أضف سؤال أو موضوع جديد          

مشكلة فالكامري

up 0 down 0
برينسيزو 532
قبل 2 أسبوع و 2 يوم



السلام عليكم ورحمة الله وبركاته ..

يا اخوان عندي كامري 2007 GLX لمبة الزيت ترمش بس فالاسبوع مره عند الوقوف غالباً وسامع صوت زي الونه بس خفييييف فتحت غطاء المكينة يطلع هواء قوي زي التفتفه وترشيح قطرات زيت طلعت مكه من جده عده مرات والحمد لله تمام ماظهرت الزيت كان شبه محروق وغيرته لاني قلت يمكن بسبب الزيت تظهر اللمبة ..

رحت لميكانيكي يقول طرمبة الزيت ضعيفه غيرها قبل لاتخبط المكينة وشفت موضوع بمنتدى ان الخلل من الفلتر ( الشخال) حق الطرمبة يكون فيه اوساخ يتنظف وترجع تمام ..

ايش الحل حسب خبراتكم ي اخواني واذا الخلل من الطرمبة ياليت تذكرون السعر مع التغيير جزاكم الله خير ..







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


نعم الشخال اذا كان مسدود بالوسخ الزيت م يوصل لفوق كويس شيلها سطحة لمكانيكي محترف وامين يفك الكرتيل وينظفه وينظف الشخال وبالمرة غير طرمبة الزيت نصيحة الحق عليها قبل لا تنزل موضوع تاني وتقول وش الافضل توضيب ولا مكينة مستوردة


up 0 down 1
nissan200 88
قبل 2 أسبوع و 2 يوم



تحتاج فقط تنظيف شخال وتغيير ربلة الطرمبة الجلدة
ووجه كارتير


up 1 down 0
ابو محمد بيشه 97
قبل 2 أسبوع و 2 يوم



مثل ماتفضلوا الاخوان فك الكرتير ونظف الشخال وغير طرمبة الزيت قيمتها مو غاليه وان شاء الله تزين امورك


up 1 down 0
abo ali28 270
قبل 2 أسبوع و 2 يوم



الحل انك توقف موترك وماعاد تستخدمه بسطحه من مكانه لورشة محترمة وفاهمه لاحظ محترمه وفاهمه مهب سباكين 

هو هناك بيدبرك ويعلمك وش بيسوي بالظبط يعني من ناحية تغيير طرمبة بينظف الشخال الخ ......... وانتبه من السيفونات التجارية تراها هي البلا والجلى والزيوت الثقيلة والمخيسه الرديه اللي تشحم على طول ترى هذي اسباب الخراب

بالتوفيق


up 2 down 0
a.ibrahem 3026
قبل 2 أسبوع و يوم



شكراً لكم جميعاً ..

بعد الكشف اتضح ان الشخال واجزاء من المكينة تحتاج لتنظيف لوجود ترسبات زيوت قديمة ..

المشكله رحت لاثنين يقولوا مانسويها الا بعد العيد دام انها ما تظهر العلامه كثير ما تضر امشي عليها عادي لو طلعت اللمبة خليها تبرد شوي وشغلها ..


up 1 down 0
برينسيزو 532
قبل 2 أسبوع و يوم



وعلمنا اخر مستجداتك م هب زي الله يهديم يحذف لموضوع ولا خلاض حل الممشكله
وراح كمل وان شا الله نفيد ونستفيد


up 1 down 0
5tt_w 5
قبل 2 أسبوع



ابشر بعد العيد بفك الكارتير وانظف اجزاء المكينة حسب كلام الميكانيكي واذا ماراحت اللمبة مضطر اغير الطرمبة ..

شكلي بسويها كلها دام فيها فك للمكينه وارتاح ..


up 0 down 0
برينسيزو 532
قبل أسبوع و 6 يوم