كيف يتم تقليل صرف البنزين للهايلوكس

ماله حل وانا اخوك الا انك تغير البواجي وفلتر هواء الماكينة ولا تكون رجلك حارة ع الموتر معروفة ماكينة ٢،٧ من اسوأ المكاين بالصرفية 

معي دبل ١٣ تمشيني ٥٠٠ كيلو الى ٦٠٠ اروح عليها خط وبر والحمدلله

الهايلكس سيارة تحميل وسيارات التحميل غير عن العادية فمثلا هايلوكس دبل وفورشنر ٤ سرندل الهايلكس تمشي عليها مثلا ١٤٠ تحصل ضغاط الاربي ام على ٤ والفوشنر تمشي ١٤٠ وتحصله ماوصل الضغط ٣ وهكذا تفجأت مرة انا امشي بالهايلكس ١٨٠ والضغط على ٥ او فوقه بشوي والفورشنر نفس سرعتي والضغط ماوصل ٤ هههههه لكن الهايلكس بالطلعات والنفود احسن منه ماتبرد المكينة

الحل انك تبيعها وتشتري كامري


خخخخخخخخخخخ


دعابه خفيفه

اللي اعرفه ان تروس القير كبيره والدفرنس حاشر عشان كذا صرفيتها زايده
وهي سبب ارتفاع الار بي ام
وبالتالي صرفيه البنزين 

فيه عندك بالمذنب كراج عمر اليحيى يسوي برمجة على الهايلكسات تقليل صرفية و عزم اقوى

و تركيب مراوح كهرب اريح

شوف فيها اشياء يعني تحسن او تقلل من الصرفيه بس مو حل واحد وتفرق معك الصرفيه
تغيير بواجي تغيير الصفايه والفلتر هذي صيانه عامه تصفي الموتر وتقلل الصرفيه لو كانت هالاشياء اللي غيرتها منتهي
عمرها فيه اشياء تكون اقوى او بتلاحظ فرق بعد ماتسويها

مثل تغيير المروحه من مكانيكيه(ام سير) الى كهربائيه راح تستفيد العززززم راح يفرق والتكييف راح يفرررق
لان المروحه المكانيكيه تاخذ من العزم كثير وتبريدها بالانتظار والوقفات سيء
والبرمجه هذي امور راح تفيدك بس ترى الفرقيه ماتوقع تتعدى 30% تحسن لذلك هي مكلفه اذا الموتر يمشيك
خط لل500 اشوف انك ماتتعب نفسسك وتخسر نفسك هي كذا صرفيتها عاليه

برق الحيا

اكيد الهايلوكس قير عادي و الفورنشر اوتوماتيك

هي كذا تختلف حتى لو الهايلوكس اوتوماتيك تحصل الضغط نازل على سرعه

نفس الوضع بالكامري و الكورولا الاوتوماتيك اريح بالخط بفرق كبير

لكن الفورنشر عادي و هايلوكس عادي تحصل الضغط نفسه

والله مالها حل الصرفيه الله يعينك اخوي

ابراهيم ٧٨ الفورشنر قير عادي والمكينة نفس بعض لكن القير يختلف . حتا الشاص تويوتا نفس الهايلكس بالضبط

سويتلها برمجه عند الشقاوي ب ١٥٠٠ ريال مافي فرق تقريبا زادت
٣٠ كيلو عن اول..بس الى الان ماقتنعت لازم احصل حل.

ويش رايكم في القطعه الي يركبوها تحت الدركسون مين جربها؟؟

القطعة اللي تركب في مدخل تحت الدركسون @@@ دعاية وانا مجربها والاصلي كمان ،،، ماتفرق شي في الصرفية ابدا مجرد لمبات تشر @@@@

وش الأفضل في صرفية البنزين الهايلوكس 2011 او الددسن