تعشيق على الفاضي والسرعة عالية

ما يأثر بس إذا سويتها باستمرار تخلص عليك فحمات الفرامل بسرعة
تصير تغيرها كل شهرين ثلاثة

مايصير شئ
.....

مايضر القير العايدي يعيش معك بااذن الله لك ولي احفادك 

القير العادي مايضره لكن الافضل انك تخليه بنمره مرتاحه بدل الفاضي اما القير الاوتو فيسبب ضرر له

القير وانت على سرعات عاليه ليه تحطته بالفاضي هو صحيح ماياثر بس النمر 1 2 3 4 5 هذي على حسب سرعاتك اهم شي لا تحط رجلك على الكلتش كثير حتى لو واقف عند الاشاره لا تحط رجلك على الكلتش وتطول عليه لن هذا يعدم الفحمه بالكلتش

ما يضره ان شاء الله والعادي حبيب بس ما انصح أي احد يسويها ليس خوفاً من ضرر السيارة وانما احياناً يصير شيء مفاجئ قدامك تحتاج تدعس بتسوي شيء لينك تكون على نمرة وانت داخلياً جاهز لكن بعضهم يفضي سواءً عند اشارة ولا زحمة ولا شيء ويصير شيء قدامه ولا يبي يتلافى شي وينخرش ايضاً الموتر افضل له يكون ماسك في نمرة وهو يهدي وكل ماقلت سرعتك بزيادة عط النمرة اللي قبلها لين توقف



وبعدين شف انا خذيت قاعدة عندي في القير العايدي لما اسوقه ما اصير عجاز اسوقه مثله مثل التماتيك في النمر يعني بعضهم عجاز يجي عند لفه وهو كان جاي بالثالث مثلاً متعجيز عمي يردها بالثاني ويمشي الموتر صح تلقاه بالثالث يتنافض ويخرب الموتر بس عشان مايحط ذا الرجل على الكلتش ويطق القير بثنين طيب ليه انت كذا جالس تعدم كراسي المكينة والموتر بكبره وتطفش اللي معك كنهم راكبين خيل


لذلك انا اعطي العايدي حقه واكون نشيط وانا اسوقه يعني لفه اهدي واعطي النمرة اللي يستحقها واوزن الكلتش واخليه يمشي صح بدون نتعه وبدون نفضه وكنه تماتيك


بالتوفيق

جرب تسويها وانت نازل مع عقبه الهدا 
انتبه لا تعد نفسك 
احيانا تكون مع نزول لازم السياره مهما كانت الاحوال تكون في نمره حسب وضع النزول فلو راح عليك الكلتش وما عشق الموتر تكون في كارثه خاصه لو كنت محمل وناهيك لو كنت تسوق تريله 

مايضر بس اذا في نمره تمسك اسرع خصوصا في القير العادي .