أضف سؤال أو موضوع جديد          

كم تكلفة رش الصدام؟

up 0 down 0
stack111 117
قبل 2 شهر و 3 أسبوع



السلام عليكم. يا شباب ابغى ارش الصدام الخلفي و شيء بسيط من الرفرف الخلفي - يسار ... ما ادري كم السعر المنطقي بالورش بصناعية ام الحمام بالرياض.







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


بالنسبة للصدام من ٣٠٠ الى ٤٠٠ حسب الورشه 
وتحصل ارخص بس شغل مشي حالك ،.


up 1 down 0
m7md 33 565
قبل 2 شهر و 3 أسبوع



وعليكم السلام ورحمة الله
حسب خبرتي المتواضعة بورش جدة
اسوأ رشة ب100 ريال وأفضل ورشة ب700 ريال

طبعاً في ورش ممتازة لكن مبالغة في السعر حبتين
مثلاً فيه ورشة مشهورة اسمها بن بشر يرشون لك الصدام الواحد ب1200 ريال هذا قبل الضرائب يمكن الحين ارتفع السعر
والسبب شهرة الورشة وأغلب زبانئها من أصحاب السيارات الفخمة وذولي ماشاء الله ناس دفيعة وجيوبهم تطرش فلوس

دور على الشغل النظيف بالسعر المناسب
الشغل التعبان خسارة فلوس حتى لو كان رخيص والغالي مرة برضه خسارة


up 1 down 0
nader2002 1627
قبل 2 شهر و 3 أسبوع



لايغرك اللي يقول بيرش لك ب200 او 300

ترى رش ابو كلب ولايضبطه لك

شوف لك ورشه لها اسمها وحتى لو زاد مبلغ الرش اهم شئ تشوف رشهم للسيارات الموجودة بالورشه



up 1 down 1
aboahmed2014 599
قبل 2 شهر و 3 أسبوع



عن تجربتي بفضفضلكم
اشتريت صدام اصلي ورشيت بورشه افخم شي ب 600 ريال
وبعد كم شهر نقزلي بس بالخط وكسر الصدام وكانك يبو زيد ما غزيت

قبل شهر اشتريت صدام تجاري بنص قيمه الاصلي ورشيت بورشه مشي حالك ب 200
وفوق كذا تمخش الصدام بسبب المطبات او الحفر الى تيجي بوجهك وما تلحق تهدي

كذا كذا انت خسران فشوف اقل الخساير لك وانت بكيفك


up 1 down 0
فـــ9ـــد 383
قبل 2 شهر و 3 أسبوع



اذا صدام دور لك ارخص ورشة واشرط عليه تطابق اللون واذا ماتطابق خله يرشه مره ثانيه ,, لان مستحيل الصدام يتطابق مع البدي 100% فمايستاهل ورشة سعرها غالي , ,,


up 1 down 0
فهد ابن حسين 46
قبل 2 شهر و 3 أسبوع



يافهد الأول ههههه الله يعوض عليك
انا ياما نطوا بوجهي بساسة لكن اتجنبهم قد مااقدر ولي 9 سنوات اسوق ولله الحمد مادعست ولا بس واحد
أول شي ماابي احط بذمتي نفس وثاني شي احافظ على السيارة

بعدين وش ذا البس اللي كسر الصدام ؟
ياانه صدامك تجاري وانغشيت فيه أو انك داعس 140 أو انك داعس نمر وتحسبه بس هههههه

شوف عندنا بجنوب جدة من كثر العفاشة والهمجية في السواقة تلقى ناس زيك طفشوا من كثر مايرشون
فصار بعضهم يشتري صدام تجاري ويركبه بدون رش كذا اوفر من الرش ولا؟

أنا اشوف الواحد يرش بورشة محترمة أو يخلي الصدام زي ماهو

لأنه الرشة التعبانة خسارة فلوس على الفاضي وبأسوأ الأحوال ممكن والسيارة واقفة بكراج تلقى اللون واللمعة تغيرت
ومن أبسط حكة تلقى البوية تقرشعت وصل كأنها برتقال :)

أغلب ورش الرش والسمكرة غير دارسين لأبجديات مراحل رش البوية واللكر والسمكرة هذا إذا كان عندهم مواد أصلية أصلاً

شوف هذا المقطع راح يفيدك :

https://www.youtube.com/watch?v=J9P5TRVu3Fs



up 0 down 0
nader2002 1627
قبل 2 شهر و 3 أسبوع