وش تنصحوني في صيانة جيب لاندكروزر جكس 2013

وعليكم السلام

خلاص مايحتاج تغيير شيء

غيرت زيت القير وفلتر المكيف وغيرت فحمات مافيه شيء تسوويه
الله يبارك لك فيه ممشاه قليل وماهو محتاج شيء غير اللي غيرته

سير المكينه شيك عليه مهم
و الافضل تغيره مهما كان اذا وصل معك ١٠٠ الف كيلو
الباقي يمشي معك الى ممشى ٢٠٠ الف ان شاء الله

وعلى ١٠٠ الف غير البواجي 

يعطيك خيره ويكفيك شره 

وكل عام وانتم بخير

لاتغير شي الا في الوكاله ولا ورشه ثقه 
بذات البواجي لان لها رقم لو تغير مشكله ومعد يتعدا 120 
شف رقم البوجي وجب زيه 
والافضل انك ماتغيرها الا على 150 الف هي وسير التيمن سوى

معقول جدا على ممشاه انه مايطلبك شيء عليك بالقطع الاستهلاكيه وبس وشيك ع السيور والزيوت عموما

ومن ظمنها زيت الدبل والدفرنسات كثير يستهين في هذي النقطه زيت الدفرنس يتغير مثله مثل القير والمكينه بس عمره اطول

والدبل بتزود وعن نفسي افضل تغييره كل 80 الف لاجل يعطيني اطول عمر ممكن وكذلك يعتمد ع الاستعمال

ويعتمد كذلك حسب موقف الموتر اذا في بايكة والا مكان مشموس