أضف سؤال أو موضوع جديد          

كذبه عيني عينك

up 18 down 5
السيد المسؤؤل 476
قبل 4 شهر و 3 أسبوع



السلام عليكم
   
في ناس ( شريطيه ) تكذب ويقولك السياره مسيومه من رجال صامل ب٧٠ وفحصها كمبيوتر ولكن اطلب الله الزود !!!
   
تتوقعون في غبي بيفحص سياره ب٣٠٠ وإلا ٥٠٠ وصاحبها ما باعه !!!! 
   
غير سالفة البدي وكالة كامل بس في رش تجميلي رفرفين وكبوت بدون حوادث
    
وإلا البدي وكاله بس فيها رش قد الكف 
    
كلام صار مستهلك وما اصدق هذا الكلام لان كل السيارات صارات مرشوشه تجميلي







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ياخي كثرت المواضيع في هالسالفة. موب لازم يكون الانسان شريطي عشان يحاول يبيع بغالي ويشتري برخيص.
كل شخص مسؤول عن فلوسه كيف يصرفها. اذا تبي تشتري مستعمل فانت جالس تدور الرخيص والا كان تروح وتشتريه وكاله وما اتوقع انك ترضى احد يقول عنك شريطي لانك تدور مصلحتك وتبي سياره رخيصه والعكس صحيح.


up 7 down 22
ابو عبدالله riyadh 176
قبل 4 شهر و 3 أسبوع



بعد اذن صاحب الموضوع برد عليك يا ابو عبدالله

الواضح ان الكل صار يمثل دور الشريطي واسلوبه في البيع والشراء حتى لو اول مره يبيع ويشتري


يعني وش فيها لو الواحـد يصير صادق في البيع

ليش الاسلوب المتعجرف والكذب عشان يكسب من ورى بيعه الف ولا الفين

واللي يطير قيمة السيارة بالسماء ويقول مسيومه ع الخاص ولا الجوال بكذا
واهي ماتسوى



واللي يدور المصلحه يدورها بصدق مو كذب وتدليسس


up 16 down 2
aboahmed2014 613
قبل 4 شهر و 3 أسبوع



على الباغي تدور الدوائر

سواء كان شريطي او بائع لسيارة
اذكر كل شيء فيها تعرفه جيدا ( واذا منت متاكد رح افحصها بنفسك عشان يكون المشتري على بيّنة )

ان بعت السيارة وانت في داخل نيتك ومبيّت النية انك تبيعها عشان عيب ولا تذكره
فصدقني راح ترجع الدنيا لك وتشتري سيارة نفس عيوب سيارتك وأكثر

خلك صادق بنيتك والله العظيم كل ريال تبيع به سيارتك ان ربي يباركلك فيه وانا جربت هالشيء ويشهد الله

لكن نصيحة لكل شخص مشتري سيارة مستعملة :-
أولا : لازم تعرف ان مو كل سيارة مستعملة لازم تكون على مزاجك وطلبيتك ,, هذي سيارة مستعملة توقّع أي شي بها من مشاكل وخرابات سواء بسيطة او قوية

ثانيا : بإمكانك فحص السيارة فحص شامل لتتأكد ,,مو مشكلة تدفع 500 ولا تدفع 50 الف

ثالثا : حتى لو كانت السيارة ماشية 1000 ,,فيه ناس كثير عديمة الضمير وتلعب بالعداد عشان كذا الاحتياط واجب وافحص

رابعا : المشاكل الطفيفة اللي تتعالج ما تعيق موضوع بيع السيارة , اعقلها وتوكل ولا تصير حساس ومتزمّت وترفع ضغط صاحب السيارة وبعدين تطير منك وتندم على توافه الأمور

خامسا : أي سيارة مصدومة من الأمام ومرشوشة من الأمام لازم تحسب لها ألف حساب وتفحصها جيدا , لأن الصدمة من الأمام قد تؤثر على وضع الماكينة بشكل عام
( الله يعينني على ديسلايكات أصحاب الصدمات بسياراتهم من الأمام )

سادسا : قد تكون هناك سيارات مستعملة سعرها أغلى من سعر السوق المستعمل ب 1000 او 5000 ريال ,, لكن من تجربة , تجد أنها بحكم الجديدة بنظافتها ومواضبة صيانتها ,, وهذي ما تتعبك بالتصليحات وغيرها
لذلك وانا من المؤيدين شراءها عشان بقية المبلغ الزائد هذا تشتري به راحتك لسيارة نظيفة وصاحبها مهتم بها

سابعا : أكثر من الاستغفار والدعاء وان ربي يرزقك خيرها وخير ما بها ويكفيك شرها وشر ما بها
ومن يتوكل على الله فهو حسبه





up 11 down 3
الاحترافي 1106
قبل 4 شهر و 3 أسبوع



معلومة بسيطة

يشهد الله علي مافي يوم كنت غير سمح بالبيع

عَنْ جَابِرِ بْنِ عَبْدِ اللَّهِ قَالَ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ رَحِمَ اللَّهُ عَبْدًا سَمْحًا إِذَا بَاعَ سَمْحًا إِذَا اشْتَرَى سَمْحًا إِذَا اقْتَضَى

مافي أجمل منها ,, ممكن تكون سمح مع شخص يالله محوش المبلغ هذا او بيشتريها لشخص معين وما تدري سبحان الله وش ظروفه

والله ثم والله ومن تجربة أن ربي يرزقني بسيارة انظف من اللي بعتها ,,

الحمدلله ياربي من فضلك

اما مثل ما ذكرابو احمد ,, فيه بعضهم يقولك مسيومه مثلا ب 55الف بالخاص او الجوال ,, وسيارته فعليا بالسوق بأقصى حد 45 الف ,, كذا الموضوع فيه كذب

فيه بعضهم مثلا حاط في باله انه يبي 80 الف بسيارته .. ويجي يقولك مسيوم 79 افرق السوم وخذه !!!

خلكم سمحاء بالبيع لاخوك المسلم ,, مو شرط اذا صرت سمح بالبيع انضحك عليك ,, (( ونرزقه من حيث لا يحتسب ))

عذرا للاطالة


up 5 down 8
الاحترافي 1106
قبل 4 شهر و 3 أسبوع



الاحترافي

وافي ياعزيزي وفقك ربي


up 3 down 0
aboahmed2014 613
قبل 4 شهر و 3 أسبوع



لو فيها رشة كبر كف اليد مايحتاج يذكرها في الاعلان
ولما يجي الشاري يعاين يوريه إياها عشان الشاري يقتنع


up 3 down 1
mohammad 13 496
قبل 4 شهر و 3 أسبوع



اللي يغبنك اذا سمت قيمته بالسوق يقول انت حلفت واقسمت بالموقع وهو اكبر نصاب او يقول ماتشوف سومة اللي قبلك بكل وقاحة ويكون خويه والدليل عضويته لها ساعة فقط 




up 1 down 5
benz lover -63
قبل 4 شهر و 3 أسبوع



صدقت ي صاحب الموضوع والان اغلبهم يمثل دور الشريطيه الا من رحم ربي +١ تستاهل موضوع جميل


up 7 down 9
نواف الحربي4 326
قبل 4 شهر و 3 أسبوع



^^قفطتك داخل على مواضيعي تسوي دسلايك وتوها جتني كلها مع ردك وش ماسوى التركي فيك ما الومه .... 


up 4 down 7
benz lover -63
قبل 4 شهر و 3 أسبوع



^ ههههههه
لاوطايح بشيء ثاني اليومين هذي
كل مارد بموضوع حط نهاية رده1+
يعني شوفوني حطيت لايك يلا رجعوه لي
ويستغل هذي الحركه عشان
يجمع اكبر قدر من الصداقات


up 3 down 5
d7ooom777 449
قبل 4 شهر و 3 أسبوع



امس واحد منزل اعلان وتحت بالردود راد علي نفسه ويقول ماشالله السياره باين انها وكاله
ههههههه واضح انه شريطي مبتدئ



up 6 down 1
bmw z4 1426
قبل 4 شهر و 3 أسبوع



الحقيقه انا امقت كل شريطي غشاش.   واغلبهم كذلك من تجاربي الا من رحم الله
دعوني اتذكر قصه واحده من قصصهم. والله لايرحمني ان كنت اتجنى او اختلق قصص
لم تحدث لي واقعا. 
واحد من بني عمي قبليا.  سام السياره. وعند الاتفاق طلبت عربون منه
ويوم جينا المعرض التموا. اي اجتمعوا ربعه.  وفتحوا الكبوت  العصابه نزلوا ٣٠٠٠
قلت ولاريال هذا بيع ومشترى.  لو انكم جاييني في البيت اكرمتكم بأكثر من ذلك
وحنا اتفقنا يا امشي ولايرجع العربون يا يشتري يا تطلعون عيب في السياره
السياره كانت ورده بدي ومحركات مافيها شي 
كان معرضهم بعيد عن الشارع.     قبل كان يقول فلوسي ناقصه بوصلك للبيت
اتقهوى عندك مادامك ابن عم.  واكمل دراهمك.  ويوم شافوني مانزلت
اخذت اغراضي وماوصلوني لمحل التكاسي كان شوي بعيد 
ماكان فيه اوبر والا كان طلبت احلا اوبر.    وانا جالس
المهم. الا قدام معرضهم هاك السوداني ابن حلال قلت وين وجهتك
قال وين تبي قلت المشحمه باخذ لي تكسي  وصلني مشكورا  
وانا اطالع فيهم. يعني ماتهنيتوا وانتم تشوفوني امشي 
قبل يدفعون انت ابن عم وبنوصلك واخلاق وقبيله.    ويوم اخذتي حقي
كاااامل.  حسب البيعه والاتفاق.    نسوا العلوم الطيبه والمعرفه
بس جاب الله السوداني
حتى واحد منهم متخلف يقول.  لايسرقك الزول.   لان معي ٥٦٠٠٠
قيمة سيارتي.     قلت مدام ماسرقتوني انتم.  انا بخير
صراحه.  لايزعلون الشريطيه.   وش فيهم كذا.      ادينا بنرغي


up 3 down 5
عبدالله الشفيعي 1431
قبل 4 شهر و 3 أسبوع



بعضهم
يقلك فل... ماعدا الفتحه والجنوط والتخشيب!!!
بدي وكاله ماعدا الرفرف والصدام !!!
شبه مخزن ماشي 130000كم!!!


up 4 down 2
ams1975 542
قبل 4 شهر و 3 أسبوع



أنا من ضحايا كلمة رش تجميلي .... وأخرتها السياره ماكله حادث قوي ومصلحه تصليح تعبان.

ووديتها محل فحص يقولي ممتازه السياره. ماعاد افحص غير بنفسي


up 3 down 0
hemo1001 31
قبل 4 شهر و 3 أسبوع



وعندك  بعد المكيف يحتاج فريون بس مافضيت اسويه 
وبالنهاية يطلع كمبروسر ولا تنسيم بالثلاجة ويحتاج فك الطبلون 


up 0 down 0
hussain4 745
قبل 4 شهر و 3 أسبوع



كلامك صح وكثير يعملون كذا


up 0 down 0
55thary -7
قبل 4 شهر و 2 أسبوع



النصبة الجديدة يقولك مسيوم 200 وببيع لك بالسومة!!

طيب ليه مابعت على الي سام 200 ليه تبيع علي انا؟


اما سالفة رش رفرفين وكبوت بدون حادث ذي مثل الي يقولك الموتر شرط بس مرشوش كامل


اما مسائلة مرشوش قد الكف الفحص هو الحكم وتصير صحيحة يصير حكة خفيفة ومصلحها شغل تمام

لكن مازلت اعاني من مسائلة السومات الوهمية الي تنقز كل ساعه 10 الاف ريال


up 1 down 1
ابو عزوز8 406
قبل 4 شهر و 2 أسبوع