افيدوني - انفنتي 2007 او 2008

بصراحة وبدون مجاملة إذا تسأل عن صرفية البنزين فلا تفكر بالإنفينيتي أبداً

خلك على السيارات الي لها شعبية مثل الكامري والسوناتا أفضل لك وعملية واقتصادية

وعليكم السلام انحشش عن الانفنتي وكيل ضعيف جدا وقطع غير متوفره والسياره حتى الورش اللي تشتغل فيه قليله

كامري2013 سوناتا2013 احرض على النظيف وبس مع اني ارشح الكامري بسبب التكييف

لكل زمن دوله ورجال
حنا الان ٢٠١٨م
راح زمن الانفنتي موديلها قديم صدقني بتعبك من حيث الصيانه
وقطعها غاليه
شوفلك شي ثاني

انصحك بسوناتا ممتازة قطع غيار رخيصة 

اذا تبي جيب كروس اوفر و موفر للبنزين
عندك بدل الكامري = راف فور
بدل السوناتا = ساتتافي 4 سلندر
نفس المكينه و القير
اما الانفنتي قطع غياره و صيانته صعبه
و ان موفر للينزين على انه V6 بس مهو مثل الاربع سلندر

قبل فتره شفت بالتشليح جيب انفنتي مثل هذا سليم مافيه طقة شاكوش لما سالت عنه السوداني قال المكينه مخبطه قلت طيب وضب ولا ركب مكينه وبعها مع توضيح السبب العجيب قال ركبنا لها مكينه لنفسس الموديل ومو راضيه تشتغل وصاحبها الاول حاول وبعد مافقد الامل باعها تشليح هي سيارات حلوه وفخمه بس تخليك دايم قلق من ناحية الاعطال والصيانه

يعطيكم الف الف عافية لاهنتوااا الصراحه كنت متخوف والحين اقتنعت . فعلاً ماخاب من استشار . الله يكتب لكم الاجر