كمبروسر المكيف كامري 2007

وعليكم السلام ورحمة الله وبركاته
صدق المثل اللي يقول
الشي لو زاد عن حده يقلب ضده
الاهتمام الزايد مشكلة
الله يعينك وان شاء الله تلقى حل رخيص لف لف على كم محل وشف يمكن تلقى خبير يسويها لك

انصحك تغير الكمبرسور لو غيرت رمان البكره راح يخرب صوفه الكبرسور ويهرب فريون الحل تغيير الكمبرسور وتحصل نظيف رخيص مستورد في تشاليح الصناعيه القديمه

مالها حل مشكلة مكيف الكامري غير جديد حق بلدها ويعيش معك حول 5 سنين 
وبعدها يجيب الله فرج 

حتى لو غيرت البكرة ماراح تطول وتخرب غير الكمبريسر وثلاجه المكيف

كان عندي مشكله بالمكيف
واصلح ويتعطل
وبعد كم مره ضبط لاكن خفت يتعطل
وحصلت كمبروسر تشليح شد بلد
ركبته وضبط حتى بعت الموتر
مالك الا تشوف كمبروسر ولو مديل احدث
كامري ٢٠١١ اذا يركب
واذكر واحد من الربع تعطل مكيف كامري٢٠٠٨
وركب تبع هايلكس
يقول افضل

عليكم السلام ورحمة الله وبركاته 
اذا الكمبروسر شغال ١٠٠٪؜ ومافيه ضعف 
عندك البكره صلبت حل مشكلتها > تغير الرمان جديد تحصله عند قطع الغيار والكلتش تاخذه تشليح ويرجع يشتغل معاك نفس اول ويسويها لك الكهربائي يفك البكره القديمة بزرقينه اذا ماعنده شف كهربائي ثاني لاتغيره الابزرقينه اما يجيب شاكوش ويضرب بالكمبروسر يخربه عليك ومانصحك تسويها  .
الحل الثاني تاخذ البكره والكلتش تشليح تحصلها عند اي كهربائي يصلح مكيفات وانت شف اسعارهم وشف اللي يناسبك ولاتنسى تنظف رديتر المكيف ودورة التبريد كامله لاتركب كمبروسر بدون تنظيف يرجع يضرب معاك ولا كأنك سويت شي .

وشف فرق السعر بين البكره والكلتش والرمان 
وسعر الكمبروسر  اذا بنفس سعر الجديد ركب جديد وريح راسك ومانصحك تركب تشليح
لو قال لك الكهربائي عنده كمبروسر نظيف 
ترا تبي تصير شغلتك كل فتره فك وتركيب 
وتعبي فرريون وتنظيف دورة التبريد مانصحك 
بالتشليح لان انت وحظك يمشي معاك يوم يومين
شهر سنه انت وحظك واغلب اللي عند الكهربائيين رجيع من زبون مصلح عندهم ويصلحونه بطريقتهم 
ويبيعونه ويعطيك ضمان وبعد الضمان انت وحظك يمشي معاك ولا يخرب عليك وتخسر مره ثانيه 
قيمة كمبروسر وشغل يد تنظيف دورة التبريد 
وقيمة فريون دامك تبي تدفع الحين 
خل شغلك صح عشان يعيش معاك لك وللعمر 

الله يعطيكم العافيه ..

شكلي بغير الكمبروسر بس ياليت تعطوني الاسعار وايش الافضل لان حق الوكاله فيه حساس يقولوا مشاكله كثير وفيه ماليزي مجدد بدون حساس ولا اركب حق 2002 ..

اللي كان راكب عندي اظن 2002 او 2006 مرهم ..

قد خرب علي رمان المكيف كان يطلع صوت مثل المكنسة وغيرته والحمد لله شغال تمام

لا تركب ماليزي مجدد نصيحه ابعد منه. جودته تجي جدا تعبانه.