أضف سؤال أو موضوع جديد          

لكل مستهلك انغش في سيارة

up 7 down 1
عبدالله الشافي 24
قبل 2 أسبوع و 6 يوم



السلام عليكم ورحمة الله وبركاته
اخواني الافاضل الكثير منا انغش بالكلام المعسول من قبل بعض الشريطية الله يهديهم وحسبي الله عليهم
ولكن للاسف اننا نجهل القوانين ونضطر نخسر على هالسيارة لحد ماتطق النفس ونبيعها بخسارة
انا كمثال انغشيت قبل شهر بكامري ٢٠١٠ من شريطي يحلف انها نظيف وشد بلد ودفعت فيها قيمة اغلى من سعر السوق لرغبتي بنظافتها لكن للاسف بعد شهر خبطت واكتشفت انها قد توضبت فاضطريت اوضبها والحين متردد اشتكيها للعداله او لا واصر على من يعرفوني بالشكوى وبأذن سأتقدم للمحكمة العامة بشكوى وافيدكم جمعياً بأن مثل هذه القضايا موجود ومقبول في مملكة التي لاترضى الضرر بأحد فلله الحمد والمنه لكن للاسف نحن لسنا متثقفين بحقوقنا
فمن حصل له غش او تدليس ماعليه سوى اثبات البينه وفتح موقع وزارة العدل والتقدم بشكوى ضد البائع ايا كان وبأذن الله يفسخ العقد او يدفع الفرق
يأخوان الفحص ولا ازكيه ولا اظلمه لكن تراه مايطلع العيوب الشريطية بعضهم محتال تخيلو سيارتي جابت ٩٦ فحص المكينة والسبب الحقيقي ورى هذه النسبه هو البواجي جديدة اعتقد بأن اجهزتهم تفحص قوة الشرارة فقط مثل فحص لمبة المكينة (تشك انجن) تخيلو كل السيارات يطلع في الكمبيوتر حساس شكمان !!
اجهزة قديمة وبالية ومراكز مايهمها الا مبلغ التشيك فلا تصبروا على مثل هذه الاشكال اشتكوهم واخذو حقوقك الى متى بيع الذمة والضمير مقابل انسان تعب عشان يشتري سيارة تكفيه الحاجة ولديه ثقه مفرطة بالتعامل مثلي
اخواني يعلم الله اني ترددت في الكتابة لكن من الغبنه قلت انصحكم لله علما اني بحثت في النت كله عن سعودي تقدم بشكوى مالقيت الا واحد والباقين مساكين مايدرون ان القانون يكفل حقك متى ماتقدمت له
ادعو لي أن الله يأخذ حقي منه دنيا واخره واسأل الله أن يكفيكم شر الغشاشين ويصلحهم فلن تنفعهم اموال الناس بالباطل ..







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الله يوفقك الشريطية مايخافون لما ينجرون للمحاكم بعدها يبطلون نصب ويختفون ان شاء الله سو موضوع ثاني بعد ماتاخذ حقك لو اقدر اعطيك لايك اعطيك+1


up 0 down 0
talk to the hand 31
قبل 2 أسبوع و 6 يوم



الغش شي معتاد باالسوق
حنا انغشينا بجكسار طلع شبه مخبط وبيع بخساره١٣
الفحص الكمبيوتر لايبين شي بتاتا
بتفحص عند ميكانيكي فاهم
هو اللي يطلع اللي فيها
ومهما حلف او قال موتر شايب
شاريها من اللي فكها وكاله
لاتصدقه


up 1 down 0
امير الاصيل 1647
قبل 2 أسبوع و 6 يوم



والله انك صادق اذك كنت بالحراج وقف وبجمبي شيطي بيبيع يوكن 2004 قصير يحلف يقول بدي وكالة ومدري ايش على واحد كان جنبي والرجال قال له اذا طلعت كذاب تى بدعي عليك بعد كل صلاة قل افحص وماعليك والله البدي وكالة ماجاه طقه الرجال جاب له شخص يفحص يعرف السيارة من النظرة الثاقبة ههههههه لقي الرفرف اللي يمين من قدام مرشوش غي مشاكل ثانية يوم واجه يقول والله بدي وكالة بس رش تجميلي مدري ايش صحيح ماعندهم ذمة وضمير


up 0 down 0
talk to the hand 31
قبل 2 أسبوع و 6 يوم



انا يوم كنت اقلب الموتر لقيت عنده شله وشكلهم من ربعه لكن تخبرون الواحد لاصار يبي يشري وده يخلص ولايدقق ولا انتهت السالفه قام يتذكر الوجية والكلمات
ويوم جيت بسوم استحيت قلت انتم قبلي سوموا كان لكم شف ويقعدون يمدحون فالموتر ورده وكاله يالبيه قلت يالربع انا سوموا ولا جنبوا قالوا عطنا رقمك ان ماصمل الرحال نبي نشتري طيب اشتروا قبل اشتري الزبدة اني طحت في المحبلة وعفاكم
لكن بأذن اللي ماتنام عينه لاتلتله فالمحكمة تكفون يارجال ادعو لي أن الله يسخر لي القاضي وموظفينه ويخلصني منه ومن قرنبعه


up 3 down 1
عبدالله الشافي 24
قبل 2 أسبوع و 6 يوم



حياك
ماودي احبطك القضاء يطلب توثيق مثل فترة ضمان من اللي اشريت منه
والشريطي ماينحال عليه بيقول لك انت فحصت السيارة
رح طالب حقين الفحص 
وبيطلب عليك تقرير بسبب التخبيط 
والسالفة ماهي مثل انت متصور 
لاكن نصيحة اذا انت ناوي الشكواء مر مكتب محماة 
200ريال استشارة اذا لك خراج باهالقضية راح يعلمك واذا مالك
خراج الانسحاب طيب ع قولتهم 
وعدو عينك له قضيه باهالمحاكم جاك الذيب جاك الواوي


up 2 down 0
باترول 2020 2327
قبل 2 أسبوع و 6 يوم



بالفعل بدون اثباتات قوية قضيتك ضعيفة
و المشتكى لله قبل كل شي

لو ابشتري مستعمل دايم ابعد عن السيارات المعروفة و المطلوبة كثير
يصير فيها غش واجد


up 0 down 0
1405-1985 1275
قبل 2 أسبوع و 6 يوم



انا اؤيد كلام اخوي باترول ٢٠٢٠ 
فعلا لو اشتكيت بيقولون لك انت فحصت السياره 
وان السياره ممكن تخرب ب أي وقت 
بعض احيان سيارات وكاله جديده وتخبط بس بيكون في ضمان 
اما المستعمل مافيه ضمان 

وانا صارلي مثلك والعن ما مر شهر 
شريت موتر قبل العيد بيوم وقفناه بمعرض بعد ماخلصنا المبايعه 
بعد العيد مع اول يوم يفتح المرور استلمت السياره من الاحساء 
المهم وانا بطريق الدمام خبطت المكينه 
لكن كنت فاحص الموتر وماكان فيه شيء لكن قضاء وقدر 
واخرها اعلنت عن السياره وبعتها بدون مكينه والله يعوضني 

ومرت شريت من الرياض فورد من معرض حسبي الله عليه كان المعرض مليان فوردات 
وكان يوم جمعه طبعا كلام قديم قبل ابشر 
وخلصنا المبايعه واتفقنا على شحنها للبسامي طبعا مجرب وفاحص وكل شي
تاخروا وادق عالبسامي يقول ماجاتنا 
اكلمهم يماطلون 
المهم بعد اسبوع جاني الموتر للدمام 
طلعت فيه الا وصوت الدفرنش تسمعه من اخر الشارع 
ولو بشتكي وش بيكون اثباتي 
بيقولون لي محد قالك تخليها عندهم وتعرف معرض اكيد عندهم معارف وواسطات الدنيا 

والسوالف كثير 

وانا انصحك ياراعي الاعلان الله يعوضك والموضوع مايسوى التعب اذا بدون اثباتات 
ونصيحه لاتوضب لو بتستخدم ، شفلك مكينه مستعمله نظيفه لان ٢٠١٠ مكينتها المنيوم وتوضيبها غالي وممكن مايضبط 

وبالتوفيق 


up 0 down 1
m7md 33 226
قبل 2 أسبوع و 6 يوم



مايمكن حصر الغش الا بأمر حكومي..يعني يكون فيه لجنه مختصه ومتفرغه لغش السيارات..ولا تنباع سياره الا بضمان شهر او اكثر من اعطال تحددها انت ياالمشتري..وكل شي يتوثق بختم وتواقيع..كذا نقدر نخصر الغش والكذب بشكل كبير..لكن لازم الحكومه تبداء ب التنفيذ وتحط القوانين اللازمه..


up 1 down 1
.ابوظافر 1
قبل 2 أسبوع و 6 يوم



اشكر لك تفاعلكم جمعيا دون استثناء
وبالنسبة للي يقولون المحاكم غثاء ماذبحنا وخلاهم يطمعون الا الكسل وعلى فكرة المحاكم صارت اسرع من قبل ومثل هالقضايا مفعل ويوخذ حقك بقوة النظام
الاثباتات موحودة من قكع غيار وميكانيكي الخ
وعندهم لحنة خبراء مختصين بمثل هالامور يفحصون الموتر او يحال لشيخ المعارض وهو يقرر
السيارة بيعت على انها شد بلد وخبطت وامنت بالله وقلت قضاء وقدر ولا لي حق عليه لكن بعد فتح المكينه اكتشفت بانه سبق توضيبها !!!
ليش مايكون لي حق وكل الفواتير محفوظه والمكينة قطعها السابقة موجودة ويوجد شهود فليش ما اخذ حقى بقوة النظام عشان يتربى هو واشكاله ..
يا اخوان الدولة ماقصرت في اخذ حق احد احنا اللي مقصرين في المطالبة ..
وبأذن الله انقل لكم اللي بيصير معي اما أن اخذ حقي كما ذكرت او أن يذهب كما تفضلتم ..


up 3 down 0
عبدالله الشافي 24
قبل 2 أسبوع و 6 يوم



الله يقويك ، واتمنى جد تفيدنا وش يصير معك عشان ناخذ منك الخبره

والله يوفقك


up 1 down 0
m7md 33 226
قبل 2 أسبوع و 6 يوم



تشتك عليه ولاعليك منه
يكفي المرمطه. اللي بتمرمطه بين. المحاكم
يعني هو مرتاح وانت منقهر

اشتك الخبيث وخله يحلف وان حلف انت كسبان


up 0 down 0
سند10 1164
قبل 2 أسبوع و 6 يوم



سجل عندك واحد متضرر والله انغشيت بموتر وكاله استخدام اسبوع وودع المكينة


up 0 down 0
goood boy 267
قبل 2 أسبوع و 6 يوم



ارفع قضيه وبالمحاكم حقك بتاخذه ان شالله
الله يقويك 
والقضاء مافيه واسطات ولا معارف 


up 1 down 0
khaledsa 812
قبل 2 أسبوع و 6 يوم



اول شي يجب عليك استخراج برنت من المرور عن عدد المالكين قبلك 

وشوف  عدد الأشخاص اذا كان اللي باعها لك 

قبلة شخص آخر امتلك السيارة 

معروف الشريطي بيرميها على اللي قبلة ويقول شريت السيارة كذا 

من الشخص اللي قبلي وبعتها ولا ادري عنها 

فانتبه لهذه النقطه 





up 0 down 0
masssss 873
قبل 2 أسبوع و 6 يوم



أنا ما أبغى أحبطك لكن الشريطي اشترى السيارة من شخص وباعها لك ويقدر يقول في المحكمة أنه ما كان يعرف بالمشاكل الي فيها وأنه باعها لأنه محتاج فلوس وقال لك أفحص في أي مكان وأنه لا يتحمل المسؤولية

في هذه الحالة بتكون ضيعت وقتك على الفاضي وأكثر شيء ممكن يطلبه من الشريطي أنه يحلف يمين ومثل هؤلاء الحلف أسهل منه ما في


up 0 down 0
أبو عبادة 4134
قبل 2 أسبوع و 5 يوم



هنا يجي دور الضمان بعد الشراء . لا احد يشتري الا بوجود ضمان مكتوب للاشياء الرئيسيه بالسياره كالمكينه والقيربوكس . !!
وشراء المستعمل حظ ونصيب الا اذا كنت تعرف راعي السياره معرفه قريبه !!


up 0 down 0
عبدالله الحربي40 9
قبل 2 أسبوع و 5 يوم



اشكر الجميع دون استثناء ولو اقدر اعطيك حبه على الراس جمعيا لما تأخرت عن فعل هذا الشئ وانت كفو ومشورتكم على عيني راسي
بصراحة احباط بعض الردود واقعية جدا واحبطتني للامانه كنت متشجع اشتكية لكن رد ابوعبادة واقعي للغاية وكان مثل رد احد الزملاء في المحكمة قال واذا كان شاريها بيحتال بيقول انا مثلك انغشيت !!
شئ يقهر والله العظيم يارجاجيل مغبون السيارة طلعت على بعد التوضيب بسعر مبالغ فيه اكثر من ٤٠ الف
وللاسف مازلت اراسل واستشير محامين وموظفين محاكم وقضاة وافادو بان الامل ضعيف لان الشرع لايحتمل الدخول بالنيه ..
لذلك يقدر على قولتكم يجحدني حسبي الله عليه
لكن مازلت احاول اخذ اكبر قدر ممكن من الاستشارات من لديه خبرة او معرفة لايبخل على وعلى اخوانك المغشوشين
حقيقه بعد هذه المصيبه نحتاج لقانون لايراعي الغشاش ابد
مازلت انتظر ردودكم حفظكم المولى ورعاكم جمعيا


up 0 down 0
عبدالله الشافي 24
قبل 2 أسبوع و 4 يوم



اشتك ولا تقول مرمطه و محاكم و عوار راس بالعكس خلك رايق و مطول بالك ع الآخر وامش معهم وخل المعاملة جعلها تاخد سنة المهم القضية قائمة و حقك محفوظ
ولو كل واحد فكر نفس هذا التفكير لما شفت ولا شريطي واحد في السوق

تقبل الله منما ومنكم الصيام


up 0 down 0
chevrolet zr1 705
قبل 2 أسبوع و 4 يوم



بعد اذنك ياراعي الموضوع
قروب للكامري للاستفسارات والصيانه والبرمجه والاعطال وتثمين موديلات كامري
ملاحظه لايوجد بيع
ارسل رساله وتساب اكتب كلمة كامري واضيفك على طول 0540377262


up 0 down 1
فيصل0565 -3
قبل 2 أسبوع و 3 يوم