اهل الخبره هل ممشى 450 الف يعيب السيارة

حظ ونصيب اذا حاب تجرب
اشوف المبلغ معقول
استخير وبالتوفيق ان شاء الله.

بشكل عام نعم كل شي انتهى عمره الافتراضي

اذا ما جاها حوادث و محركاتها نظيفه لا تفوتها
٤٥٠ اذا ما فيها اصوات اكيد مجدد عضلاتها يكفي
افضل من شي ماشي ١٥٠ و مجلود بالطعوس و ١٨ رخيص

الفورشنر نظيف موديل 13-15
سعره ما بين 35 الى 50الف
هذا 2011 اذا نظيف من بدي و محركات
سعره جدا طيب خاصة إذا قير أوتوماتيك

اي قيرهً تماتيك بدون دبل

شوف ايش يحتاج تصليحات اذا في حدود ثلاث الاف سعره مناسب

اذا مافيها نقص زيت بزياده ولا فيها قربعه توكل على الله 

١٥ الف اشوفها مناسبة بحكم الممشى و انت افحص زين
مع ان الموتر غير مريح و يصرف بنزين و هو جديد
و بدون دبل و الظاهر فرامله عاديه
موديل ٢٠١٢ من اقل فئة فرامل ABS

ما ظنتي الممشى يعيبها خاصه انه محافظ ع زيوتها وبدي وكاله 

توكل ع الله وان شاء الله تمشيك ٤٥٠ زياده 

وانت تقول فلبيني ، الجنسيه هذي بالعاده يكونون محافظين على ممتلكاتهم ..

وبالتوفيق

يعطيكم الف عافية ماقصرتو والله اشاور نفسي 

شف غيرها ماشية كثير

الممشى حوالي 60 الف في السنة يزيد او يقل كثير ❗️ المبلغ مغري ‼️ما نوع الخطوط  بيئة المنطقة المتواجدة فيها السيارة آخر كلام اذا عاجبتك السيارة إفحص في الوكااااالة

افحص السياره وتاكد انها ماهي مقلوبه ولامرشوشه وافحص المكينه والقير تاكد انها ماهي موضبه حتي لو راعيها حلف ان مافيها شي لاتاخذ في كلامه واشرط عليه تفحص

450 السيارة منتهية تماماً 
انا كان عندي التيما 2009
ثاني مالك لها 
لما وصلت 300 الف
صارت المكينه تنقص نص علبه بعد ممشى 3500
وزيت القير صار يندي ( بداية تهريب)
والمكانيكي اللي كشف قال كل شي سليم مافيها شنابر
لكن المكينة بدت تستهلك واللي يشوف مكينتك اتحدى يقول ماشية
300 يعطيها ممشى 100 الف بحد اقصى حتى
هو كان مستغرب يقول لو مااعرفك واعرف الموتر منذ مبطي
مااصدق ان المكينة هذي ماشية 300لاني اغير الزيت بوقته
ومحافظ على تغيير زيت القير والمكينة وعمل الصيانة
الدوررية بوقتها وبقطع اصلية 
بعتها وتخلصت منها بعد توضيح العيوب للمشتري
وللان ماشية معاه زي اللوز
لكن ممكن في اي وقت يطق القير او المكينة او جميعهم اذا ماانتبه
للتهريب نصيحة اشتري راسك وابعد عنها مانصحتك
وكتبت ردي الطويل الا ابي لك الخير ودعواتك

كان عندي برادو 2003 وماشي 420 الف وبعته وسياره اخت الجديده والحمد لله محافظ عليه واللي شراهًمني استخدمه سنه ويسافر عليه ووصل معه 460 وباعه وقبل فتره شفته معروض في الموقع وعسى الله يبارك لنا ولكم

اشرد عنها بتدفه قد ثمنها صيانه للعضلات

معد ورا 450 الف شي 
على قول الشاعر 
صافيه راح ولابقى غير مره 
450 انتهى عمره الافتراضي وراح تصلح شي شهر يطلع شي ثاني وهات يادراهم 
بدون مبالغه وبامانه جربت مايقارب 34 سياره في عمري لاني ابيع واشري اطفش من السياره واحب التغيير 
اي سياره ممشاها ياصل 400 بعها بكلبن سرق اهله 
واي سياره تشتريها ماراح تلقى مثل الجديد الوكاله راحه بال من الورش والضياع للوقت والمال