نصيحتكم للي بيدخل سوق السيارات ويترزق الله .... نقاش للجميع

فيها خير ورزق بس حاول تبعد عن الانجاس عشان مايعدونك 

اسال الله لك التوفيق

انصحك بالسيارات القديمه والمرغوبه كثير
 بالنسبه لي اتعامل مع الفورد من 94 لحد 2002
والكابرس من 87 لحد 96
امريكي بس لان لي خبره فيه 

اما انت شف السيارات اللي لك خبره فيها وتعامل بها 

والله يرزقني ويرزقك والمسلمين اجمعين 

(حب لاخيك المسلم ما تحبه لنفسك)

مشكورين يا شباب بس لو فيه واحد يبيع ويشترى ينصحني توني داخل السوق ؟؟؟

ابعد عن الحرام الله يرضالي عليك
وان شاء الله انك رجال كفو وطيب
انا تجربتي بدت داخل العيله
ماسك وكاله عن العيله ابيع واسوق سياراتهم وقت ما قررو بيعها ولي عمولتي منهم
عجبتني الشغله واعتمدت على نفسي وبديت في الفوردات تحت موديل ٩٨ فيها رزق وفير وخير لا يعلم به الا الله
ابحث عن السيارات القديمه شويه مثل ما قال اخوي فوق ، لانها ارغب وارخص وقطعها رخيصه والصناعيه امتلت منها فسارت مفهومه من الميكانيكين زين
وانصحك تبعد عن السوق والمعارض ، دامك جديد في الصنعه بياكلون النصابين 
اشتري من برا مثل المزادات الحكوميه والخاصه وبيع في موقع حراج لين تفهم السوق
وبعدين انزل والله يكتب لك الخير

الله يوفقك , ماراح ازيد على دعوة الرسول صلى الله عليه وسلم (رحم الله عبداً سمحاً إذا باع، سمحاً إذا اشترى، سمحاً إذا اقتضى).