أضف سؤال أو موضوع جديد          

حاجه لازم تراعيها بين فتره وفتره

up 14 down 4
سعد خليل 6151
قبل 6 سنه و 7 شهر



السلام عليكم ورحمة الله وبركاته 

اليوم استبنت السياره كشتت فيني وابقولكم القصه للعبره

اليوم ماشي والرزق على الله هههه الى اسمع صوت قديم من ايام اروح للمزرعه هههههههه الصوت هذا حبيب قلبي

هو هو هو ((البنشر)) سيارتي بنشرت واسبه مسمار الله لايعيده ههههه

قلت البنشر عادي مو مهم مع ان الجو حار شوي بس الرجال تحمل الكر زي ددسن موديل 83 

ماني مطول عليكم وارفع السياره واشوف الاستبنه وطالع بالستنبنه زين هههههه وحتى هي الثانيه مبنشره 

قلت عجيب كيف حصل هالشي قلت لازم يجي نيوتن يعلمني بالسالفه مع ان الاستبنه جديده بزرعها 

وادق على واحد من العيال الله يجزاه ويجزاكم خير ونجي ونشيل الاستبنه والكفر المبنشري
وراوح للبنشري وسالته الكفر ليششش مبنشر وهو جديد سالني الكفر متى اخر مره عبيته او شفت حاله كيف 

قلت : يالله زمااااان ماشفته معلق بالسياره وهو مبنشر ههههه والسياره للوالد الله يحفظه اغلب وقتها واقفه مسويه(بريك فاست) هههه

قال الكفر اذا اخذ 6 اشهر بالكثير ينقص هواه ومرور سنه يبنشر نهائي 

قلت اجل كذا القصه 

خلاصة الكلام ياخواني

الي بيسافرون والي بيمشون باليل تاكدوا من الاستبنه زين وخصوصا الي معه سياره جديده لانه يمشي عليها 

ومايدري عن الاستبنه وش حاصل علي 

ولاتوقعون بنفس الخطى الي سويته اليوم مادري عن الاستبنه وش حاصل عليها زززززين اني بانهار والا باليل كان كملي عشاء للذياب ههههه

عاد ماكوا سعد خليل بعدين ههههه


اتمنى انكم تتعضون وتستفيدون من التجربه المريره الي عطلتني عن شغلي واغراضي 


يتمنى لكم اجازه سعيده 

&سعد خليل&







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الله يسترنا سيارتي مافيها استبنة اصلا حتى اشيك عليها بس انا ما اخرج بالسيارة برا البلد
موضوع مهم يعطيك العافية واحلى لايك


up 1 down 0
recoppa 1
قبل 6 سنه و 7 شهر



نصيحه من ذهب استفدت منها جزاك الله خبر


up 2 down 0
البطش 3585
قبل 6 سنه و 7 شهر



من جهتي كل كذا شهر افرغ الهواء حق الاستبنه واعبيه ثاني مرة اخر مرة عبيتها نيتروجين


up 1 down 0
موووت احبك 1622
قبل 6 سنه و 7 شهر



^^^^

اهاا صح عشان الهواء ما يترسب في الاستبنة :)


up 1 down 0
w1w1 2204
قبل 6 سنه و 7 شهر



أبو خليل معي 2011 تولع لمبة البنزين على 400 كم فقط ايش رايك علما اني مااتعدى 150 كم س واحلى لايك


up 1 down 0
أأبو نوااف 1640
قبل 6 سنه و 7 شهر



هايلوكس................


up 1 down 0
أأبو نوااف 1640
قبل 6 سنه و 7 شهر



ابونواف معي اخته بس اصغر منها هايلكس 2012 غماره 

وش تقصد بسوالك الله يرضى عليك


up 1 down 2
سعد خليل 6151
قبل 6 سنه و 7 شهر



اليابان لك الاحترام بسسسس ردك صراحه ردك ؟؟؟؟ ماله تفسير واعرفك انك من رجال هالمنتدى وعشان كذا كاتم نفسي 

وياخوي هذا الي حصل معي ومن البنشري اليوم وماني جايب الكلام من بطني 

لذا وزن كلامك قبل لاتقوله


up 2 down 3
سعد خليل 6151
قبل 6 سنه و 7 شهر



وبعدين هذا الشي معروف وسالت ناس بعد الحصل علي وقالوا لي هالشي  طبيعي 

لذا تكذيبك لي وفي نفس موضوعي مادري وش اقولك بس روح الله يسامحك


up 2 down 2
سعد خليل 6151
قبل 6 سنه و 7 شهر



سععععععد خليل لبا قلبك لاتهتم لكلام الناس يكفي اني انا اقرا مواضيعك<<<والله من الهيياط خخخخخخ


up 1 down 0
ابواحمد2090 1523
قبل 6 سنه و 7 شهر



هلا اخوي سعد المقصد أخوي احس ان صرفية البنزين عندي عالية شوي يعني الفل مايمشيني الا 400 كيلو فقط 


up 1 down 0
أأبو نوااف 1640
قبل 6 سنه و 7 شهر



انيق اكيد تقصد البانوراما الازرق حقك صح ؟


up 1 down 1
recoppa 1
قبل 6 سنه و 7 شهر



جزاك الله خيرا وفعلا الاهمال مشكله وهي بس فك الشنطه وتاكد وسكر الشنطه وانتهت بس الكسل والتسويف مشكله ولك احل لايك


up 2 down 0
ق ق س 342
قبل 6 سنه و 7 شهر



الحين الحمد لله كل السيارات كفرات تيوبلس(بدون لستك) سواء الجديده او القديمه الي محولها, والاشياء الضروريه للكفر التيوبلس , رقعه خاصه الي تجي حديدتان خاص برقع التيوبلس وسعرها رخيص 10 ريال + منفاخ كومبهرسر( ماطور الهواء) وهذا ضروري والي ما عنده ضروري يشتري, وبأذن الله اذا توفرت هذي الاشياء ما تحتاج السبير, وضروري وجود السبير كمان للحرص, انا اذا بنشرت ارقع الكفر من غير ما افكه وهو مكانه بأستخدام الرقعه الخاصه للتيوبلس+ استعمال الماطور المنفاخ, واذكر مره اخره الاشياء الضروريه1- السبير لابد ان يكون سليم 2- ماطور الهواء 3- الرقع الخاصه بالتيوبلس+ العفريته + مفك الكفر , وسافر وانت مرتاح


up 2 down 0
خطاي الشوق 2532
قبل 6 سنه و 7 شهر



ابونواف الحين فهمت قصدك شوف فيه عوامل اصلا تزيد من صرفية البنزين وخذ بها دائما ولك لبرزهها

1. شوف معي سيارتي هايلكس 2012 عبيتها مشتني 38 الى البيت في اليوم التالي طلعت رحله ومشيت تقريبا 90 كيلوا ذهبا وايبا 

وبعدين رجعت مشيت 38 كيلو مره اخرى احسب الي صار معي كيف 

38 + 90 + 90 + 38 = 256 وباقي ربع او اقل من الربع مع اني مشغل المكيف وكمان مناطح الهواء ومركب جنوط وطالع برا


بس ياصاحبي احب اضيف عوامل تزيد من صرفية البنزين 

1. الجنوط لازم تكون جنوط بلدها مثلا مركب جنوط مرسيدس على السياره بتثقل على السياره بتزيد اكثر من الصرفيه 

2.المكيف كمان هو الاخر يزيد من صرفيه السياره اكثر وهالشي معروف ومايحتاج اهل خبره 

3. الهواء اذا كان ناطحك بتحس ان السياره ثقيله كمان هي بتزيد من صرفيه البنزين 

4. والهايلكس لاتعدا 120 يصرف بنزين زياده  انت جرب مره خلك لاتعد سرعتك 120 وشوف كم يمشيك

6. اصلا ياخوي السيارات الجداد من الهايلكس عليها صرفيه ماهي طبيعيه المشكله ان البنزين(91) اجل كيف لو كان البنزين(95) 

7. والله اشوف ان 400 كيلوا من الهايلكس شي طيب والعوامل الي تزيد من صرفية البنزين وفيه هايلكسات يصل تقريبا 450 



وذا عندك اي استفسار او مناقشه ابشر واحنا حاضرين




up 1 down 3
سعد خليل 6151
قبل 6 سنه و 7 شهر