ساهر كنت امشي اكثر من170

وعليكم السلام 

فوق سرعة١٦٠ فيها ايقاف خدمات اذا ماراجعتهم خلال فترة اسبوع تقريبا 

وراح تصلك رسالة تفيد بمكان المراجعة 

الله يكون فعونك 

لا ساهر ما عليه إيقاف خدمات
إيقاف الخدمات اذا مسكك المرور او امن الطرق
واذا طولت اكثر من 24 ساعه ما راح تنزل لان يمكن لوحتك في الصوره ماهي واضحه او طلع فيها تشويش

انا اخذت مخالفة ورقية من امن الطرق على 170 مرتين و نزلت علي 500 ريال و سددتها و لا ايقاف خدمات ولا اي شيء

اتوقع تنزل لك بكرى خلك مستعد.. في بعض الاحيان يتاخر نزول
المخالفه الى ثلاث اربع ايام
 مره حصل لي مخالفه سرعه من ساهر ونزلت لي على الجوال بعد
ثلاثة ايام .

انا مستعد لكل شي بس المشكله الموتر موتر الوالد ماودي تجيه ايقاف خدمات انشالله ماتجي ون جت تكون ٥٠٠

واللي عنده تجربه ياليت يفيدنا

لا ماعليك تجي بس 500 ريال مافيها توقيف ولا شي

انا كنت متجاوز السرعه (٢٠ كم س ) وجت لي الغرامه  ٣٠٠ ريال 
بعد ثلاثة ايام وسددتها بعد اسبوعين اواكثر ولا شفت الا العافيه.

انشاء الله اتعدي ولا تشوف الا خير انت والوالد.

انا بالعاده ماتعدى ١٤٠ بس هالمره حنت رايح اودي جدتي لموعد بمستشفى بالخرج والجيب ماشالله مريح مو مثل الاكسنت وماشفت نفسي

لعله تصير لك درس وتترك عنك السرعه الزايده عن حده....
تخيل لو ضرب معك كفر وانت ماشي فوق ١٧٠ كان رحت فيها
انت وجدتك والجيب لاقدر الله.
لكن ( خلق الانسان من عجل....)

صورني ساهر ونزلت بعد 3 أيام

إذا ما نزلت جتى نهاية الأسبوع فلا تنتظرها

ونصيحة اترك السرعة ما فيها خير وقيمة المخالفة أنت أولى بها

مفقود
انا ما اسرع بالعاده بس طالع من الدوام وقلت بودي جدتي المستشفى وليتني ماوديتها ولا بالعاده على الاكسنت ١٢٠


واللي يحطون دسلايك للموضوع يحسسونك مايتعدون ١٢٠

الاخ  صاحب الموضوع
ما فيه احد يقول انا ما اتعدى ١٢٠ حتى الشيبان ما يقولون..
لكن السرعه نوعين فيه سرعه معقوله وتستطيع تصرف اذا
قدر الله وسرعه غير معقوله بحيث لوضرب عليك كفر ما قدرت 
تسوي شي فاللي يمشي اكثر من ١٧٠ وهو مدرك للعواقب اكيد
عرض نفسه والركاب اللي معه للخطر ولو قدر الله عليه مكروه
ربما يكون القى بنفسه واللي معه للتهلكه مع العلم ان اغلب حوادث
الطرق سببه الرئيسي هو السرعه العاليه + الكفرات

خذ العلم الاكيد
بتجيك مخالفة 500 ريال ولا فيها ايقاف خدمات ولا شي
لكن انتبه وانا اخوك السرعة ما فيها خير

توضيح

سابقا كان اذا صادوك ماشي فوق ١٦٠ حجز ع طول او تنزل محجوبه
الآن صار فيها انهم يرجعون لسجلك المروري في المخالفات ، اذا كان عندك مخالفات سابقه خطيره مثل سرعه عاليه أو تفحيط أو تهور أو قطع إشاره فتنزل عليك محجوبه وتتوقف انت والسياره ،
اما اذا كان سجلك نظيف من هالمخالفات وصادوك اول مره ع سرعه فوق ١٦٠ تنزل بس مخالفه عاديه ٥٠٠ ريال .
إقتباس من صحيفة سبق
وقالت مصادر مطلعة لـ"سبق": "الإجراء الجديد بدأ تطبيقه قبل أيام قليلة؛ حيث تعمل قوات أمن الطرق على تحويل ملف المخالفة للمرور لإكمال الإجراءات التي تشتمل على بحث سجل مخالفاته، وفي حال وجدت مخالفات سابقة مؤثرة على السلامة تتم إحالته لهيئة الفصل في المخالفات المرورية، وإشعاره بالمراجعة خلال فترة زمنية محددة، وإذا تخلف عن الحضور في تلك الفترة، يتم إيقاف خدماته الإلكترونية، وعند حضوره تتم محاكمته وإصدار العقوبة النظامية، التي تتمثل في إيقاع غرامة تزيد على الحد الأدنى، أو إيقاع عقوبة السجن على المخالف، أو بهما معاً. وفي حال عدم رصد مخالفات سابقة في سجل المخالف يكتفى بتسجيل مخالفة السرعة الزائدة"
رابط الخبر :
https://sabq.org/%D8%A5%D9%8A%D9%82%D8%A7%D9%81-%D8%AD%D8%AC%D8%B2-%D9%85%D8%AA%D8%AC%D8%A7%D9%88%D8%B2%D9%8A-%D8%B3%D8%B1%D8%B9%D8%A9-%D9%88%D8%A7%D9%84%D8%A8%D8%AF%D9%8A%D9%84-%D8%AA%D8%B9%D9%87-%D8%AF-%D9%88%D8%A5%D9%8A%D9%82%D8%A7%D9%81-%D8%A7%D9%84%D8%AE%D8%AF%D9%85%D8%A7%D8%AA

انزلت يوم الاحد ٥٠٠ وبحاول ابطل سرعه

الحمد لله انها بسيطة اخوي بدر. وهل فيها إيقاف خدمات وحجز مركبة أو توقيف. وضح لو سمحت 

حل مشكلة ساهر بالفيديو تحت
https://youtu.be/-w827-_ubNg