أضف سؤال أو موضوع جديد          

تجربتي تغيير نوع البنزين من 95 الى 91

up 13 down 9
m7md 33 748
قبل 11 شهر



السلام عليكم ورحمة الله وبركاته 
بسم الله الرحمن الرحيم

يعطيكم العافيه يا اخواني 

انا عندي كامري ٢٠١٠ وصارلي ٣ سنين ماعبي فيها الا 95
وطبعاً صملت مع ال 95 حتى بعد ما ارتفع البنزين لمدة ٣ شهور الا 

المهم اني عبيت 91 عشان اجرب الفرق 

طبعاً موتري مسويله تصفيه وووو 

ممم باختصار فل 95 بـ 105 ريال تقريباً 
وفل 91 بـ 70 ريال تقريباً 
( تقريباً لأن مايكون فاضي مرره )
الفرق معي ( 35 ) ريال تقريباً 

طبعاً 35 ريال بالاوضاع الحالية تسوي شغل 

^ هذا فرق السعر .. 

باقي فرق المسافه والعزم .. 

العزم الي يقول مايفرق ماعنده سالفة أنا فرق معي العزم بنسبة 20% 

ومن ناحية المسافة المقطوعه طبعاً حسبتها بالي مشيتها مع كل فل .. 

بالاحمر 95 حسبت مرتين مره ٥٧٠ كيلو ومره ٥٥٠ كيلو .. 
وبالاخضر 91 حسبت مره وكانت ٥٠٠ كيلو ..

يعني الفرق من (٥٠) الى (٧٠) كيلو بين 95 و 91 ..

طبعاً ((( سواقتي وسط ))) لا هاديه ولا سريعه جداً ..


^ حبيت اطرح الموضوع للفائدة ، و للي متخوف من تغيير نوع البنزين .. 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الاقتصادي الاخضر


up 6 down 0
0541428261 32
قبل 11 شهر



صحيح الاقتصادي الاخضر 

قبل الارتفاع كان يفرق معي بالسعر ١٣ ريال تقريبا 
ف ماكانت ذاك الفرق لان مسافه اكثر وعزم اكثر 

لكن حالياً الاخضر افضل (: 


up 2 down 4
m7md 33 748
قبل 11 شهر



لو فيه اقل من اخضر باعبي 


up 16 down 1
محمد قاسم 1410 -37
قبل 11 شهر



معليش ماهو استحقار ولا شيء

ولكن كامري 2010 تعبي 95 ليش و حتى بعد الارتفاع 3 شهور وانت تعبي 95

و لو امكانياتك الماديه كويسه راح تستمر تعبي 95

رغم ان الكتلوج يقول يقبل النوعين و حتى لو ما يقبل الا 95 وين المشكله ببنزين 91

انا من ايام البنزين 45 هلله قبل الارتفاع الاول و الاحمر كان 60 هلله ما كنت اعبي الا اخضر

رغم ان الفرق 15 هلله ولا تفرق الا ريالين بين الاخضر و الاحمر ذاك الوقت

ولكن اعبي 91 على اي سيارة استخدمها

استخدمت فولفو توربو و كان مكتوب بالكتالوج بنزين اوكتين 98

و كنت اعبي 91 و العزم جبار ولا فيه اي ملاحظات

طول ما الانسان عايش على راتب او تجاره بسيطه دخله محدود خلك على اللي يمشي امورك

ولو اجي محطه الايام هذي اشوف كامري واقف عند طرمبة بنزين 95 ادعي ان الله يشيل عنه الوسوسه الزايده

شغال بتجاره و عندك شركات و دخلك ما تدري عنه عشرات الالاف او مئات الالاف بالشهر

عبي كيروسين حق الطائرات بعد

لكن معك سيارة شعبيه حتى التاكسي ما عاد يقبلونها لانها قديمه و تعبي 95 ليش


up 9 down 14
ابراهيم 78 -108
قبل 11 شهر



مشكور علي التجربه
معي 2008 وعبيت مره واحده 95
في فرق بسيط في العزم وكمان السرقعه تختفي مع 95
بس الفرق 35 مع الايام ممكن توفر قيمه مكينه


up 2 down 0
عمده33 1634
قبل 11 شهر



يعطيك العافية على التجربه انا زمان غيرت مكينة الفورد يطلع صوت صرقعه حولت من اخضر الى احمر اختفت ف نوع الوقود على حسب تصميم المحرك هذا اللي حبيت اضيفه على موضوعك الرائع


up 2 down 0
نواف الحربي4 336
قبل 11 شهر



عندي العكس الاخضر يمشي اكثر


up 1 down 2
mfh2009 226
قبل 11 شهر



كامري 2010 وتعبي 95  انا معي لكزس واعبيها 91 وماشيه امورها 
على رغم ان بنزينها في الكتلوج 95


up 2 down 3
akrm -12
قبل 11 شهر



الكتلوج يوصي با 91 او اعلى
المحطات عندنا مايجيك 91 او 95 ميه بالميه
ممكن 91يجيك 88 او 87 او 89
اما 95 يجيك 92 او 93
و اغلب المحطات ماتنظف الخزانات من يوم فتح المحطه
فا الافضل 95 مهما كان بالنسبه لب91 يضعف العزم و تقل المسافه


up 3 down 2
الطبيقي 199
قبل 11 شهر



يعطيكم العافيه جميعا 

وشكراً لكل من تجاوب مع الموضوع 

وبالنسبه لاخوي الطبيقي كلامك صح ١٠٠٪‏ 

وهذي كانت فكرتي عن البنزين عندنا 
ان ال 91 يعطيك 88 وال 95 يعطيك 93 

وبالنسبه للسياره مكتوب على غطا التانكي 
91 ولاداء افضل استخدم 95 

المشكله مو راضي يحمل صور ولا كان اضفتها 




up 0 down 1
m7md 33 748
قبل 11 شهر



أنا جربت كل موديلات الكامري

الكامري من 2007 إلى 2011 إذا غيرت البنزين من 91 إلى 95 تخسر 20% من العزم

معي 2013 وأول ما أخذتها كنت أعبي 95 وغير لـ 91 وما تأثر العزم ولا المسافة


up 0 down 0
أبو عبادة 4339
قبل 11 شهر



تسلم ع تجاوبك اخوي ابو عبادة واخوي ياسر 

وبالنسبه لموضوع العزم ممكن تقول انه نفسي

لكن انا موتري محد يسوقه غيري واعرف كل شيء فيه 

وفعلاً حسيت بفرق العزم ، والتسارع 

طبعا كلها دحدره مو من الصفر يعني مو قومه لان ماحب ادعس من الصفر 

بس كان في فرق تحس تجاوب الموتر اقل من اول 

وطبعاً كل واحد له وجهة نظر وتجارب 

انا كانت كذا تجربتي (: 

وممكن يكون الموضوع نفسي ع قولك وممكن يكون من السياره 



up 0 down 0
m7md 33 748
قبل 11 شهر



البنزين من 91 الى 95 بيفرق
وانا موتري 8 سلندر وواضح الفرق كبير


up 0 down 0
yousef511 -4
قبل 5 شهر و 3 أسبوع



صحيح يا اخ يوسف 

وشكراً عالضافه الجميله


up 0 down 0
m7md 33 748
قبل 5 شهر و 3 أسبوع