أضف سؤال أو موضوع جديد          

سيارة جديدة 2018

up 0 down 0
amas2006 22
قبل 4 شهر و 2 أسبوع



بسم الله الرحمن الرحيم


السلام عليكم ورحمة الله وبركاته

اسعد الله اوقاتكم بكل خير

يا جماعة انا باذن الله مقدم على شراء سيارة جديدة من الوكالة إن شاء الله

طبعا ما سبق لي شراء سيارة جديدة وليس لي خبرة بذلك نهائيا

أحتاج نصائحكم ومشورتكم
من ناحية الكشف على السيارة عند الوكالة قبل استلامها
أقصد اكشف على وش .؟
وايضا "تمرين" السيارة كيف يكون وعلى أي سرعة
وايضا هل اضيف عليها التضليل والعزل والامور الثانية مثل هذه.؟؟
ووش أفضل الشركات بالامور ذي .؟؟
وطبعا الكفرات تكون الي عليها او أركب ثانية .؟؟

يعني احتاج نصائح مثل كذا لأني بالعربي ماعندي خبره بهالامور أبد وأحتاج مشورتكم ونصائحكم



واذا فيه نصائح ثانية ياليت تفيدوني فيها
عسى ربي يرزقكم ما تتمنون







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


أهم نقطه في مسألة شراء سيارة هي السعر و النوع و توفر القطع
و ان توافق ميزانيتك و دخلك الشهري
اما التشييك على السيارة وقت خروجها
شيك على العدة و الجنط الاسبير و الديكورات الداخلية
و تأكد من ضغط الإطارات و اجزاء المحرك و البدي
التمرين يكون 1500 كم السرعة 100 كم و دون
و لكن الان راح يرد كذا الشخص و يقول ما تحتاج تمرين
و هذا غير صحيح لان المحرك جديد و نسبة الاحتكاك عالي
و معرفة نوع الزيت و اللزوجة المناسبة للمحرك طبعا في دليل
السيارة وهو مهم ..
و اهم نقطة المحافظة على الصيانة الدورية و تغير زيت المكينة
كل 5000 كم مع فلتر أصلي
و أنصحك ابتعد الزيوت ابو 10 الاف و الكلام الفاضي
زيت القير و الفلتر ( يختلف من سيارة لأخرى )
و يتبدل كل 50 الف خاصة اذا كنت من سكان المدن الحارة
مع التغيير لفلتر الهواء و المكيف

و مبروك مقدما



up 1 down 3
alhkami 297
قبل 4 شهر و 2 أسبوع



^عندي كتلوج سيارتين ولا وحده اذكر كاتبين لاتمشي فوق سرعة100!!
المكتوب عداد الار بي ام لايتجاوز رقم معين (ناسي كم الرقم لكن تختلف على حسب عدد السلندرات)
وعدم الانطلاق بسرعه قصوى او الضغط على الفرامل بشده
والتمرين اول ألف ميل تحولها للكيلو تساوي 1600كيلو فققققط
سالفة انك تمرنها او لا ماهي واجب نص خلق الله مايمرنونها ويستخدمونها عادي
لكن انا افضل انك تمرنها على الاقل ألف كيلو
وشغل المكيف عادي


up 1 down 1
d7ooom777 428
قبل 4 شهر و 2 أسبوع



حياك
اول شئ مبروك السياره والله يعطيك خيرها
ثاني شئ شيك على الكفر الاحتياطي ويا العده حقته

ثالث شئ شيك على طفاية الحريق

رابع شئ شيك على شنطة الاسعافات الاوليه

خامس شئ شيك على كتلوجات السياره

سادس شئ شيك على دفتر الضمان/////مادري كان يجي بكل السيارات او لا تاكد من الاخوان
وشف الكتلوج يمكن يجي مدمج معاه لو مالقيت الدفتر////

سابع شئ شيك على الدعسات حقت الارجل

ثامن شئ شيك على السياره من الصدام الى الصدام يمكن فيها حكات ولاشئ

تاسع شئ استلم السياره بالنهار عشان تشوفها اوضح

عاشر شئ تاكد ان اكياس الوكاله موجوده على المراتب والديكورات عشان تضمن انها ماكانت معروضه

11/ لاتوقع على ورقة الاسسسسسستلالالالالالالالالالالامممممممم الا بعد ماتشيك على الاشياء الي فوق
حتى لو قالك وقع قله لا ماني موقع حتى اشوف السياره لانك لو وقعت واكتشفت مشكله مايمديك تقولهم شئ لانك وقعت

/////الاشياء الي ذكرتهم تخص السيارات بصوره عامه الي تشتريها من الوكالات وليس المعارض لان المعارض يجيبونها
ناقصه يمكن في اشياء اضافيه تجي للمازدا غير ذي يفيدونك الاخوان/////

هذا رد سابق كتبته في رد لموضوع مثل موضوعك


up 4 down 1
d7ooom777 428
قبل 4 شهر و 2 أسبوع



جزاكم الله خير يا اخوان ولاهنتم


up 0 down 0
amas2006 22
قبل 4 شهر و 2 أسبوع



اول شي الله يعطيك خيرها ويكفيك شرها
الف مبروك مقدما
وزي ما قال d7oom77
الدعاسات والاسبير والمدري ايش كل ما ذكر شيك عليه
وفي نقطة ما شفت الاخوان تكلموا عليها
الكفرات
اول ما تاخذها شيك عليها لانه تلقاها فيها هواء زيادة عشان لا تحبل
واكيد ضلل السيارة وحط حماية للواجهه اذا انك راعي خطوط
اذا انك منت راعي خطوط ماهو لازم تحط حماية للواجهه
خصوصا الاجواء هذي تحتاج تضليل عازل

التمرين يا طويل العمر
اهم شي لا تتعدا ضغط 2.5
لو تمشي 140 والضغط 2.5 ماعندك مشكلة
الفرامل خليك الفترة حقت التمرين متساهل معاها
يفضل تقرأ الكتالوج صفحة تلين المحرك
والاخ الalhkami
شركات تسوي ابحاث ومشاريع ودراسات ومبالغ عشان تطور من الزيت حقها
وتجي تقول له ابتعد عن زيوت ابو 10 الاف
افضل الزيوت حاليا ابو 10 الاف اكثرها تجي تخلقي بالكامل وتصنيف sn
والاريح للمكينة والخفيفة
واغلب الزيوت ابو 5 الاف
تجيك نصف تخلقي
والاغلب يكون ثقيل وتصنيف قديم sm ولا sl






up 1 down 0
ms3al 1613
قبل 4 شهر و 2 أسبوع



https://chevrolet.montada.haraj.com.sa/2692/%D8%A7%D9%84%D8%B3%D9%8A%D8%A7%D8%B1%D8%A9-%D8%A7%D9%84%D8%AC%D8%AF%D9%8A%D8%AF%D8%A9-..-%D8%A7%D9%84%D8%B3%D9%8A%D8%A7%D8%B1%D8%A9-%D8%A7%D9%84%D9%85%D8%B3%D8%AA%D8%B9%D9%85%D9%84%D8%A9-..%D9%86%D8%B5%D8%A7%D8%A6%D8%AD-%D9%82%D8%A8%D9%84-%D8%A7%D9%84%D8%B4%D8%B1%D8%A7%D8%A1..1X2/
شف الموضوع ذى نفعني


up 0 down 0
talk to the hand 61
قبل 4 شهر و 2 أسبوع



الله يجزاكم خير جميعا


up 0 down 0
amas2006 22
قبل 4 شهر و 2 أسبوع



الأخ الفاضل alhkami

حاليا اغلب الوكالات تسوي الصيانة كل 10 الاف

تروح لهم في صيانة 1000 الف كيلو فقط تشييك على السوائل و ضغط الهواء في الكفرات

و تتسجل في الضمان و بعدها يقولك تعال على 10الاف


up 0 down 0
abo 3arab 17
قبل 4 شهر و 2 أسبوع



بالنسبة لسالفة تمرين تراها جد لازم تمرن مكينه ودليل حتى اول ما تشتري

سيارة اصوات انكماش وتمدد معادن تسمعه حتى لمن مع ضغط على سيارة بعد مسافة ٥٠٠٠ او ١٠٠٠٠ الاف خلاص اصوات تختفي






up 0 down 0
mohammed1368 68
قبل 4 شهر و 2 أسبوع



وهذا كلام من كتيب هيونداي موتري

عملية تليين السيارة
لا توجد فترة محددة للتليين يمكنك من خلال اتباع مجموعة من الاحتياطات البسيطة لأول ١٠٠٠ كم رفع جودة وأداء استهلاك وعمر سيارتك
- لا تزد من سرعة المحرك
- أثناء القيادة حافظ على سرعة المحرك بين ٢٠٠٠ و ٤٠٠٠ rpm
- لاتقم بالقيادة على سرعة واحدة لفترة طويلة سواء على سرعات منخفضة او العالية يجب تغيير سرعة المحرك لتليين بشكل مناسب
-تجنب التوقف الشديد المفاجئ الا في حالة الطوارئ ليتسنى ضبط الفرامل جيدا
- لا تقم بقطر مقطورة اثناء اول ٢٠٠٠ كم من التشغيل


up 1 down 0
mohammed1368 68
قبل 4 شهر و 2 أسبوع



mohammed1368 صح عليك
نسيت هرجة السرعة الثابته
لا تمشي على سرعة وحدة يعني اذا ماسك خط
ثبت 120 بعدها ب 10 دقايق ثبت على 110 بعدها ب 5 دقايق 115 وهكذا


up 0 down 0
ms3al 1613
قبل 4 شهر و 2 أسبوع



جزاكم الله خير جميعا

طيب بالنسبة للتأمين بأمن ضد الغير

وش أفضل شركة ..؟




up 0 down 0
amas2006 22
قبل 4 شهر و 2 أسبوع



^^^^^^^^^^^^^^^^^^


up 0 down 0
amas2006 22
قبل 4 شهر و 2 أسبوع