اببيع سيارتي با الاجل رايكم؟

اولاً هل هذا العقد صحيح شرعاً لازم تسأل احد المشايخ بارك الله فيك. 

لا تدخل نفسك بمشاكل
اذا بتجيه فلوس بعد شهر يصبر و سيارتك معك و بعد شهر يجيك بفلوسه كامله

ليه تشقي نفسك خلاص يبيها هو يعطيك عربون و اوعده ان الموتر له ينتظر شهر ويجي يستلم موتره والله يبارك له ولك

مثل كلامي اخوي mission 
عربون وتبقى في معرض وبعد شهر يدفع ويستلم 

ومره بعت موتر كذا لخوي 

كان شرط ١٠ ايام ودفع عربون ١٠ الاف 
واذا قضت ال ١٠ ايام يروح عليه عربونه 
والرجال جاء بعد اسبوع كمل المبلغ وكنت موقع مبايعه لان المعرض اعرفه 
ومالقيت الا المعرض مكلمني تعال استلم باقي المبلغ 

شرط تسجله سائق فعلي للسيارة عن طريق ابشر اي مخالفه اي مصيبه تكون بأسمه وتسجلها بالعقد اللي بينك وبينه عشان تخلي مسؤليتك غير كذا لا تقبل والله يعوضك انت وياه خير

تبي نصيحة
شفت قدامي ناس باعو بالاجل
وراحت قضايا ومطالبات فترات طويله
نصيحه بيع كاش واضرب الباب

اللي مامعه يسددك كاش الان
كيف يسدددك بالاجل

يا كاش او لا مالك بوجع الراس

شوف اذا المبلغ عاجبك
مالك الا ( سند لأمر ) وتضيف عليه سند بمبلغ للمحامي اللي بيرفع للتنفيذ 

صدقني اذا عنده نيه يلعب بيشوف الوضع سندات راح يبطل من الموضوع

الآن السند لأمر هو اسرع شي تنفيذ مباشر 
انتبه ترا الشيكات مرمطه وشغله متعبه حتى الكمبيالات مقرفه
بالتوفيق للجميع ...

واذا اتفقت معاه على السند تعال خاص ازبطك بالصيغه الصحيحه

انتبه يضحكوا عليك بسند ماينفعك بالتنفيذ 

الكاااااش وبس ، كثير ندموا أشد الندم ، ودخلوا قضايا طويلة