ماهي عيوب هايلكس الديزل

الهايلوكس الديزل تحسنت أكثر من السابق
أصبحت الآن تيربو ديزل يعطي عزم وتسارع أفضل 
اذا تبي ديزل انا ارشح لك خذلك ايسوزو 
ديماكس عن تجربة سيارات صبورة جدا
محركاتها اطول عمرا خصوصا الجديدة صارت قوية 
وممتازه جدا افضل من للهايلوك

محركات الديزل الجديدة متطورة والعيوب القديمة اللي فيها راحت
مثل الدخان اللي يطلع علما ان المحرك 2500 سي سي عليه تيربو
يعني اقتصاديه جدا من ناحية التحمل والكرف
ف الايسوزو دي ماكس ممتازه خذ 136 حصان دبل 2017
وجهت نظري

ونعم الاختيار ولا في مقارنه بالايسوزو
الايسوزو صوت مكينته تقول دركتر تسمعه من بعيد
وقطع غياره ماهي متوفره مثل الهايلوكس والايسوزو
له فلترين للديزل واحد تحت السياره والثاني بالكبوت

الهايلوكس تم طوير مكينته وفيها تقنيه ناسي اسمها
تقلل ضجيج صوت المحرك لكن الصوت حق الديزل
معروف وتسمع وانت قريب من الكبوت بس اخف بكثير
من الايسوزو الي تسمعه مع اخر الشارع

قطع الهايلوكس الديزل مقل البنزين من مساعدات
ومقصات ...الخ
الفرق بالمكينه فقط يعني القطع الاستهلاكيه نفس البنزين

وللمعلوميه فلتر الديزل واحد فقط بالكبوت وسعره١٥٠ريال وتحت
وتغييره سهل يمديك تغيره بالبيت واساسا في لمبه تولع اذا صار وسخ

مافي مقارنه بالايسوزو توكل وخذ الهايلوكس بس اذا ماعندك مشكله اذا ارتفع الديزل

خذ لك هايلوكس بنزين افضل من الديزل 
على فكرة تراء سعر الديزل بيرتفع بداية عام ٢٠١٩

الهايلكس الديزل كويس أضافوله تيربو وتحسن تسارعه

ايضا في تقنية D-4D حسنت من صوت الضجيج وخلته هادئ

الخوف من صيانته وفلاتره لأني اللي اسمعه ان فلاتره وصيانته بشكل عام تصرف

محمد قاسم
حتى لو ارتفع الديزل يمشي اكثررر يعني لو سعر الديزل نفس البنزين بيكون راعي الديزل مستفيد
ولاتنسى اذا ارتفع الديزل راح يرتفع البنزين يعني شراء الديزل ماهو خساره

الهايلكس اوجه واجمل واحسن شعبيه
الديماكس اكد واصبر ولاتعتمد الشركات الاعليها

عندنا فورد رنجر مكينة 5 سلندر 3.2 ديزل تيربو له معنا الآن سنتين عزم ممتاز جدا ودبل ومثبت سرعة ومريح جدا فكر فيه 
بس فيه عيب وحيد التكييف ضعيف شوي 

انا لو باخذ ديزل باخذ ماكينة الهايلكس الديزل الجديدة ٢،٨ حوالي ١٧٨ حصان وعزم ٥٠٠ نيوتن ماشاء الله جبارة اقوى من اايسوزو وكل الديزل وتسارعها جيد جدا

كان مع قريب لي ٢٠٠٦ خذه مستعمل وكده ٣ سنين ماحط غير الديزل ولا غير شي نهائي وباعه والي شراه يفحص ماظهر له شيء 

ف معناته انها سياره ممتازه ، 
بس كانت مشكله وحده انه ماخذ غماره والمكيف تعبه من كثر ماهو بارد خخخخخخخ

الديماكس افشل سيارة ابعد عنها لا عزم ولا تسارع والطبلون
بلاستيك حق العاب أطفال يتفكك رديء جدا والصوت حراثة فضيحة 
عليك بهايلكس ديزل وبس 

عندي هلكس 2017 اريدحل لها الول مشغله تقطع ويطلع دخان وترج المكينه وبعد متحتمي تصفا بس وهي شغاله فيها قطعه

من يفيدني ومشكورين

من يفيدني ومشكورين

خذ هالكس وبس الاسوزو مالها قطع ولا وكيل رسمي
وقطعها غالي وغير متوفر

تايوتا وبس قطع متوفر وكيل رسمي. واكثر من واحد
وكلهم سياستهم رضاء الزبون  وفروعهم بكل المدن الرئيسيه

الهايلوكس كفو بس سعرها حراااام
خذلك دي ماكس طاحو فيها البشر كفو وسعرها لاباس اشوا من الهايلكس
واذا تبون الشور خذو من دول الخليج اصرف من وكلائنا الي ماعليهم مراقبه
مستغلين المواطنين في الوكاله وفي المعارض
ووزارة التجاره ياليت تشوف الكويت كيف تبيع على مواطنيهم
الوكاله ماتبيع التاجر تبيع للمواطن ببطاقة الهويه
عبداللطيف جميل مايبيع الا على التجار والسعر دبل حسبنا الله عليهم