أضف سؤال أو موضوع جديد          

من التشليح الى الاستخدام؟

up 1 down 2
talk to the hand 80
قبل 3 سنه و 5 شهر



السلام عليكم

كل عام وانتم بخير

انا صارت لي مشكلة السيارة وماعرفت حل لها السيارة شغلتها بالليل واشتغلت وطفيتها بعد 10 دقايق وجيت بشغلها مارضت تشتغل

السيارة حاولت اسوي لها اشتراك مانفع الا يوم سحبتها بونش واشتغلت الحمد لله مشيت عليها كيلو بس عند الاشارة ووقف يوم صارت خضرا بمشي اسمع صوت فرقعه داخل المكينة وكتمة والصوت كن السيارة مكربنة لها 9 شهور مااشتغلت والضغط كان على الواحد ونزل وطفت مارضت تشتغل
وبعدها حاولت ادق سلف ماتطلع صوت خليتها يوم كامل طافية جت بشغلها تدق سلف بس ماتشتغل غيرت الطرمبة مانفعت ممكن تساعدوني بالحل وش اسوي او احد جتة مشكلة وحلهه

كامري 2007







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وانت بخير وصحه 

شيك عالبواجي والكويل مع ان ماظن 

بس البواجي مره سوتلي كذا فرقعه وريحة بنزين


up 0 down 0
m7md 33 1155
قبل 3 سنه و 5 شهر



المشكلة مسوي لها صيانة وتبديل بواجي وكويلات ورش بدي السيارة قبل شهرين حدود 9 الاف ذي قليلة نسيت اقولك ممشاها اللحين فوق 500 الف اشترها اخوي وكانت ماشية بحدود 170 اعتقد


up 0 down 1
talk to the hand 80
قبل 3 سنه و 5 شهر



ممكن تحتاج تنظيف للثروتل


up 0 down 0
ابو حسين.......... 1024
قبل 3 سنه و 5 شهر



سويت لها كل حاجه من شهرين حتى تنظيف الحساسات سويتها بس كذا جتها من كيفها ماادري وش صار


up 0 down 0
talk to the hand 80
قبل 3 سنه و 5 شهر



احتمالين
حساس الكرنك
او سير التامين
الله يعينك


up 0 down 0
sloof. 221 5
قبل 3 سنه و 5 شهر



غير صفاية البنزين


up 0 down 0
mfh2009 372
قبل 3 سنه و 5 شهر



انا احس انه سير التايمن مثل ماقال الاخ sloof.221 لاان الصوت كان قوي ضرب بالمكينة وطلعت ريحه بانزين قوية والضغط كان تحت الواحد ينزل وتنتع بكرة بشوف الصناعية اذا فتحت واعلمكم وش صار بس كم يكلف تصليح السير؟؟


up 0 down 0
talk to the hand 80
قبل 3 سنه و 5 شهر



اختمال دبة التلوث مسدودة فك المسامير من جهة الاقرور وجرب وعلامة تعطلها تلقى البواجي كلها كربون اسود وعداد الماكينة الار بي ام طايح@


up 0 down 0
buick83 234
قبل 3 سنه و 5 شهر



عندك كمان طرمبة البنزين شيك عليها


up 1 down 0
هيرو 364
قبل 3 سنه و 5 شهر



بدلتها الطرمبة مافيها شي نفس المشكلة اليوم اتوقع تفتح الصناعية لانها مشكلة بالمكينة واضح


up 0 down 0
talk to the hand 80
قبل 3 سنه و 5 شهر



قد تكون علامة تخبيط صحيح لكن لاتستعجل لين تغير كم شغلة ومنها صفاية النزين وتشيك على دبة التلوث وكذلك

حساس وفلتر الهواء وحساس الكرنك




up 0 down 0
هاوي707 229
قبل 3 سنه و 5 شهر



الحمدالله صلحت السيارة في داخل طرمبة البانزين زي الربل الدائري الصغير مو موجود من اول مدري وش الخدعه اللي خلته تمشي شهرين لما جت المشكلة ذي علشان ارجع للصناعية كل يومين طلعت تسحب هواء مع بانزين تسبب التقطيع ذى
يعطيكم العافية جميع ♥


up 0 down 0
talk to the hand 80
قبل 3 سنه و 5 شهر