أضف سؤال أو موضوع جديد          

الكافيار وقطع الغيار

up 12 down 7
محمدالكامري 771
قبل 4 شهر و 3 أسبوع



من الله علي بافالون جار عليها الزمن وشرب ولله الحمد على عطائه لدرجة ان ما تبقى منها لا يشفع لها بان اصلحها لاني لو بديت اصلح ابدفع كقيمتها كاملة اجرة اصلاحات ففي يوم من الايام كنت ماشي بشويش كالعاده مو عشان الامان لا عشان ساهر والبنزين لان الامان الاقتصادي في نظري يتساوى مع الامان الروحي لذا في حدود سرعة 60 على الخط السريع طار شبك السيارة الامامي الي كان مثبت بمشقبيات رديئة من صنع حوش بيتنا وذلك بعد ما اصطدم فيه الكبوت الي مايتقفل زين عدة مرات حتى انقشعت الواجه بشكل هستيري من غير اي اصطدام او حادث

وبعد عدة رسائل بالواتساب تحميدا لي بالسلامه قررت اروح اركب شبك عشان الناس لا يطبون بيتنا ويحمدون لي بالسلامه بدون سبب وعشان لا يتشفى علي بعض شيبان الحي عشاني ابطأ مخلوقات الله في ركوب مطب بيته المصنوع ضمن المواصفات والمقاييس الحربية

دخلت اول محل قطع غيار وقلت له ابغى شبك افالون اردى صناعه وتجاري التجاري حتى لو يجي مصنوع بفلين عادي بس السعر لا يتجاوز 100 ريال

قال فيه تجاري ب 250 قمت اتهكم وقلت له طيب والاصلي قالي ب 580 قلت طيب وين اقرب صراف طبعا هذا تكتيكي للهروب قالي عندنا شبكة قلت ماعندي بطاقة قالي كيف كنت تبي صراف قلت له عشان ابعبي بنزين من المحطة الي فيها الصراف طبعا انبشم اخي اليمني الي بقطع الغيار ولا رد السلام بعد ما خرجت من عنده

دخلت محل ثاني قالي التجاري ب 400 والاصلي ب 750
قلت له ليه ياخي محصله باقل سعرك شبه دبل ليه كذا علما ان لبسي وهيئتي تدل على اني ما استحق شبك باكثر من 60 ريال والله المستعان

بعد ما خرجت اتصلت بوزارة التجارة وشكيت لهم التلاعب بالاسعار وكل يوم بعد العصر امر من عند المحل على امل ان وزارة التجارة يغلقونه

واليوم لي 6 ايام ولا حتى قفلوه او ووبخوه لاني دخلت مره ثانيه عليه واعطاني نفس الاسعار السابقة بس هذي المرة بزفرة نفس لنه داري اني ما ابشتري

بعد كذا شغلت الافالون بكل ثقة وكملت حياتي وقلت لايمكن ان يكون شبك سيارة هو سبب سعادتي . وثقتي بنفسي اكبر من اي شبك بالعالم والانسان بمعدنه ودينه ومواقفه مش بشبك سيارته

لذا جيت دخلت عندكم واقولكم الله يرزقنا بموقع مثل امازون واي باي نشتري منه قطع غيار بدل النصب الحاصل بالسوق


تحياتي للجميع
ابو فهد







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


ههههههههههههههههههههههههههههه التكتيك حق الصراف ماشي عليه من زمان


up 2 down 0
abdulaziz bin ateeq 219
قبل 4 شهر و 3 أسبوع



تراها افالون مهما كانت حالتها و موديلها
يعني تبي قطع غيارها حتى تجاري نفس قطع الكرسيدا و الددسن
!!!


up 1 down 3
1405-1985 1416
قبل 4 شهر و 3 أسبوع



ههههههههه يرزقك ياخوي محمد الكامري بالافالون الجديد
ويعطيك ع قد نيتك 
ويسعدك مثل ما اسعدتنا بموضوعك 
ويرزقنا اجمعين 

وبالتوفيق


up 2 down 0
m7md 33 645
قبل 4 شهر و 3 أسبوع



تعديل // الله يرزقك ياخوي .......


up 0 down 0
m7md 33 645
قبل 4 شهر و 3 أسبوع



الشبك وماادراك مالشبك شبك مشعل هههههههههههههههههههههههههههههاي


up 0 down 0
talk to the hand 61
قبل 4 شهر و 3 أسبوع



ههههههههههههه رهيب انت يا ابو فهد
الله يفتحها عليك من واسع ابوابه


up 0 down 0
moo3tazz 235
قبل 4 شهر و 3 أسبوع



انت وامثالك ممن يقود تلك المركبات المتهالكه على الطرق السريعة.

وعدم التقيد بالسرعة المطلوبة ، وعرقلة الحركة المرورية وكذلك التسبب بالحوادث المرورية.

اضافة إلى تشويه منظر المدن بالسيارات المتهالكة

اتمنى ان تنقرضون وتدعون الناس ينعمون بالقياده الامنه على الطرق

اما بخصوص قطع الغيار فهناك مواقع التشليح اذهب واختر ما تريد

وبرخص التراب

ههههههههههههههههههههههههه






up 1 down 5
aboahmed2014 752
قبل 4 شهر و 3 أسبوع



اسلوبك جميل ماشاء الله...اما التكتيك قصه ثانيه :)




up 2 down 1
midnight_963 524
قبل 4 شهر و 3 أسبوع



يمدحون التشليح خذ لك واحد لو مكسور وضبطه


up 1 down 0
بريق الرياض 260
قبل 4 شهر و 2 أسبوع