو يمن قالي طبيعي اذا رهمته (طيب ليش يبن الناس متعلمني من قبل اركبه) واتمنى تعطوني رايكم وش تكون المشكله ووش حلولها مشكورين.







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


حلوة ذي انك لما ترهم طبيعي يفصل لا ماهو طبيعي
اول شي غلطتك انك رهمت كمبروسر كلها نظام كلتش خارجي سواء وكلها ياباني من شركة دينسو 2006 او 2012
ماني فاهم قصدك بتحطه هواء خارجي ياليت توضح
الكمبروسر الجديد الي انت ركبته اخذته جديد ولا مستخدم؟
يمكن الجديد الي انت اخذته دفعه ضعيف



up 1 down 0
ms3al 1613
قبل 4 شهر و 2 أسبوع



لا متحصل جديد اخذته مستخدم بس شيكت عليه نظيف وقصدي بالهواء الخارجي الزر الي حق المكيف يخليه خارجي او داخلي اذا حطيته خارجي يتحسه يضعف واحيانا يفصل مع الوقوف عند اشاره او في اي مكان


up 1 down 0
iifaisal2016 10
قبل 4 شهر و 2 أسبوع



المفروض الحفرة اللي طحت فيها توقف وتكلم المرور ويعطونك تقرير تطالب فيه المقاول
اللي ماسك الشارع ويدفعون لك ثمن خسارتك




up 2 down 0
aboahmed2014 748
قبل 4 شهر و 2 أسبوع



ياخي دفع المكيف بالكامري من 12 وفوق قوي وثلج مدري لية رهمت حق 2006 بس شف اخوي انا رهمت كمبريسر كامري 2005 على الكامري 2007 غير لي الكمبريسر والحساس والفيوز مدري وش حقة ناسية مع راديتير مكيف كلفني 1000 اذا انت مركب كمبريسر بدل راديتير المكيف علشان مايضرب الكمبريسر وسو فحص ليزر لثلاجه المكيف الداخلية لاان تهريب الفريون والمكيف يقلب حار مرات تكون منها بس حنا مانبدلها مرة هههههه لما تنزل تشليح كلها


up 0 down 0
talk to the hand 61
قبل 4 شهر و 2 أسبوع



معروف اذا حطيته خارجي وانت واقف يضعف الهوا ويقل التبريد

اما داخلي الهواء ثابت وتبريده ثابت حسب كفاءة الكومبريسور

لاتعتقد كومبربسور له 12 سنه كفاءة تبريده عالية وغالبا يكون موضب الكومبريسور لو اخذت جدبد نفس الموديل هينا اقولك خذ تبريد ممتاز


up 1 down 0
7amood1930 300
قبل 4 شهر و 2 أسبوع



انا والله عانيت من مشكلة الفصله القويه بكمبروسر 2012 وسالت ناس واجد نصحوني بحق 2006 وسالت مجربين لاكن مدري وش مشكلته اتقع حساسات او شي زي كذا


up 0 down 0
iifaisal2016 10
قبل 4 شهر و 2 أسبوع



تاكد شف الحساس بدله بحق موديل 2006 وافحص ثلاجة المكيف لانها المفروض تكون تبرد لما يشبك الكمبريسر اذا كان ضعف بالتبريد او في من فتحات التهوية هواء بارد وقسم منه هواء حار اعرف اغلب شي تهريب بس افحص اقطع الشك باليقين مااتوقع ياخذ شي يقولك اذا تهريب او لا وكم تصليحه


up 0 down 0
talk to the hand 61
قبل 4 شهر و 2 أسبوع



والله وديته لواحد الحين قلت له شيك على الكمبروسر لانه اليوم اخر يوم بالضمان شيك عليه قال ما فيه اي ضعف بالعكس قوي لاكن الشخص اليي سواه حط اسلاك وترموستات وبلاوي واجد الي وديته له اليوم قال هذي ما اعرف فيها والله وما ودي اغلط فيها واخربها فالافضل شوف لك كهربائي محترف


up 0 down 0
iifaisal2016 10
قبل 4 شهر و 2 أسبوع