ما هو اطول خط قد مسكته؟وكم مسافته؟

كل هذه الخطوط ما شاء الله تبارك الله و إذا جاء يبيع السيارة قال لك استخدام حشمة ! يعني 2000 كيلو سحبة وحدة يا شيخ خاف ربك راكب 777

من الرياض الى صلاله تقريبا حول 2350 كلم
والمشكله ماطفى الموتر الا 3 ساعات او اقل
دخلت الامارات العين ولا لقيت الا فنادق وغاليه
والجو اغسطس حر وماابي اخسر 1000 ريال في
جو حار ومشيت ودخلت منفذ مزيد عمان ووصلت
عبري ومن كثر القهوه عجزت ارقد وجوها اقوى من الرياض
المنطقه حره حجاره تفوح حراره وواصلت الى قبل صلاله
ب 200 كيلو واسفط داخل بر بعيد عن الخط واخذ نومه 3 ساعات
تلحفت الفرشه من البرد مع ان معي بطانيات لكن تعب وعجز
وقمت الفجر وصليت ووجهت ابي اشوف الفندق اللي انا حاجزه
قال تعال مسموح لك تسكن وانا متوقع لازم بعد الساعه 2
وزود عليها لحقت البوفيه المفتوح وافطرت واخذت نومه الى الساعه 1 وقمت
افرفر بالديره وكسبت يوم اضافي بالجيه ومجاني
ديره اجمل من شرق اسيا ومن ناحية الخضار قال ابها والباحه
موب حولها ديره امطار ورذاذ 3 شهور والارض طينيه يعني
سهله المنبت لكن الحشرات والبعوض عقوبه
ولو يتوفر لي وقت ودراهم مارحت لها
اهلها طيبين ورخيصه مثل السعوديه قبل 10 سنين لكن النامس والحشرات عقوبه ياحليل نامس الديؤه