تم اغلاق الموضوع

وعليكم السلام

الربع عشقة ومن السيارات الي ينمل منها خلال شهر اذا ماعنده طلعات للبر وتطعيس

من رأيي الولد ماراح يطيح الي براسه غير لمن يشريه وانصح بشدة لتلبية طلبه لأسباب راح اذكرها

نبدأ بالسلبيات

صرفية بنزين - غير مفيد للبيت من ناحية مشاوير الأهل والمقاضي - السمعة لك عليها خصوصا للسلق

الإيجابيات

الولد صغير وممكن يتعلق بأشخاص يملكون نفس نوع السيارة ويستغلون ميوله

سيارة لاتعرف الورش - سعره الآن رخيص جدا مقارنة بالسابق (للمستعمل) خصوصا بالموسم الحالي

يقتنيه كم شهر ويبيعه بدون اي خسارة داخل القصيم (خارج القصيم ياخذ وقت بيعه)

يحرص على اللون الأبيض لسرعة البيع مستقبلا

يفضل ياخذه مرشوش او رشوش متفرقة لرخص السعر من 35 الى 40 الف للموديلات الحديثة 13 و14

الربع مايصلح للمشاوير والعائلة يعني لا راحة ولا ركوب
والوالد فوق كل مطلب واستخير الله قبل كل شيء

الله يصلح شبابنا وشباب المسلمين

أقترح لك سيارة منافسة لها ربع باترول فتك مركبها مريح و شكلها جميل 

تبي العلم
والله لا بيعاونه في اشغال بيت ولا مشاوير ولا هو محصله اصلاً 
الولد من يوم براسه ربع وعمره 17 سنه نسأل الله له الصلاح والهدايه 
ابوه بكذا يفتح له باب للدشره تطعيس وترفيع وغيره 
لاتقولي 17 سنه وهاوي كشتات وبر 
انا اختلف مع اخوي يارب توفيقك انه كم شهر ويمل منه 
الولد باقي صغير ومطيور وغير كذا الربع غلط يطيح بيد صغار السن 
مافيه أمان والحافظ الله 

اخر الزمن دلع و مشاور لا و ما يبي موتر غير حق هالدشير
طيب كيف بيركب أمه و اخواته و يخلص مشاوير اهله
هذا واضح انه بينفع اهله بالحيل !!!
ذكرتني بولد جارنا وحيد اهله الله يصلحه
دخل الجامعة اشترى ابوه كورولا
بعد سنة قال ما ابي الصغيرة و يبيعه و يقسط له هايلكس بدون دبل
بعد فترة قال لابوه ما ينفع للبر لكن اشوى ما طلب ربع
اقنع ابوه يشتري شاص للبر و اشترى ابوه و للحين عندهم
و طول هالمدة يحفر و يدفن بالجامعه ما فلح

و يفصل و يروح يسجل جندي بالرياض عاد هو بنفسه طلع ازيرا اقساط
و ابوه المسكين مضبط له ملحق ببيته يبيه يتزوج و يستقر
و يصرفه الى يومك يقول اذا نقلت ابتزوج و لا هو قد الزواج
و ان كان الولد عاقل بس دلع و الزم ما عليه نفسه

جيل يبي لهم دعاء يومي بعد كل صلاة و قبل النوم و عسى الله يصلحهم
سبحان الله ما في بركة مثل اول و ان كان الخير مستمر و لا هو بمنقطع ان شاء الله

الله المستعان
يوم كنا بعمره ما يستشيرك الوالد ههههههههههههههه يعطيك اي موتر طارف ويقولك خذه اصرف امورك معه

جيل جديد بااااااااااااااااايز يا قدعان
والولد ان حط براسه ربع خلاص لو تشتري له كورولا او اي سيارة ثانية بيخربها وبيبيعها بعدين لو بخسارة ما تفرق معه
اهم شي يركب ربع عشان ولد عمووووه سليمان

كلام فاضي مع احترامي آخر زمن اشاوره بعد ويتشرط علي يا كذا ولا مابي خله يقعد بدون موتر ملحط لو اجيب سواق واعطيه راتب واشتري له سيارة صغيرة اوفر لي من ذا يسوق واذا مايقدر على راتب السواق يعاونونه عياله اللي ساكنين برا منطقة القصيم لو كل واحد يدفع جزء مهب ضارهم شي وتكلفة استقدام السواق مهب شي ومني انا السواق بينفعهم اكثر من ذا لأنه من بيقضب الموتر بيسلك لهم شهر شهرين وعقبها بيزلبهم


الشغلة الثانية : من اهو عشان يفرض كلامه على ابوه ويظغطه بمبلغ وقدره عشان يشتري له ربع يعني الربع كلنا نشوف غالبية ملاكه كيف يستخدمونه يا بران ويقطعون قلبه ولا ترفيع وقلة حيا ولا قد شفت في حياتي سواق ربع صاحي الا من رحم ربي لحد يجيني يقول انا معي ربع وحاطه بعيوني انت تمثل نفسك ما تمثل سواقين الربع كلهم واللي يسوقون بركاده ينعدون على الاصابع وهذولي لو يجون يبيعونه بيطيره في كبد السماء بحجة أنه نظيف يعني بيظغط ابوه في المبلغ لذلك السواق اوفر


الشغلة الثالثة السيارة هذي بتساعده على الخراب ومراهق بالعمر ذا يفكر في ربع يعني موتر صندقه وقير عايدي وقلبته بريال وستة سلندر نشيط تسلمه لمثل ذا يعني كم له يسوق اساساً وبتقنعني انه راعي بر هو لين الحين رخصة مامعه ولا يدير شي في البر يعني يبيه لخربطة ثانية

الخلاصة :
قل لخويك ذا خله يقول لولده باللهجة ذي تبي اكسنت تبي من ذا السيارات اهلاً وسهلاً واحمد ربك اني بخلي لك الخيار غيرها ماعندي لك شي وعلمني كانك ماتبي جبت سواق ينفع اهلك احسن منك خله يخاطبه باللهجة ذي وانا اعتقد والله العالم ما احط شي في ذمتي لكن رفيزك ذا مرخي الحبل ولا المفروض مايتجرا يقول لابوه كذا ويلوي ذراعه يعني انت ماتحمد ربك ان ابوك قرر يشتري لك موتر وعلى قده وفوق على كذا تبي تظغطه


وينتبه لولده زين مازين ترى والله التربية من تالي صارت صعبة واصعب جداً يمكن الولد يتابع في برامج التواصل ويشوف حقين ذا الربع وجازله جوهم وبيقلدهم لذلك ينتبه له ويشد عليه ويراقبه كويس

قولو له لامافيه خلاص خلك بدون موتر. 
التربيه بهالموقف اهم من انه يساعد. اهله.  
اصلاً الي هذا رده.  ماراح يساعد اهله. ابد ابد. بكرة. معيي يودي اهله. عشان توه مسوي حركه بالسياره. يخربونها
 اشتر سياره مستخدمه.  نظيفه. وقل الدنياء عبر. خذ تعبر لين توضف واشتر الي انت تبي.  ولازم تثقيف له بان السياره وسيله  والامور توخذ شوي شوي.
 اما الدلع هذا. هو الي ضيع عيالنا  

اي بس
الله يعين هذا اذا قالو لك ان رفعته للشارب وان طمنته للحيه

اغلب الاعضاء يشوفون الغلط من الولد
انا اشوف الغلط من ابوه
معليش ولدك قانونيا قااصر يعني بالعربي الفصيح بزر من الاخير
يشتريله سياره وهو توه صغير اكيد بتشرط وكلنا لو حنا بمكان الولد بنتشرط


الصح الي مفروض يسويه الاب انه مايشتريله موتر الا اذا دخل الجامعه او بعد الثانوي
او يشتريله موتر اذا قام يحن الولد عليه ولا يشتريله من اول مايحن لا
يشتريله بعد ماتنقطع احباله الصوتيه من الحن
بعدها يشتريله ذي الساعه يقدر ابوه هو الي يتشرط بالموتر الي يشتريه لولده
لان الولد بذي الساعه يشوف كل الي حوله معهم مواتر الا هو ماعنده
بكذا راح يقتنع الولد بأي سياره حتى لو يارس
اهم شيء ابوه يشتريله اي سياره مثل غيره
وكذا الولد اخذ موتر وهو مقتنع فيه وابوه سوا الي عليه
والولد يبدأ يحافظ عليها لانه كبر عكس يومه ورع صغير ويتشرط

يا دحوم 777 لاتاخذنا بالصوت الله يحفظك ترى مهب كل العوايل سوا


فيه ناس يسوقون ولدهم وعمره 15 لأنهم فعلاً محتاجينه ماعندهم احد يوديهم ويجيبهم ولاعندهم القدرة لا مالياً ولا معنوياً يجيبون سواق مثلاً ولاهوب جالسين كل يوم يدفعون لتكسي ولا اوبر كذا بتطير فلوسهم غير عن كذا في حالات Emergency

كلامي هذا بشكل عام ما اقصد الحالة هذي المذكورة لأنك اكيد بتقول هذاك قايل له جب سواق



وبعدين ماعليش انا ضد المبدأ ذا أنه وهو في الجامعة توه ينشرى له موتر او حتى يبدأ يسوق لأن ماوصل هو الجامعة الا خلاص لازم يعتمد على نفسه يتابع موتره يعرف وش يحط وش يخلي اجل تبيه كل ما طفى شي ولا ولعت لمبة رفع التلفون يبه صار كذا وش اسوي او توه يتعلم السواق يصدم العالم في مواقف الجامعة ودربها بعيد وزحمة لازم من البداية يتعود على السواقة ويكسب الثقة هذا السنة الجاية بيطلع رخصة يعني مهب بزر


لكن قصدك يحتاج لمتابعة يعني انا ممكن اخلي ولدي يسوق وعمره 15 سنة لكن ما انطل عليه المفتاح في يده دايم ولا اسمع صوت الموتر مشتغل ولا عمري سألته وين رايح وين جاي يعني المشاوير المهمة لأهله يطلع ويوديهم ويجي وبكذا اساساً اهله بيكونون راكبين معه واموره طيبة وراكد في سواقته حتى ما تعطيه مجال يتجرأ ويسوي افلام في الشارع بالاضافة الى متابعته يعني مثلاً راح للمدرسة بالسيارة لأني ما اقدر مثلاً اطلع من دوامي ولا اخوانه عشان نجيبه او فيه خواته بعد بيجيبهم لكن اشوف الوقت يعني يطلع الساعة 1 جت وحدة ونص ماجاء اكلمه على الجوال وينك طلعت وهكذا لين ابين له اني ترى متابعك وحريص عليك ولا اعطيه مجال يفر ولا يلعب ولابد من وجود هيبة الابو بعد يعني يخاف مني يدري لو مسكته الشرطة على شي غلط اني بغسله غسل لكن لاصار ضامن ان ماوراه احد واهم شي ولدي سلم والحديد يتعوض هذي اللي ضيعت نص عيال الديرة


ف صدقني يا دحوم مالها علاقة في العمر هي على الشخص اولاً وعلى ترتبيتك ومتابعتك له ثانياً والهداية من رب العالمين طبعاً هذي فوق كل شي سبحانه


يعني حنا سقنا واعمارنا 15 تونا حتى مطلعين الهوية وجلسنا اربع سنوات يمكن نسوق بدون رخص والحمدلله نظاميين ولا عمرنا خذينا مخالفة ولا غيره


ولا يعني ان الولد كبر انه بيعقل على طول وبيتغير فكره يعني بالله مانشوف في الشوارع ناس اعمارها 30 و 28 تفحط وتعفس وتستهبل وكنها مهيب صاحيه اللهم لك الحمد


بالعكس العود من اول ركزه اذا عودته من الصغر

ماراح يعاون ابووه يبي يلتهي بالربع والنصب والتلميع والتغبير

بعدين الربع مايشيل احد وشبه حتى ابوووه ماراح يركب معه ماقد شفت شايب راكب مع ولده على ربع

المراهقين مايعطون وجه انا لو من ابوه كان اشتريت كورلا وقفتها عند الباب تبيها ولا خله واقفه شرط يومين ويجي يقول
خلاص عطوني المفتاح بعدين 17 ماراح يسلم من التفاتيش لارخصه وكل يوم يبي يسحب ابوه بالمراكز يطلعه

يا احمد
معليش مافي احد يدخل الجامعه ويعوطونه سياره ويكون اول
مره بحياته يمسك دركسون عشان تقول يصدم بالجامعه !!
انا اقصد لايشتري له سياره الا اذا دخل الجامعه
بالبدايه يقضي اشغاله بسيارة ابوه
ابوه نص يومه بالبيت والنص الثاني دوام او مشوار
الوقت الي جالس فيه الاب بالبيت يعطي لولده السياره
ويوصيه على شغله يجيبها ويرجع
بحيث مايكون لعاب ويخاف اكثر لانها سيارة ابوه
وبنفس الوقت يتعلم حبه حبه وتحت نظر ابوه
اذا دخل الجامعه
او ثالث ثانوي الترم الثاني او بالصيفيه
يطقله موتر بوقتها الولد وده بأي سياره اهم شيء تشيله
ونظام يبى خرب علي الموتر وش اسوي هذا اول
اللحين نصهم يعرفون كل شيء بالموتر
وعندهم اخوياء
وغلب الشعب معتمد على ربعه بالحالات الطارئه بعد الله
بتخرب عليه بيدق على فلان وعلان

المهم خوفك كل ذي النصايح اخرتها يطلع صاحب الموضوع
هو الي يبي الربع وابوه رافض ههههههه

دحوم 777 هههههههههههههههه

لا ماتوصل لهدرجة وبعدين لو صارت مثل ماقلت انا اتمنى هالشي واتمنى الولد يقرأ ويشوف تعليقاتنا ويدري ان مافيه ولد عاقل يسوي كذا يفرض على ابوه شروط ويا اشترولي كذا ولا مابي 

مايدري ان الانسان الفاهم والعاقل والحكيم يحب راس ابوه اول شي انه عطاه الثقة وبيشتري له موتر وبيخليه مسؤول عن البيت ويعتمد عليه من صغره 

قسم بالله شباب واجد اعمارهم وصلت 25 ويمكن اكثر مايعرف يدير شي في البيت الفاتورة مايعرف يسددها ولا عمره مسك شي كل شي ابوه يسويه ومايعتمد عليه لين صار فاغر ذا الولد حياته بلاستيشن ونوم وجوالات والكترونيات وبس 

بيني وبينك من تالي الخراب صار من الابوان ماعاد يعرفون يربون يقاله مايبيه يتعقد ومايبيه يشوف اللي هو شافه وهو صغير ويرخي له الحبل على الغارب يسوي اللي يسويه يشوفه يخالف واضح بالسيارة مايفتح ثمه بحجةً ان هذي مراهقة وفترة وبتروح وش عقبه تروح عقب ماتفقده بسجن ولا بحادث مروع هذا غير اذا دخل قسم شرطة بسبب مصيبة يطلعه ولا كنه صار شي واليوم الثاني المفتاح معه ويطلع وين مايبي 

خمبقه زايده الله يعين بس 

يارجل هذا وجهي اذا ساعد ابوه واهل بيته وقضا حوائجهم

اعرف كثير ناس مشترين مواتر حق اولادهم على اساس يعاونهم

حالياً مايرجعون الا قبل الفجر سربببته وهياته بالشوارع مع ربعهم

والاب والام يتحسرون ويقولون ياريت ماشرينا لهم سيارة

واكبر دليل انه مراح يساعدهم الولد يبي جيب ربع

لو رضى باكسنت بقول فيه خير بس ربع قسسم لو انه ولدي لاعطيه بالشوزن في صدره

انا واعوذ بالله من كلمة انا كنت اطقها مشاوير سير على ارجولي ولا اعرف سيارة واقضي حوائج عائلتي

ويوم توظفت قعدت سنتين على باص العليا دله من العليا للمصيف ويوقف الباص هناك
عند الخضار واطقها كعابي لبيتي بمخرج 6

وبعدها شريت سيارة وعرفت قيمة السيارة وعرفت كيف احافظ عليها

يعني الواحد لازم يكد ويتعب ويشتري سيارة من عرق جبينه

ماتجيه بارده مبرده

وخلونا من الدلع الزائد

الحل ياطويل العمر خيرزانة بعشرة ريال يمحط بها لين يخلي الدلع ويصير رجال وشلون بتركب اهلك وابوك في ربع !

مشكورين كلكم بس ليش الديس لايك
انا عضو جديد وابي لايكات وانتم تعطون ديس لايك الله يسامحكم

الحين وش فايدة اللايكات هذي تأثر علي يعني؟

ولا تزعل يا فارس لك لايكين انت وعين ٥٠١ 

وانا قاري موضوعك اول بس ماعلقت وجيت الحين اقرا التعاليق 

الشباب شبو فيك  ،  ههههه 

عموما الولد صغير واكيد بيتدلع وكلنا يومنا بعمره كنا نبي ونحلم ووو 

انت حاول مع الولد بالتفاهم والاقناع وان شاء الله بيقتنع وياخذ غير الربع 

والله يطرح فيه البركه ويجعله بار باهله .. 

بالتوفيق اخوي