رأيكم في صيانه سيارتي

هلا بالعامري
على هالممشى غير البواجي
غير موية الرديتر بموية اصلية جالون تويوتا
فلتر الهواء وفلتر المكيف اذا ماغيرتهم غيرهم افضلك
شيك على سير المكينة هو يمشيك الى 150 الف
بس شوف وضعه فحص نظري اذا فية زي التنتيف غيرة
فقط هالاشياء البسيطة وامورك تمام

اضيف على كلام اخوي الرفاعي انك تغيير فلتر البنزين بعد

ممشاك عادي ودام السياره تمام استمر
بس انتبه للفلاتر والزيوت .. فقط

الممشى جدا جدا جداً مبالغ فيه .

معقول كل هالمششي في سنتين فقط .
لو ليموزين الامر عادي .

يا ابو نايف 999 الله يحفظك الرجال ما طلب منا نقيم ممشاه للسيارة الرجال يسأل وش اغير وش اخلي


انت ما تدري عن ظروفه والناس مهيب سواسيه اذا انت دوامك يبعد 20 ولا 40 كيلو غيرك دوامه 100 ولا 120 ولا اهله في منطقة ثانية بعيدة عنه او الرجال يكد عليها اوبر ولا كريم


وهذي مهب نقطة نقاشنا وبعدين انا شاري الموتر عشان اوقفه ولا تنسى انك الحين في 2018 يعني الموتر له سنتين وعليها والشوارع ازدحمت صرت تدور الطريق البعيد اهم شي فاضي



عموماً ياصاحب الموضوع مانبي نطول في النقاش لكن دامك غيرت زيت القير ف ان شاء الله امورك طيبة حافظ بس على غيار زيت المكينة والفلاتر بوقتها ( فلتر المكينة - فلتر المكيف ) وتشييكات باقي السوائل مع كل تغييره


وموية الرديتر ما اشوف لها حاجة اذا مابعد انتهت مرة وقلب لونها عادي مشها شوي وعقبها غيرها هي والصفاية والبواجي وكل شي مرة وحدة والسير شيك عليه اذا هو نظيف خله


العضلات تبي تمر بها عاد يعطونها نظرة بسيطة جلد وماجلد وان شاء الله ماتحصل شي


موفق واهم شي مثل ماقلتلك عليك بالزيت في وقته وحافظ على الفلاتر وماعليك خلاف ان شاء الله


تحياتي

مر ع كتيب السيارة اللي بالدرج وشوف الممشى وايش الاشياء اللي لابد تغيرها

وحرص على السير تغيره

اللي مستغربين في الممشى في سيارات 2017 معدية ال100,000 اذا كان راعيها حق خطوط ف شي طبيعي.  

اذا مقر عمله بعيد كثير عن بيته او اذا كل اسبوع يسافر شي عادي وين المبالغة هذا ممشى ماهو سعر 

غالبا في ال100,000 يتغير البواجي اذا النوع الألمنيوم و سيور الماكينة ( المكيف + الدينمو) اما التايمن اذا جنزير ما يحتاج اما

ربل يحتاج.  الجنزير يتغير في حالة واحدة بس وهي لا قدر الله توضيب.  و فلتر البنزين مثل ما ذكر بعض الاخوان.

لاتغير شئ دام السيارة مافيها شئ واظب على السرفس العادي من زيت وسيفون ولاتخسر فلوسك عالفاظي في اشياء ماتحتاج تغير الى اذا سمعت صوت او اختربت