أزرار مكيف الكامري بالكامل لا تعمل

تاكد من الفيوزات ممكن ضرب فيوز عندك 

رأيي من رأي اخوي الخور

شيكت على الفيوزات كلها سليمة، فصلت أصابع البطارية لمدة متفرقة بعد ولم تضبط 

جرب هذي الطريقة

1- افصل اصبع البطارية الموجب لمدة 15 الى 20 دقيقة 
2- أعد ربط اصبع البطارية 
3- افتح سويتش على وضع ON وبدون تشغيل المحرك لمدة 5 ثواني 
4- اطفيء السويتش على OFF ثم انتظر ما بين 15 الى 20 دقيقة
5- شغل المحرك لمدة 5 دقائق
6- اطفيء المحرك 
7- شغل المحرك مرة اخرى ثم اختبر السيارة 

تاكدت من الفيوزات وسويت طريقة البرمجة لكن مانفع، 

شوف الوكاله ممكن ألمشكله بسيطه أو شوف قروبات الكوامري ممكن احد واجهته هالمشكله

ممكن كتاوت التحكم يبغاله تغيير شيك عليها عند كهربائي

هل انت مولف زنون او سماعات او مسجل هذا شي
الشي الثاني تاكد من صندوق الفيوزات الي تحت الكبوت
واخر شي سوي فحص كمبيوتر ممكن يكون في قراءة تيار كهربائي زايد او ناقص

بعد الفحص الكامل واللف على اكثر من من كهربائي، تبين لي ان كمبيوتر المكيف الي مكانه وراء فلتر المكيف انه خربان، وسبب خرابه هو الكهربائي فصل البطارية وركبها اكثر من ٥ مرات واحترق الكمبيوتر، طبعا اذا خرب كمبيوتر المكيف تجي علامات ومن ضمنها مقياس الحرارة الخارجية لا يعمل ويطلع شكل حرف بدل الارقام، وأزرار المكيف لا تعمل نهائيا بحيث انك اذا ضغطت عليها لا يستجيب معك ولا يعمل المكيف نهائيا سواء كان حار او بارد
راح اسوي موضوع بعد ما اتفرغ بإذن الله عن قصتي والمشاكل الي واجهتها، والمفروض الي يسال عن مشكلة ووجد لها حل ان يشارك الجميع واعتذر عن التاخير وشاكر لكم كلكم