أضف سؤال أو موضوع جديد          

اسعار السيارات

up 4 down 1
m.salah 42
قبل 2 شهر و 3 أسبوع



السلام عليكم اخواني لاحظت فرق كبير بين السوق والموقع فرق يوصل ١٠ الاف ريال في بعض السيارات هل هذا طبيعي يعني اشوف الكورولاموديل ١٥ في السوق مواصفات بصمة وشاشة وحساسات ورعيها يقول علي الفحص ب٢٨ الف وهنا في الموقع اقل سيارة ب٤٠ الف هل هذا طبيعي وهل في امل في نزول اسعار السيارات ولا لا







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ما اظن في نزول في سيارات بترتفع 


up 7 down 16
محمد قاسم 1410 -17
قبل 2 شهر و 3 أسبوع



الموقع للاسف " اغلبه " الاسعار فلكيه 

اذا عندك وقت انزل للحراج كم يوو وشوف وبينكم الفحص ..



up 9 down 0
سلطان الطائف 287
قبل 2 شهر و 3 أسبوع



لأنك ماتدري ياخوي

بالغالب قروب او اشخاص يعرفون بعض
اونفس الشخص عنده اكثر من جوال

يجي الشخص يعلن عن سيارة للبيع
ثم يعزز للاعلان حقه بجوال ثاني

مثلاً سيارة ( قيمة بيعتها الأصلية بـ20 الف مثلا )
هو يرد بعضوية ثانية ويقول
بسم الله نفتح السومه ( بـ30ألف )

عرفت؟

بعضهم مايردون بالعضوية كلها
الا اذا جا شخص وحط السومه المعقولة

واذا جا احد يسوم وقال ( اسومها بـ 15 )
يرد بعضوية ثالثة ( بـ 31 الف شرط الفحص وهذا رقمي )
او احياناً يحط المبلغ وتحته رقمه وبس

وهكذا
لين يجي شخص مايفهم بالسوق
ويشتري منه ههههههههه

( المهم هو وحظه )

علمني هالحركة واحد يمني شريطي بحراج الشفا للسيارات


up 12 down 4
صنيدان
قبل 2 شهر و 3 أسبوع



حتى بالحراج موجود هالحركات

ابالحراج يجيك يمني متكشخ وحاط سكسوكة ماخذ دور صاحب السيارة وخوية ثاني ماخذ دور الي يبي يشتري

وخوية الثالث ماخذ دورالمحرج المحرج يجلس يترجا الي بالسيارة يبيع بسعر الي بيشتري الي هو مبالغ فيه
او اقل من سعرالسوق لكن بالموتربلاوي ماتدري عنه انت تشوف هاذا صامل بسعره بيشتري تفرق السوم وتشتري
هاذي دايم تشوفها بالنسيم


up 8 down 1
abo3edh 311
قبل 2 شهر و 3 أسبوع



ياشباب الغلا مو طبيعي سواء بالموقع او بالمعارض .. 

تعبت ادور لي موتر ، ماحصلت ، يا مكسر يا غالي .. 

اجل كامري ٢٠١٧ فل ابشن معرض عنده ثنتين وحده ب ٨١ ووحده ب ٨٣
ولا هي لؤلؤي .. صحيح نظاف وممشى قليل بس سلامات السعر 
في ٢٠١٧ اصفار بالمعارض كانت بهالقيمه ماترقى عن ٨٤ 

لكن الله كريم 


up 2 down 2
m7md 33 360
قبل 2 شهر و 3 أسبوع



بعد الذهاب الى معارض جده كذا مره وشفت الاسعار الفلكيه تبين لي انه الموقع ارخص بكثير واضمن بنسبه عاليه انها مو من شريطي من مستخدمها .. لانه المعارض سيارات لها كم سنه اشوفها واقفه بالمعارض وابد ينزل بالسعر ريال يقلك خليها تصدي عندي واعتقد الاسعار اللي انت قلتها عن اللي بالمعارض الافضل تفحص وتكتشف الخبايا المخفيه ..


up 2 down 5
camaro28 740
قبل 2 شهر و 3 أسبوع



النجش واللعب موجود بالسوق وبالموقع... الفرق بينهم ان السوق على 
الطبيعه والموقع من وراء الشاشات
لكن النجش واللعب بالموقع اشد من السوق بكثير وذلك لسهولة التخفي
وعدم المسؤليه مما يشجع اصحاب النفوس المريضه على التلاعب
باعصاب اصحاب الحلال والتسلي بمعاناتهم.



up 4 down 0
صمناعي 114
قبل 2 شهر و 3 أسبوع



فيه اعتقاد عند البعض ان بعض الشريطيه اللي ما تخاف الله تستفيد من
رفع الاسعار بالموقع بشكل مبالغ فيه وربما تدخل في ذلك علشان تقنع
الزبون ان الاسعار عندهم بالسوق ارخص  


up 1 down 0
صمناعي 114
قبل 2 شهر و 3 أسبوع



الموقع فيه بياع رغبه للي ماهو بمزنوق
إن جابت اللي يتمنى باع وإن ماجابت
خلاها عنده عكس السوق


up 0 down 0
ibrahem s 23
قبل 2 شهر و 3 أسبوع



ابراهيم s
كلامك صحيح
ايضا... الموقع الكل يخش فيه مجرد رقم جوال وتصبح عضو ممكن 
تحصل فيه اي جنس واي جنسيه واي سن واي عقليه ممكن تحصل
ناس تلعب وناس تسلى وناس تفسد وكل هذا على حساب الآخرين
وهذا هو السبب اللي يخلي السعر بالموقع غير طبيعي وضعيف
المصداقيه



up 2 down 0
صمناعي 114
قبل 2 شهر و 3 أسبوع



السوق على حسب اوقات مرتفع واوقات طاايح

شرينا كامري 17 استاندر اليوم ماشيه 87 الف ننظيفه 
بي 36 الف بس فيها رفرف وباب 


up 0 down 0
الـتاجر الـكبير 721
قبل 2 شهر و 3 أسبوع



حصلت ناس بالمعارض كانو عارضين سياراتهم بالموقع يوم راحو
للمعارض تفاجؤ بسومات اقل من السومات اللي كانت بالموقع بكثير
ليش ؟
لان السوم بالمعارض غالبا يكون حقيقي وناس جايه علشان تبيع
و تشتري وفلوسها بجيوبها ما اتحصل احد جاي يلعب اويتسلى



up 0 down 0
صمناعي 114
قبل 2 شهر و 3 أسبوع



بعض الاعلانات الاحظ عنده سوم طيب بآخر قيمة السياره او اكثر
وبعد ما اتصل عليه اساله ..ليش ما تبيع ؟
يقول والله انا ودي ابيع لكن اللي يسوم اختفى
اقول له طيب اتصل عليه عندك جواله 
يقول اتصل يطلع لي شخص ثاني يقول انا ما سمت شي ولا ادري عن
شي..... وهذي مشكلة الموقع


up 0 down 0
صمناعي 114
قبل 2 شهر و 3 أسبوع



وبعض الاعلانات الاحظ عنده سوم ضعيف جدا يمكن يكون بنص
قيمة السياره احيانا
فهل يعقل احد يبيع سيارته بنص قيمتها ؟
وهل يعقل احد يفكر بنسبة ربح ميه بالميه ؟
اذا اللي يسوم هذا والناس قاعدين يعتمدون على سومته لعاب ويمكن
ما يملك ولا قيمة سيكل وجاي ويتسلى على حساب غيره
وهذى المشكله الثانيه


up 0 down 1
صمناعي 114
قبل 2 شهر و 3 أسبوع



قبل شهر نزلت اكسبديشن على الموقع يسوى بالمعارض اربعين
جا  مقرود سامه عشرين على العام وبعد عشر ايام جا واحد على
الجوال اتصال يسوم خمس وعشرين ويقسم بالله انه يبي يستخدم
وانه ماهو شريطي.....
قلت الموترحقه اربعين وانت تسوم خمس وعشرين الفرق كبير..
قال الموتر واقف على عشرين وانا فرقت السوم بخمس آلاف علشان
ابستخدم ..خلك سمح 
الرجال هذا اعتمد على سومة المقرود اللي قبله وتخيل انه زود خمس
آلاف على قيمة الموتر الطبيعيه.... علشان يبي يستخدم
من بكرى على طول حذفت الاعلان و وديت الموتر للمعارض.


لذا اقترح على الموقع يجعل الغاء خاصية الرد على العام متاحه للجميع
دون استثناء...ليش ؟
لانك اشوف البيع على الخاص والاتصال اكثر بكثير من العام



up 2 down 0
صمناعي 114
قبل 2 شهر و 3 أسبوع



الأسعار بالموقع وهمية و اللي يسومون على البيعه كلهم شلة وحدة شريطية الكترونية ... كل واحد يعزز للثاني وخذ لك مديح وخذ لك سومات خيالية ههههههه ، لدرجة مرات توصل السوم لمبالغ غير معقولة وخاصة لو كانت السيارة قديمة ، لذلك احذروا من الشريطية الالكترونية فعددهم في ازدياد ..وعلى اسمه واقع افتراضي وليس حقيقي


up 1 down 0
abb20 54
قبل 2 شهر و 3 أسبوع



صمناعي افضل حل تقفل الردود وتخلي التواصل عالرسايل الخاصه 
مايرسلك الا الي جد يبي الموتر 
والصامل اساسا مايكتب بالعام 
يجيك خاص ويكتبلك سلام وتحيه وسومته 
^ تحس انه سام موترك بس او مواتر قليله 
اما المدرعم الي يكتبلك خاص ويقط اي سومه او يكتب كم وصل عالسريع
هذا تلاقيه يا يطقطق يا مار ع كل المعروض بنفس الحكايه 
تخيل يدق عليك واحد بنص الليل يقولك عارض سياره للبيع 
اقوله ايه يقولي وش السياره هههههه اكثر من مره حصلت لي 

من وجهة نظري لا تحط رقمك بالعام وقفل الردود ، الي يبي الموتر يطلب رقمك بالخاص .. 

ومجرب الموضوع تمام 

حتى تخف عندك نسبه الازعاج ع جوالك
وتزيد مصداقية الزباين 


up 0 down 0
m7md 33 360
قبل 2 شهر و 2 أسبوع



وبالنسبه لموضوع سومات ماسومات 

انا ما اعتمد عليه لان معظم السوم يا كذب او سوم من بعيد 

السوم الصح الي يوقف عالموتر ويعطيك سومته 

فالافضل الي يبي يبيع يكتب حده وبعدها يتفاوض 

وبعدين راحت ايام الطيبين الي تنزل سياره شاريها بمثلا ١٠ الاف 
وتجي تبي تبيعها وتقول سوم يقولك ١٢ او ١٣ وهو يدري انك ماخذها ب ١٠ بس بيكسبك وبيكسب هو من وراك 

الحين يدري ان طالعه ١٠ الاف وتسوى اكثر ويجي يسوم يقلك ٨ الاف ( ان لقحت ولا ماضرها ) ههههه 


up 1 down 0
m7md 33 360
قبل 2 شهر و 2 أسبوع



الظاهر شريطية الموقع هم نفسهم حقين الديسلاك


up 1 down 0
bassell -5
قبل 2 شهر و 2 أسبوع