انتبهو على ابائكم من الشريطية
42
2
إضغط هنا للإخفاء
السلام عليكم كيف حالكم
مالكم في الطويل هذي سالفه صارت لي امس ومزعجتني وكاسر خاطري الرجال
طلعت من صلاة العصر . وافكر . هاه اشغل اوبر ولالا قلت يلا ناخذ مشوار على الطاير لان ماعندي شي .
جاني مشوار . رجال كبير با السن يبي المعارض ..
يسوالف علي تعرف لسيارات قلت له لا والله ماعرف كثير يعني شوي اعرف يعني اذا مسمكره صح السياره ماعرف وكذا.
قال دفعت عربون جيب لاند كروزر جي اس. تعال معي وبعطيك 200 ريال افحصلي الموتر وخلك معي قلت له ماعرف احد با المعارض ذي بس بوصف لك فحص فلبيني ممتاز قال تمام .
رحت المعارض وحسابني . وقال ماودك تشوف السياره قبل تروح . قلت مابردك يلا نزلنا .
نزلت الا صاحب السياره موجود ينتظر الرجال عند المعارض ومستعجيل . صاحب السياره ليس سعودي
قالي شف السياره الشايب كان يقولي اهم شي ماتكون قالبه السياره ..
شفت السياره . انا من بعيد عرفت ان الموتر مايسوى قرش واحد . قالب الموتر + مرشوش من كل مكان . ايرباق طالع والموتر مو جي اكس. جي فقط .
وصاحب الموتر يقول لشايب فحصت الموتر لك الصبح با الفحص الدوري ونجح يلا مايحتاج فحص خذه .
يقول الشايب بفحص يمكن قالب . يقول مايحتاج يابن الحلال الموتر نظيف .
انا اساكت افحص الموتر واتسمع له .. مسكت الشايب . قلت اسمع انت خالي اوك . قال تمام .
قلت وين راعي الموتر . والله مادري وين اختفى راعي السياره . المهم في 3 شريطيه دافع لهم الشايب سعي .3500 عشان يدورو له موتر . وانا انقهر زياده .
الشريطيه يقولو الموتر نظيف خذه مثل كلام صاحب السياره . جيت قلت وين النظيف .؟ هذا اييش . وهذا ايش .
والتنده ربلاتها مو موجوده وفيها معجبون . تقول نظيف . ؟ قالي ياخي اهم شي المحركات .قلت اسمع .
بدام شرط خالي فحص نبي نفحص الموتر وان طلع في شي ترجعو العربون 3000 ريال.+ السعي 3500. المجمووع 6500 ريال.
قال خلاص الرجال اعطاني كلمه .انه يبيه والسعي وزعنه قلت تدق عليهم الحين وتجيبهم . الله لا يهينك ولا الحكومه جاهز رقمه .
جاء الشايب وقال رجعو فلوس . مابي الموتر مارتحت . قال السعي راح . قلت ماشرينا الموتر . عشان يروح تجيبه الحين .
جاء الشيب وخرب الله يهديه . قال عطوني عربوني . والسعي عطوني 1000 ريال وخذو الباقي
كلمت الشايب مانفع قال خلاص راضي قلت يابن الحلال مايصلح قال برضاي خلاص قلت تمام
المهم طلع الشايب قلت تعال اوصلك قال بشوف المعارض .قلت تبي شي دق علي افحص لك الموتر الي تبيه ولا ينصبو عليك الشريطيه .
وسلامتكم .
الهدف انتبهو اذا عندك خال او عم او ابوك او احد من اقاربك كبير ماعنده ولد يسانده افزعو لهم. امس كان بيخسر 90 الف بس الله سبحانه ارسلني له لساعده . وسلامتكم .
سبحان الله
واستغفر الله .
اللهم صلى وسلم على نبينا محمد .
إبلاغ
الردود
وحسيبنا الله وحده في هالاشكال ، قلوب وضماير ميته ،
احترم شيباته اقلها ، او احترم ثقته فيك يوم يرسلك تدور موتر ، اعوذ بالله
6
0
3
0
2
1
اقسم بالله الظاهر لو أوصل زي الشايب ذا اني انقهر أخذ منه فلوس وهي من حقي
ف كيف اني اغشه والعب عليه عشان كم فلس لا ذمة ولا ضمير الله لايبلانا
والله يجزاك خير ما قصرت مع الرجال وكثر الله من امثالك
5
0
3
0
حسبي الله ونعم الوكيل ،،،،الله يبارك فيك ويكثر من امثالك ،،،،
اللي يقهر ليس سكت على باقي السعي والله كانوا بياكلونه بس جت على خير والحمد لله
0
0
بس وين موقع هالشريطيه حسبي الله عليهم بأي معارض ؟
0
0
1
0
علاقة حريم فقط المهم الحريم توسطوا ببعض وكلمني الولد الشريطي الصغير. ويظن اني مطفي النور
وانا كان هدفي يساعدني في صيده
المهم. قال الوالد عنده ٢٠١١ دبل. فيه رشات خفيفه. ب ١١٠. قيمته انذاك الفعليه ٨٠ الي ٨٥٠٠٠ وممكن اقل. هذا اذا قلنا رشات خفيفه
قلت بالله سكرت وقعدت اضحك. بعد فتره شافني انزل عند بيتهم مسايير. على تاهو ٢٠٠١٣. ماشي ٢٠ وعليه حمايات ودلع
باقل من سعر تاهوه ابو رشات. هذا وانا جايه واسطه. احذروهم قاتلهم الله انى يؤفكون. بلا يبلاكم شريطيه. خراطين
اخسوا خسيتوا ياتيوس الدنمرك. لارحم من جمعكم زلايب نصابين. الا من رحم الله. شوهتوا سمعتنا. هذا وانتم بخير. اجل لو احوالكم
الماديه ازفت. كان سرقتوا. انا حاجه اسمها شريطي. ما احبها. كذابين نصابين سرابيت متجمعين
وبس
3
0
0
0
يرفع الراس والله يجزاك الف خير على وقفتك مع الرجال.
والنصب والاحتيال موجود بكل مكان والشيبان الي بعضهم
على نياته ومايعرف شي. ينضحك عليهم يافي سياره
او تصليح سياره. او غيرها وهم على نياتهم مايعرفون.
الله المستعان
1
0
ياخوان نصيحة لوجه الله الي يفكر في المستعمل لاتشتري مستعمل الا من واحد تعرفه او من قسم المستعمل المعتمد للوكالات
صحيح اغلى بس نظيف وعليها ضمان سنة او سنتين وبعضهم يعطونك صيانة مجانية ومع ذالك افحص الحرص واجب
الي يبغى يشتري من المعارض او الي على الميكرفون بسبب الميزانية تفحص في مكان ثقة بعيدة عن الشريطية لانهم يتفقون مع محلات الفحص
هذا اذا ماكانت ورش الفحص لهم ونادر جدا تلقى النظيف الشريطي يحسب انه ذكي يوم يستغل الضعيف او الي ماعنده خبره
مايدري ان ربي احتمال يسلط عليه مرض او في عياله او ينكد عيشته او يسبب له الفقر هذا غير عذاب الاخرة عشان قروش نهايتها الزوال وغير دعوة المظلوم
1
0
0
1
مع اني لو نزلت معاه باخذ له الانظف والاحسن بس ماقلي
وطلع اكبر نصاب ضحك على اخوي بتاهو مستعمل ماشي فوق 200 الف وقيمته دبل
ويوم شفته مع اخوي ضاق صدري مرشوش ومقاعده مشققه والقير يفوت
اللهم ركب له زنن عالي وواطي ههههههه
ولاحبيت اكسر فرحته
1
1
بلا مستعمل بلا وجع راس
0
0
قبل 6 سنه و شهر