أضف سؤال أو موضوع جديد          

استفسار ضروري

up 7 down 0
تبوك الورد 0 45
قبل 2 شهر و 4 أسبوع



السلام عليكم انا خذيت جيب 2018 بريمي 
قبل اسبوعين نضام تاجير منتهي ب التمليك
 عن طريق البنك الاهلي تامين شامل "التعاونية"
 وقدر الله وانصدم عند البيت
رجع الوايت حق الموية وصدم الجيب من زواية الصدام الخلفي وانكسر الاصطب وانطعج الصدام والبودي الحمد الله م جاه شي ابدن وخليت راعي الوايت يروح لانه شايب ومامعه تامين لاكن الحين كيف اعوض جيبي وكيف اخلي التامين يصلحه لي وهل لو صلح لي الحادث الجاي لاسمح الله ادفع نسبة تحمل 
ثالث شي واخر شي الجيب ماشي 4700 كيلو بالنسبة لصيانة ال 5000 كيلو هل هي مجانيا او لا 
اتمنى اللي عنده شي يفيديني '







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


لو تجي لمسألة الحلال و الحرام
ما لك حق تفك اللي صدمك و يتحملها التأمين على أساس انه ضد مجهول


up 10 down 5
صالح بن محمد. -32
قبل 2 شهر و 4 أسبوع



دام السيارة نظام إيجار منتهى بالتمليك لازم تدفع نسبة تحمل للبنك واتوقع المبلغ كبير


up 5 down 1
النمر الازرق 24
قبل 2 شهر و 4 أسبوع



ي اخوان انا شاري جيب 2018 ومابي ادخل فيه حرام 
بس لو اصلح برا هل لازم اعطي الشركه خبر ولا لان مكتوب 
بالتامين " عدم تصليح اي شي غير الاشياء الاستهلاكية الا 
بموافقة خطية ' وماحد رد علي هل تغيير الزيت حق ال 5000 
اول مره مجاني ولا ؟


up 3 down 1
تبوك الورد 0 45
قبل 2 شهر و 4 أسبوع



اول تشييك مجاني
لكن تغيير الزيت بتدفع حق الزيت و الفلتر و شغل اليد بالوكالة
اما تغيير على حسابك ان اعطيتهم خبر ابلشوك بقيمة تحمل
و اجراءات و غثى اذا قيمة التصليح بسيطة الله يعينك و لك اجر ان شاء الله سامحت هالشايب



up 2 down 2
1405-1985 1303
قبل 2 شهر و 4 أسبوع



بيض الله وجهك يعني لازم تدفع حق تغيير الزيت انا احسب 
انه مجاني اول مره 


up 3 down 2
تبوك الورد 0 45
قبل 2 شهر و 4 أسبوع



لا و الله و غالي عبداللطيف جميل
انا غيرت زيت اول مرة عند وكيل بمحافظة الرس اقل ب١٠٠ ريال
عن الفرع ببريدة و كلهم نفس الزيت و الفلتر بس اغلى الوكالة !


up 1 down 1
1405-1985 1303
قبل 2 شهر و 4 أسبوع



خليت الوايت يروح جزاك الله خير لكن لاتحمل التأمين مبلغ الاصلاح فالذمة والامانة أولى من المعروف مع صاحب الوايت والله أعلم


up 6 down 4
دكتوراه في الحب 175
قبل 2 شهر و 4 أسبوع



اذا قطع الغيار ماتكلف مع شغل اليد صلحها برا 
لانهم لو بتصلح على حساب الشركه تتاخذ نسبه تحمل وهي ٢٥٠٠ ريال 
والعاده يطول فالشركه اذا هم صلحوه ينتظرون التامين


up 2 down 0
aa.ali 42
قبل 2 شهر و 4 أسبوع



صلح جيبك من جيبك


up 2 down 0
coco13 833
قبل 2 شهر و 4 أسبوع



بخصوص نسبة التحمل لازم ترجع لعقد الايجار وتقرأه زين وعدل وبقلب واعي وتشوف وش يلحقك من نسبة تحمل

أما بالنسبة لسالفة حلال وحرام نصيحتي لك دع ما يريبك إلى ما لا يريبك

وسلامتك


up 2 down 0
أبو تمام 1 240
قبل 2 شهر و 4 أسبوع