طبعا يوصل كهرب تمام ، حتى اني فصلت السالب وهي شغاله والوضع اوك ماطفت 

اذا ماشي معك تمام لا تغيره
الصوت من الرمان خذ رمان أصلي اذا حصلت
و ان شاء الله ما ترجع المشكلة

تسلم يالحكمي ، 

انا الكهربائي قال بيجيب الرمان ، بس مدري اصلي ولا 

ولا عارف من وين اجيب الاصلي وكم يحتاج .. ؟

الله يسلمك
مبدئيا شوف قطع الغيار وسعره ما يزيد عن 50 ريال
اما الدينمو التجاري ما أنصحك فيه
عند رحيمي كامري 2011 تعطل الدينمو و ركب نوع دينسو
تجاري ب600 ريال و ما كمل سنة و تعطل
الأفضل أصلي جديد او مستخدم اصلي غير مجدد
و ان شاء الله ما تحتاج تغيره

غير له رمان اصلي بجودة عالية لانه شغال تمام ويشحن كويس 

كثر الله خيركم 

بالنسبه للرمان ياخوي الحكمي كلمت قطع الغيار قالي يجي واحد ب ٦٩ وطلبيه اسبوع 
وكلمت الكهربائي قالي يجي اثنين فهنا احترت وخفت اطلبه عالفاضي 
ونصحني حق محل القطع قالي فك الرمان ودلاني ع مكان اروح له 

وللحين متحير بين اركب اصلي مستعمل او اصلح ،، بكل الحالتين مافي ضمان 

وانا بالنسبه لموتري ماحب اركب الا اصلي ، الا بعض الاشياء الغاليه والي في مثلها درجه اولى تمشي 

يعني الشيئين الوحيدين الي ركبت ياباني عكوس وجانبينات وكلهم تمام 

بو حسين لاهنت ، بس كيف اعرف النوع الكويس او اذا في اسم معين 

وجزاكم الله خير 

انا غيرته لسيارتي قبل اكثر من سنة لمكسيما 2006
و يجي عدد 2 رمان صغير و كبير شريته من محل العدد
نوع ياباني ب50 ريال الاثنين

الرمان عموما ما يتعطل الا من الماء

بيض الله وجهك ، بكره اروح ادور عليه 

تسلم ماقصرت 

و وجهك يالغالي

سوو له إصلاح اصلي وان شاء الله يمشيك سنين

تسلم يا بو عبدالله ، ❤️

يعطيكم العافيه ياشباب 

رحت ٤ كهربائين ، 
١- شاطر بحارتنا اتعامل معه من سنين ومصلحه قبل ( قالي غير دينمو ) يوم قلتله ليش قال افكه لك واشيك اذا تمام صلحته يعني ماعطاني امل 
٢- فيلسوف وحسيته يسلك ، قال مو مشكله اصلح ب ٢٠٠
٣- دلني عليه واحد انه شاطر ، قالي مايتصلح غيره .. 
٤- مريت عليه ماعرفه قال غيره قلت ما يتصلح قال ممم ايوا صلح انت جيب بيرنق ولا انا .. وقالي ١٨٠ 


الحين من جد احترت اصلح ولا اغير !! 

ونا خوك مشكلة بيرينق فقط خذ لك نوع كويس وصلحة مادامه يشحن زين مايستاهل ترميه 

واذا قدرت تغير فحمات معه سعرها رخيص مرة وحدة تفتك ويمشيكسنين باذن الله

تسلم يا بو حسين ، شورك وهداية الله ،
ان شاء الله بكره اخليه يفكه واروح اجيب له بيرنق والله ييسرها 

الفحمات من من نفس مكان البيرنقات ولا ؟؟ 

يعطيكم العافيه جميعاً ،، 

تم الاصلاح ( الرمان طلع سليم والمشكله من شي مدري وش اسمع بس مثل البوبينه )
سالت عنه جديد مالقيته الا في بن حيدره وطلبيه وسعره فوق ٣٠٠ 
والكهربائي جاب لي اياه مستعمل ب ١٣٠ وشغل يده ٧٠ 
وطبعاً جبت له فحمه جديده ب ٤٠ 
يعني المجموع ٢٤٠ وان شاء الله يضبط معي 
طبعا خذيت القطعه القديمه .. عشان اتاكد ماصلحها وركبها خخخخ 

الف شكر لكم جميعا الي شارك والي قرا 

❤️

جربت جميع الدينموات التجاريه وبالاخير استقريت على على دينسو وسعره حوالي 1400 ريال !!

يالغريبه ياخوي الدينسو قيمته حول ٦٠٠ يمكن قصدك الاصلي لان الاصلي ب ١٧٠٠ حاليا يمكن كان ارخص

وفعلاً مافي افضل من الاصلي ، بس الي ع قده يا يركب ياباني يا يصلح والله يعوضنا 

شرفني مرورك ❤️