كم تكلفة رش الصدام؟

بالنسبة للصدام من ٣٠٠ الى ٤٠٠ حسب الورشه 
وتحصل ارخص بس شغل مشي حالك ،.

وعليكم السلام ورحمة الله
حسب خبرتي المتواضعة بورش جدة
اسوأ رشة ب100 ريال وأفضل ورشة ب700 ريال

طبعاً في ورش ممتازة لكن مبالغة في السعر حبتين
مثلاً فيه ورشة مشهورة اسمها بن بشر يرشون لك الصدام الواحد ب1200 ريال هذا قبل الضرائب يمكن الحين ارتفع السعر
والسبب شهرة الورشة وأغلب زبانئها من أصحاب السيارات الفخمة وذولي ماشاء الله ناس دفيعة وجيوبهم تطرش فلوس

دور على الشغل النظيف بالسعر المناسب
الشغل التعبان خسارة فلوس حتى لو كان رخيص والغالي مرة برضه خسارة

لايغرك اللي يقول بيرش لك ب200 او 300

ترى رش ابو كلب ولايضبطه لك

شوف لك ورشه لها اسمها وحتى لو زاد مبلغ الرش اهم شئ تشوف رشهم للسيارات الموجودة بالورشه

عن تجربتي بفضفضلكم
اشتريت صدام اصلي ورشيت بورشه افخم شي ب 600 ريال
وبعد كم شهر نقزلي بس بالخط وكسر الصدام وكانك يبو زيد ما غزيت

قبل شهر اشتريت صدام تجاري بنص قيمه الاصلي ورشيت بورشه مشي حالك ب 200
وفوق كذا تمخش الصدام بسبب المطبات او الحفر الى تيجي بوجهك وما تلحق تهدي

كذا كذا انت خسران فشوف اقل الخساير لك وانت بكيفك

اذا صدام دور لك ارخص ورشة واشرط عليه تطابق اللون واذا ماتطابق خله يرشه مره ثانيه ,, لان مستحيل الصدام يتطابق مع البدي 100% فمايستاهل ورشة سعرها غالي , ,,

يافهد الأول ههههه الله يعوض عليك
انا ياما نطوا بوجهي بساسة لكن اتجنبهم قد مااقدر ولي 9 سنوات اسوق ولله الحمد مادعست ولا بس واحد
أول شي ماابي احط بذمتي نفس وثاني شي احافظ على السيارة

بعدين وش ذا البس اللي كسر الصدام ؟
ياانه صدامك تجاري وانغشيت فيه أو انك داعس 140 أو انك داعس نمر وتحسبه بس هههههه

شوف عندنا بجنوب جدة من كثر العفاشة والهمجية في السواقة تلقى ناس زيك طفشوا من كثر مايرشون
فصار بعضهم يشتري صدام تجاري ويركبه بدون رش كذا اوفر من الرش ولا؟

أنا اشوف الواحد يرش بورشة محترمة أو يخلي الصدام زي ماهو

لأنه الرشة التعبانة خسارة فلوس على الفاضي وبأسوأ الأحوال ممكن والسيارة واقفة بكراج تلقى اللون واللمعة تغيرت
ومن أبسط حكة تلقى البوية تقرشعت وصل كأنها برتقال :)

أغلب ورش الرش والسمكرة غير دارسين لأبجديات مراحل رش البوية واللكر والسمكرة هذا إذا كان عندهم مواد أصلية أصلاً

شوف هذا المقطع راح يفيدك :

https://www.youtube.com/watch?v=J9P5TRVu3Fs

والله طلعلي الله يكرمكم ٣ كلاب فجأة ما قدرت اتجنبهم عدمو لي الصدام كشافات الضباب البطانتين حق الرفرف غطاء المكينة من تحت والحمد لله والان ماني عارف هل اارقع الصدام ةوواغيره اخاف ما تركب الكشافات وابغى اقل الأسعار الوضع مايتحل المشكل عندي تأمين لكن للأسف سبب الحادث أجلكم الله كلاب