تتوقعون الكامري 2018 يصير عليها عروض في رمضان

ع حسب جو ابو لطفي اذا كثرت المبيعات قلل المشتريات واذا المخازن امتلت سوا عروض
لن هذا شكل جديد وتعرف ماتوقع يجي عليها عرض لن من بدايه شكلها الجديد اتوقع ليس رمضان هذا الجاي اللي بعده مايتغير شكلها وبتجي عليها عرض

حاليا اغلب العروض برمضان على التاجير المنتهي بالتمليك والاقساط
مثل رمضان العام
كانت عروض الكاش قليله واذا كان في عرض حطوه على تظليل مجاني او صيانه مجانيه
لكن السعر ثابت للسياره وللمعلوميه الوكاله حتى لو تسوي عروض بالسعر
اذا مره تحمسوا توصل قيمة سياراتهم مثل سيارات المعارض الاصفار
يعني حتى مع عروضهم توصل نفس اسعار المعارض
لكن ممكن الاضافات الي يعطونك اياها مثل صيانه مجانيه

وللمعلوميه قبل سنتين واكثر كان رمضان قريب من نهاية السنه الميلاديه
عشان كذا يسون عروض على الكاش
اما الان رمضان بعيد عن نهاية السنه يعني العروض القويه
بتصير بعيد الاضحى مثل العام لان يصادف العيد شهر11ميلادي نهاية السنه

مااتوقع خاصة انه مابقى شي على سواقه الحريم

الكامري 2018 اسعارها تعتبر ترويجية على تغير شكلها ومواصفاتها

والاسعار الحالية تهدف للرجوع للمنافسة بقوة والاقبال عليها واضح انه ممتاز واشوفها انتشرت بكثرة بالشوارع فمن تحليل شخصي اعتقد ماراح تنزل اسعارها وبالعكس ممكن ترتفع

دحوم انت متأكد من كلامك ان رمضان قبل سنتين كان قريب من نهاية السنه الميلاديه ؟؟؟؟
رمضان كل سنه يقدم 10 او 11 يوم

وعيد الاضحي 20 /8

بصراحة الكامري الجديدة روعة ذكرتني بروعة 2002
وعليها إقبال كبير ولا أعتقد يصير عليها عروض

انتر ميلان معليش تأكدت اكثر طلعت غلطان ماهو نهاية السنه الميلاديه
لكن مضمون كلامي صحيح القصد
نهاية موديل السنه ونزول موديل جديده
قبل ثلاث سنوات رمضان بنص شهر ٦ميلادي تقريبا
يعني اول اسبوعين من رمضان ندخل شهر ٧ميلادي
والمعروف قبل سنتين وتحت كل الوكالات تنزل
الموديلات الجديده بدري شهر٨ وبعضهم ٩ وبعضهم١٠ميلادي
قبل بداية السنه الجديده عكس الان مع الازمه صاروا اغلبهم يتأخرون
ورمضان بنص شهر٦ يعني باقي شهرين وشوي وتنزل الموديلات الجديده
عشان كذا يحطون عروض
اما الوقت الحالي رمضان اذا الله اراد بيكون نص شهر5والوكالات ماتنزل موديلات جديده بدري مثل اول
صاروا يتأخرون بعضهم شهر واحد بداية السنه الجديده
واتوقع الكامري الشكل الجديد نزلوها شهر١٢ او واحد بداية السنه
وتصحيح لمعلومتك
كل سنه يرجع رمضان١١يوم
ماهو مثل ماتقول١١يوم خلال سنتين
الصحيح خلال سنتين٢٢يوم

اقصد ماهو مثل ماتقول يتقدم١١يوم خلال سنه

غالبا العروض تكون بآخرالسنه الميلاديه بعد ما يشبع الوكيل باول 
السنه...
والعروض على حسب الكميات المتراكمه بالمستودعات وعلى حسب
المبيعات فاذا كان البيع ممتاز ماتشوف عروض تستحق الذكر..
فمثلا الاكسبديشن  ٢٠١٦ حصل عليه كذا عرض ولا يزال موجود
عند الوكيل الى وقت قريب.. ليش ؟ لان الكميه اكبر من العرض !
اذاً العروض مجرد تصريف سيارات بتخفيض طفيف قبل مايعدي
عليها الموديل ويصير التخفيض بعدين اكبر .

يارجال رمضان باقيله اسبوعين واقل 
اصبر شوي وشوف 

لو مثلا باقي ع رمضان واجد بقولك اشتر قبل 

مع ان ياشباب عندي احساس ان العروض الي بتصير جد بتكون بشهر ١٠ مع سواقة الحريم عشان يسون لهم اغراء

لو ان العروض تنزل اول الموديل قلنا صحيح عروض لكن تنزل آخر
السنه بعد ماتروح نكهة الموديل و شمته....
تروح اطلع لك سياره اصفار مبسوط وترزّها عند الباب وبعدين تلتفت
اتحصل جارك معه نفس الموديل ونفس السياره ماشيه خمسين الف..
العروض هذي اشبه ماتكون بعروض البقالات لقرب انتهاء التاريخ .

ما اعتقد واذا كان فيه عرض فبتكون عروض ماتسوى .