الانتخاب الطبيعي للسيارات
18
11
إضغط هنا للإخفاء
الانتخاب الطبيعي للسيارات
كلنا يعلم ان هناك سنة كونية اوجدها الله سبحانه وتعالى لتتفاضل المخلوقات فيما بينها فكما اكتشف العالم داروين ان نظرية الانتخاب الطبيعي سبب لبقاء جنس معين على جنس اخر
ومثل بسيط لذلك كلنا نرا ان الدب القطبي لونه ابيض ليسهل عليه التخفي وصيد الفرائس بكل سهوله وان بقية الدببة المتلونه تلاشت في هذه البيئة الصعبة ولم يبقى سوى الافضل والاجدر والقادر على مجارات الحياة واستمرار النسل
وهذا مثال بسيط لعملية الانتخاب الطبيعي
ومن هذا المنطلق اتعجب جدا ان هذا القانون لا يسري علي الصناعات الانسية فنحن معاقون في هذه الناحية صحيح اننا كبشر تطورنا تكنلوجيا بشكل كبير ولاكن تنقصنا ان نتجارى مع الفلسفة الكونية
عندي سيارة من نوع هونداي موديل 2016 اشتريتها جديده وكاله وبنت المحظوظة هذي شراها رجل حريص جدا جدا حيث اني لا اذكر ان عداد ضغط المحرك ارتفع عن 3 الاف دورة
وبعد 6 اشهر من الاستخدام النعومي لاحظت ان المكيف في الظهر غير فعال وغير بارد لدرجة ارضاء الضمير ذهبت الى الوكاله وقالوا ان السيارة مافيها شي وقلت اكيد اني موسوس وبعد ذلك اكتشفت ان كثير من مستخدمين هونداي مثلي يعانون من نفس المشكلة ولاكن بيشوفون وش النهاية مع ذي الشركة
وانا الان اقع على مسافة سنتين من شرائي لسيارتي بعد تغيير كمبروسر جديد من الوكاله واعاني من نفس المشكلة
لذا خطر في بالي لماذا لا يسري نظام الانتخاب الطبيعي للسيارات
يعني ليش ما تنقرض هونداي في بيئتنا الصحراوية الحارة مثل ما انقرض الدب البني من القطب الابيض الشمالي وبقي الدب الابيض
ليش باقي نجامل هونداي ونستخدم سياراتها
طبعا هذا التسائل موجه لاي شركة تستهبل بخصوص نظام التكييف وتحط كمبروسور ابو كلب وتمشي الحال
فمن هنا حبيت اضع ستاندر لشركات تصنيع السيارات لتاخذها في الحسبان حتى تتمكن من التنافس في بيئتنا الصعبة
1- الحرارة هنا تصل الى 55 درجة مئوية في الخطوط السريعه فقط اما ما يشاع عن الزحمة لمدة ساعتين ثلاث في عز القايلة الحرارة تصل الى اعلى من ذلك بكثير
• حط رديتر زي الخلق 7 صفوف وفوق ومروحتين قوية ولا تكون ثور و تسوي زي هونداي حاطة مروحه وحده بس في الالنترا
• كمية الحرارة الدخلة مع النوافذ اقوى من ضخ مكيفك لذا حط كمبروسر كبير وزود من جودة الحساس وانتبه تقلد الجحلط الكوريين وحساساتهم الي ما تكمل سنه وتخرب
• حط مبرد قير زي المسلمين مو تحط مبرد بحجم اليد وتقول كذا كافي تعال احطك مكان الزيت واعلمك شلون كافي
2- المطبات والحفر هنا اجمالا اكثر من مطبات وحفر العالم كله مجتمع حيث حنا وكوكب المشتري فقط نتساوى في عدد البطانيج
• الله يعينك على مساعدات قاسية وجلود مصنعه بتقنية النانو ومقصات مدبلة وكراسي مكينة في كل ركن من المحرك
• الديكور الداخلي لا يهتز وخل كل شي قابل للتمدد مع ذا الحر
3- العالم هنا ما تصين سياراتها ومثل منت شايف البيئة هنا ما ترحم الصخر شلون موترك المخيس
• كل زيوت السيارة تكون فل ساينثتيك وتخليقية بشكل كامل ومصنعه خصيصا للتحمل صحرائنا بحرها واتربتها وركز على الفلاتر الكبيرة وبعمر افتراضي كبير
• موية الرديتر لازم تعد في المختر بمواصفات خاصه وطرمبة الموية لا اشوفها تطلع صوت بعد فترة وبلف الحرارة خليه مرن يبرد على المكينة وغير قابل للغلق المفاجأ
4- الغبار عندنا هنا مثل الاكسجين عندكم
• ياليت تقللون من الحساسات الي مالها داعي او انكم تحطون فلتر مع كل حساس او تزودون جودة الحساس او عاد انتم تصرفوا
• وجهية السيارة بترمل بعد اول 6 اشهر لذا موظوع انك تحط بلاستك معالج في الشمعات ما يمشي
• ترا سياراتكم السيدان نطلعبها البر وانتم ما تدرون وتحسبون اننا نطلع بجيوب بس المهم فلتر الهوا من نوع خاص وياليت يكون فيه فلترين واحد بمقدمة السيارة والثاني قبل بوابة الهوا
ملاحظة اخيرة ياليت الدينمو يكون فوق 100 واط لان ماتدري يجي واحد يحطلك طقم زينون في لمبة الباب فالحرص واجب وانا اخوك
تحياتي للجميع
ابو فهد
إبلاغ
سيارات للبيع
الردود
4
2
عموما اللي يخرب عنده الكمبروسر انصحه يرهم لها كمبروسر موديلات قديمه من 2007-2010
6
0
فقط لو تهتم في جودة المحركات
مثل اهتمامهم بالشكل الهندسي والديكورات الداخليه والجنوووط
هونداي انتجوو سيارات بمديلات سابقه تكرف وتكد
وقطع شبه بلاش
..
انا اخذ هونداي ولااخذ نيسان للاسف
4
5
2
0
والسبب الرغبه في الربح الاكبر
على حساب الجووده
اذكر كومبريسورات السيارات في التسعينات
احجامها ضخمه .....وتتحمل ....ولا تخرب
الحين معدل 3 الى 4 سنين كمبرسر جديد
نرجع للطمع والرغبه في استنزاف العميل من قبل الشركات
2
1
1
0
حرارتها ما عمرها ارتفعت الا اهمال من راعيها وكهربتها ممتازه ولا سوو
زي ما قلت؟ اذا لا نضحك على بعض العيب في الشركه نفسها وفي جودة التصنيع
وان جيت تقول لاصحابها ذا الكلام قاطعوك مقاطعه طيب ابغا مصلحتك عشان لا تقلب شوايه
في الظهر ولا تقعد تكد فلوس عالسيارة اللي المفروض تخدمك مو انت تخدمها
4
1
نعترف ان تويوتا فقيرة بالمواصفات والكماليات وهيونداي شكل رائع دون جودة ونيسان الوكلاء الاثنين سيئين
2
4
ليومك ذا ماعرفت احد معه تويوتا ماشتكى من ثلاجة المكيف او الكومبريسور ولا القير بسبب اذا كان المكيف طافي ترتفع الحرارة للنص ويتضرر القير ؟ والعم قوقل موجود
الحين بيجي واحد يقول سيارتي لها لها من السنين عشرة ماخربت وهي تويوتا ولا هوندا ولا شفر لنفرض مع ان المواقع تعج بالمشاكل بالسيارات ذي ؟
المقصد ليه تبي تنتخب هونداي فقط ؟
اعرف واحد معه نيسان مرتين مغير كومبريسور ع الضمان ومعاه بطل الدروب
اجل لو معه صني ولا الغسالة كل شوي موقف ع الخط يبرد القير ؟ الغسالة الماكسيما اقصد
5
3
العبرة ف نوع الكومبريسور كلتش او كهربائي الكلتش تبريده وتحمله يفرق عن الكهربائي في اي شركة
1
2
سياسة شركات التصنيع تقليل التكلفة في الانتاج بقدر الامكان
وهذا على حساب الجودة في بعض قطع او وظائف السيارة
ويكون على حساب العميل
والشركة .. تحقق ارباح .. " فلكية " بدون تحمل خسارة كبيرة
والشركات الكبيرة تفعل ذلك
2
0
0
1
الكورولا الكومبريسور والثلاجة موديلات 2008 ل 2013
الانوفا و الفورتنشر موديلات 2006 الى 2015
تويوتا اللي شهيرة ب المكيف عندها مشاكل معروفة ب أكثر من موديل
ما اقول ان مكيف هونداي ممتاز
لكت كثير شركات عندها مشاكل مكيفات
2
1
1
1
قبل تشتري السوناتا محد قال لك انتبه من نقطه التكييف
او جيت مدرعم؟!
3
2
2
0
مهما بحثت ومهما حاولت تبحث مالك الا تسويها الشغلات ذي بنفسك سواء كانت صفوف الرديتر ولا المراوح ولا الدينمو الكبير ولا الكمبروسر كلها لازم تسويها بنفسك وتدفع خساير عشان تسويها
هم الشركات الاول والاخير هو الربح المادي فقط لا غير
يا ليت نشوف شركه سعوديه تصنع سياره بالمواصفات الي قلتها ويكون سعرها معقول حتى لو اغلى من منافسينها
طفشنا من اصوات المساعدات والديكورات الي تتفكك والسياره باقي جديده
طفشنا من المكيف الي يقلب دفايه عز الظهر
طفشنا من الصيانه المبكره عشان ما تخرب السياره (نغير الزيت على 10 الاف وبرا على 30 الف , موية الرديتر كل 50 الف وبرا كل 200 الف , الكمبروسرات الي صار يتغير بشكل سنوي, زيت القير برا يسمونه مدى الحياه ولا يتغير وعندنا اذا ما غيرته بعد 50 الف تلقاه اسود ومحروق, المساعدات الجلد المقصات صارت قطع استهلاكيه اكثر من انها قطع دائمة)
لا شوارع زينه ولا سيارات تقدر تتحمل ذي الشوارع
قبل 5 سنه و 10 شهر