سبب طلوع لمبه التراكشن و vsc ولمبه المكينه افالون ؟

وعليكم السلام
سبق ونزلت موضوع عن المشكلة
لدرجة واحد قال اغيرلك الكويلات كاملة
رحت لواحد الله يرحم والدية ويجزاة بالخير
اكتشف المشكلة طلعت من البواجي
غيرتها في رمضان الي راح
والى يومنا هاذا مارجعت المشكلة
المبات تشتغل سوا
فشوف وضع البواجي اذا لها 100 الف ماغيرتها
باذن الله منها تغيرها وتنتهي المشكلة
وبالمرة نضف ثلاجة المكينه والبوابة وحساس القربة
لانك اذا بتغير بواجي بتفك هالاشياء كلها
نضفها مرة وحدة

شفت مقطع باليوتيوب نفس سيارتك ونفس المشكله الي عندك يقول طف السياره وافتح غطا البنزين التانكي وارجع قفله وشغل السياره وتختفي اللمبات طبعاً هو جرب بالفديو واختفت اللمبات بس بالتعليقات يقول رجعت بعد فتره وفحص وكانت المشكله من حساس العادم تقريباً انت جرب وشوف ممكن تضبط معك

شف ابوي معه فكس ار 2013 ولعت اللمبات الي قلت بالصدفه طلعت من الفحمات الي قدام خالصه

هادي زي شيك انجن اللي كانت في الفوردات زمان.  ممكن مشكله عويصه وممكن بسيطه
بعض السيارات حتى لو خرب النور.    ف افظل حل تعمل فحص كمبيوتر هوا بيحدد المشكله

جزاكم الله خير 

اخوي الرفاعي 33 مغير البواجي قبل اسبوعين 
اخوي سبحان الرازق سويتها ولا ضبطت معي لكن شغلت السويك ثلاث مرات وطفيته ثم شغلت السياره وراحت من عندي لكن رجعت من بكره 
اخوي جاي امس ممكن من الفحمات لانها بدت تطلع صوت عندي 
اخوي 55thary الله يجزاك خير هذا اللي بسويه عشان ارتاح م اغير شي وما تطفى عندي يطلع من شي ثاني 

حياك الله اخوي 
هذي ان شاء الله تروح من البرمجه كمبيوتر عند واحد مختص

انا حصلي على لكزس جي اس ، رحت غيرت قماشات ولاكنت مسوي طرق البرمجه الي تفتح السلف ٣ مرات 
بعد التغير صار الطبلون عرس ، الموتر طقت معظم خصائصه ، abs وتراكشن وووو حتى كنت بسوي حادث بسبب الabs
وعلق علي الراديو والشبابيك ماتفتح ووووو 

المهم رحت برمجت ب ١٥٠ ورجعلي كل شيء سليم ١٠٠٪‏ 

^ طبعاً هالكلام كان قبل ٧ سنين تقريبا ، الحين يمكن البرمجه ارخص .. 

اذا ماضبطت مشكلتك سوي برمجه كمبيوتر وتضبط ان شاء الله 

المشكله في موزع الهواء تحصله موجود أسلاك فيه صغيرة تحصل واحد منهم منقطع 
https://video.ultra-zone.net/watch?v=IRpMP4or8VA شوف الفديو

عندي افالون 2007استخدام امريكي ظهرت لي لمبهvscوcheckطبعن وانامسافرفجئه تفتفت السياره وقل العزم ووقفت وسويت برمجه لسياره من العدادالي بالطبلون والسيوتش وراحت التفتفه وجلست المبات شغاله لحدالحين وماادري ايش السبب الي ظهرت له هذي العلامه يفيدني ايش الحل معها

الي عنده خلفيه عنهااوصارله نفس الحركه يفيدني

ممكن يكون حساس الشكمان او دبة الشكمان نفسها او وجود هوى متدفق

السلام عليكم 
نفس المشكلة عندي 
طفيت السياره وفكت الغطاء حق البنزين وطفت اللمبات 

نفس المشكله عندي
تفتفت فالخط و اشتغلت لمبه الشيك و الانزلاق 
طفيتها و شغلتها راحت اللمبه و اختفت التفتفه 

السلام عليكم انا معي افلون امريكي ٢٠٠٨ غيرت الدوده حقت الدركسون وطلعت عندي لمبة مانع الانزلاق وvsc ورجعت للعامل قال هذا برمجه عشان وزنية السياره تغيرت  وخليته يوزن الاذرعه والطاره تمام ومافيها حذفه ابد. اذا طفيت السياره وشغلتها تروح وبعد دقايق ترجع المهم رحت عند واحد سوري مدري فلسطيني وسواء لي برمجه على الوزنيه وفعلاً راحت والحمدلله .