أضف سؤال أو موضوع جديد          

ادمان الدخول لموقع حراج

up 12 down 11
حرف الالف 1035
قبل 7 شهر و 3 أسبوع



السلام عليكم ورحمة الله 

شباب ألاحظ نفسي تجيني فترات طويلة أدمن الدخول للموقع يوميا 
وما اخلي قسم 
سيارات ، بيوت،  فلل، حيوانات ، اجهزة 

أحس اني جالس اتسوق بس متكي بفراشي هههههه 

يعني تقدر تقول ادخل يوميا 
وليس لي غرض ابدا 
ارى انه ادمان 

واوقات ما ادخله ابدا وانسى منه 

ولكن وش الحل مع ادمان الموقع 
انتو مثلي ؟؟؟


كل واحد يقول لنا بداياته في الموقع ؟؟
وادمانه عليه ؟؟ 
وش الشي اللي ما يعجبه







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


مثلك مثلك واكثر بعد هههههههههههههه
بس وين مكافحة المخدرات عنه وعن ادمانا له هههه




up 6 down 6
d7ooom777 426
قبل 7 شهر و 3 أسبوع



أنا وأعوذ بالله من قولة أنا عضو من ثمان سنوات بدأ دخولي للمنتدى بشراء سياره وبعدها بفتره بعت سياره تالفه ومن وقتها وأنا من محبي دخول المنتدى لأفيد وأستفيد وفي نفس الوقت أقرأ بعض ما يعرض من مشاكل السيارات لتكوين فكره فقط .. أما إدمان فلا ههههههههههه

كل مافي الأمر حب السيارات والقراءه عنها ..

يعطيك العافيه ..


up 5 down 1
jakwar2004 304
قبل 7 شهر و 3 أسبوع



كويس احسبها بس أنا ههههههههه

بس  بهالمنتدى استفدت اشياء كثيره ما كنت اعرفها كثيرر 

ومنها صرت اعرف أسعار السيارات ومواصفاته ونعرف العقار 
وكل ماطفشت اجلس على الحراج واشوف السيارات 






up 2 down 1
بايع الدنيا 66 1470
قبل 7 شهر و 3 أسبوع



المنتدي ما نختلف عليه صح نتركه فتره لكن نرجع له وندخل يومياً 

والحراج الصراحه ادخل كل يوم اشوف السيارات القديمة ولا عندي قدرة اشتريها 
غير العذاب النفسي لكن الله يرزقنا ويرزق الجميع 


up 4 down 2
mission 827
قبل 7 شهر و 3 أسبوع



اي والله انك صادق صاير منفس ليا ادخل واشوف السيارات والشقق الواحد يتسلى


up 0 down 1
عميد عبدالله أسعد 289
قبل 7 شهر و 3 أسبوع



طبيعي ياغالي واتوقع طريقه تقسيم الموقع وسهولته تعطيك دافع للدخول . غير وجود بعض الاغراض للبيع وتعتبر اسعارها مناسبه جدا


up 3 down 0
midnight_963 533
قبل 7 شهر و 3 أسبوع



والله الموقع تغير وصار خليط بين شريطيه ومبزره لكن مازال المفضل لدي


up 1 down 1
has5san 93
قبل 7 شهر و 3 أسبوع



فيه ناس تحب تتفرج بس وفيه ناس فضوله اقوى يدخل على السلع ويفاوض ويبهذل المعلنيين ولا يشتري هههه


up 2 down 0
يارب توفيقك 2014 1658
قبل 7 شهر و 3 أسبوع



طبيعي انا شبه كل يوم وانا ادخل على الحراج وعلى ثلاث اشياء
تاون كار 2011
جراند ماركيز 2008
كاديلاك فليتوود 1980

وانشاء الله مجمعها في الحوش كلها
هدف ومحققه بمشيئة الله

اضف الى ذالك الفراغ + اكتساب معلومات واخذ مجموعة من الافكار


up 1 down 0
mercy_sa 894
قبل 7 شهر و 3 أسبوع



كنت ادخل بدون عضويه و فعلا من فتره طويله وانا على ذا الحال..ادخل اشوف اخر مواضيع المنتدى
وادخل الحراج اشوف السيارات اللي احبها و انواع التعب النفسي :) 
ما شاء الله عليها كلها والله يرزقنا من واسع فضله
والموقع ذا ماسك وضعه رغم البرامج الحديثه لبساطة تصميمه وكثرة الاقسام


up 1 down 0
abdullah_rea 222
قبل 7 شهر و 3 أسبوع



انا موقع حراج لازم اخشه مثلك حيوانات سيارات قطارات
واذا انشغلت عنه نسيته
لاكن متى ماعطيته وجهي خلاص سردادي مردادي عليه



up 1 down 2
امير الاصيل 1680
قبل 7 شهر و 3 أسبوع



ياشيخ من اول ما ادخل مكتبي افتح موقع حراج ادمان للنخاع

لكن يكرهني فيه لما القى فيه مشاكل بين الاعضاء بمنتدى السيارات

وكل واحـد يسرد قصة فلان بموضوعه ومسوي فيها بطل والباقي مايوصلون مواصيله

هنا اكره المنتدى


up 4 down 1
aboahmed2014 767
قبل 7 شهر و 3 أسبوع



انا اكثر واحد ادمان فيكم لي 10 سنوات من اوئل الناس الى سجلت فيه الى حببني فيه اني شريت سياره احلامي وبعت سيارات
وتعرفت على شخص عزيز وغالي سافرنا وجينا وكان ونعم الرجل ولكن اخر السنين زادت الاسعار والطمع والجشع
ولكن مد رجولك على قد لحافك الشي الى تشوفه بميه الف سومه ب 50 الف وتمر الايام وحيرجع صاحب الاعلان يكلمك وهذي عن تجربه
واهم شي الاستخاره في كل شي


up 1 down 1
الملكيه 46
قبل 7 شهر و 3 أسبوع



الملكيه
اشكالك خربوا الموقع شيء بميه تسومه بخمسين
شيء معروف سعره سوم بأقل من سعره بشيء معقول
سيارة قيمتها ٧٠ ألف مثلل ما تسوم مثل سومتك نص السعر ٣٥ الف وين الجديه بالشراء
سوم أبدأ من ٦٠ الف يكون شيء معقول
تتوقع يعني بيبيعك بنصف السعر
اشوف سومات بالموقع بنصف سعرها المستحق
و يحط رقمه و يقول شرط خلوها من المشاكل و الحوادث
زباده انك معطيه نصف السعر تتشرط بعد


up 0 down 2
صالح بن محمد. -21
قبل 7 شهر و 3 أسبوع



ويل للمطففين

وفكونا من مبزرة الديسلايك


up 0 down 0
bassell -5
قبل 7 شهر و 3 أسبوع



اخ صالح بن محمد.

عيب عليك تغلط ترا كلنا كبار وراسنا ملاه الشيب ولو صادف وتقابلنا وجه لوجه والله انك تحشم نفسك وما تقول كلامك هذا

انا اتكلم عن سوق العقار وضربت مثال وصارت معي بارض الرجال كان طمعان وفاوضته بالشي المعقول ووافق عالبيعه
عن السيارات ما عمري فاوضت ولا شي غير بطيب نفس الف الفين وبس خصوصا لو عاجبتني

صالح اهدا وثمن كلامك


up 1 down 0
الملكيه 46
قبل 7 شهر و 3 أسبوع



موضوع جميل ياخوي وردود الاخوان اجمل .. 

فعلا الموقع يسبب لك ادمان


up 0 down 0
m7md 33 670
قبل 7 شهر و 2 أسبوع



نص الرد يختفي ليه مدري .. 

عموما موفقين كلكم
والله يبلغنا شهر رمضان بصحه وعافيه لافاقدين ولا مفقودين 
ويجعلنا من صيامه وقوامه 

❤️



up 0 down 0
m7md 33 670
قبل 7 شهر و 2 أسبوع