أضف سؤال أو موضوع جديد          

هل يحق لي الاعتراض

up 3 down 10
محمد حديش -11
قبل 9 شهر و 2 أسبوع



لسلام عليكم ورحمة الله .انا صار علي حادث والخطا عليه 100 % لاني عاكس الخط وجتني المطالبه بمبلغ 8 الاف ريال وسيارة الطرف الاخر فورد موديل 2000 يعني قيمتها ماتوصل 10 الاف ريال ف سؤالي هل استطيع الاعتراض على المبلغ واعادة التقدير ام لا علما باني لم اكن موجود عندما قم الطرف الاخر بالذهاب للورش وتقديرها







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ما اتوقع والله اعلم يقبل اعتراضك لان أسعار قطع الفورد قطعها غالية بالأساس ولو كان موديلها قديم او سعرها كذلك رخيص ولكن لو تقدر تحولها الى شيخ المعارض وهو الحكم افضل لان التسعيرة راح تنقص ولكن صراحة فيها ظلم لان سوف يدفع الطرف الآخر مبلغ إضافي من جيبه وهذي لا احد برضاها مهما كان. وعموما اتمنى ان تحل بمبلغ يرضي جميع الأطراف  والله يوفق الجميع عموما  


up 2 down 1
طبعي غير بعض البشر 48
قبل 9 شهر و 2 أسبوع



موديل ٢٠٠٠ حسب النظام ياخذ قطع من التشليح ا تجاري انتبه لايكون تسعيرته على الاصلي ففي هذه الحالة يحق لك الرفض والاعتراض حاول ادخال شيخ الورش وشيخ المعارض في الموضوع وخليهم يسعرون السيارة قبل الحادث وبعده


up 4 down 10
محب السنه 221
قبل 9 شهر و 2 أسبوع



الحمدلله على السلامه

انت اساسا عاكس الخط خلاص اقترفت ذنبا فتحمل عواقبه وخلي الخطأ درس لك وعبرة احمد ربك ما صار إصابات او وفيات الفلوس تروح وتجي


up 12 down 6
nissan200 89
قبل 9 شهر و 2 أسبوع



يحق لك الاعتراض على التسعيرات

اطلب تقدير شيخ المعارض

الرجال شكله بالغ في التسعيرات من القطع والورش


up 3 down 1
أبو عبادة 4274
قبل 9 شهر و 2 أسبوع



ممكن الفورد شد بلد والتقديرات حسبوا له قطع اصليه وهذا الاقرب للصواب


up 2 down 0
الحميدي وليد 121
قبل 9 شهر و 2 أسبوع



يحق لك الاعتراض وطلب تقييم القطع بالتالفه بسبب الحادث
حيث اذا كانت اصلية تسعر انها اصلية و اذا تجاريه تسعر على انها تجاريه

مايسعر لك التجاري بسعر الاصلي ابداً 



up 1 down 0
xpoldx 1430
قبل 9 شهر و 2 أسبوع



يعكس الخط ويصدم الناس ويستحقرهم بعد !
الله يمحي اشكالك


up 10 down 3
احمد 170 299
قبل 9 شهر و 2 أسبوع



ايه اعترض قل للمرور يحولها للمحكمه او اسأل محامي الطريقة اذا انت متاكد ان التسعيره مبالغ فيها ماهو عشان تماطل


up 1 down 1
298
قبل 9 شهر و 2 أسبوع



اناصار لي مثل سالفتك زمان
كنت واقف عند محلات تجارية على شارع خدمة ورجعت ريوس بدون ماانتبه وصدمني مرسيدس 87 رجعني للموقف اللي طلعت منه هههههه
المهم نسبة الخطاء علي 75% وعلى صاحب المرسيدس 25%
طلع تقدير اصلاح المرسيدس 7000 ريال وكلموني المرور قالوا تعال الرجال قدر سيارته
يوم وصلتهم قالوا هاه تدفع ؟؟ قلت الشكوى لله بدفع نط رئيس رقباء( الله يسعده دنيا وأخره ) قال صاحي إنت وإلا مجنون وإلا فلوسك واجد؟
قلت ليه ؟ قال ياحبيبي السيارة كلها ماتسوى 7 الألف لاتدفع
حنا كلمنا الرجال وهو بيجي بعد شوي اذا جاء قول له أبغى تقدير شيخ المعارض :)
قلت أخاف يطلع تقديره أكثر من 7 الألف وابلش
قال ماعليك انا اتحملهااذا طلعت أكثر
المهم يوم جاء الرجال انا اصريت على شيخ المعارض وانا متردد بصراحه كنت خايف يطلع تقديره أعلى
مالك بالطويلة الرجال راح وقدر سيارته عند شيخ المعارض وجاب ورقة بـ 3100 ريال والـ100 حقت السطحه بعد
بعد ماكنت بدفع 7000 دفعت 3100 ووالله مافيها ظلم لصاحب السيارة لأن الضربة عنده في الكفر الأمامي مع الرفرف يعني مو مستاهله 7000 ريال


up 5 down 0
..original 187
قبل 9 شهر و 2 أسبوع



دامك عاكس خط لو تطلع اصلاحها مليون تدفع وانت ساكت احمد ربك منت بالتوقيف الان


up 1 down 3
benz lover -81
قبل 9 شهر و 2 أسبوع



حتى لو كان عاكس هذي مخالفه مروريه يخالف عليها 

لكن مايحق لك انت واياه تظلمونه باكبر من جرمه 

جرمه كان عكس سير فيستحق العقوبه المقدره نظاماً من غرامة وحجز مركبة وسجن 

ايضاً يدفع تكاليف الاضرار اللي تسبب بها 

فيكون رادعاً له 

والدولة اقرت نظام وطبقته 

ومايجوز لك تظلمه بعقوبه اكبر من جرمه 

فالله سبحانه قال اني حرمت الظلم على نفسي وجعلته بينكم محرماً 




up 3 down 1
xpoldx 1430
قبل 9 شهر و أسبوع



نصيحه ادفع للرجال تقديره وفك نفسك من دعوة منه عليك في جنح الليل ليس بينها وبين الله حجاب
الرجال سعرها بطريقته وسيارته وهو ابخص بها
انت ماتدري عن الرجال يمكن دم قلبه على السياره ومايركب لها الا اصلي
حرام تظلمه بتسعيرة قطع تجاريه وانت السبب الرئيسي في الحادث


up 2 down 2
معرض المئوية 194
قبل 9 شهر و أسبوع



الاغلب يروح للورش ويشوف اكثر تقدير لقيمه التصيلح ثم يجيك على العموم قول ابي تقدير شيخ المعارض لان السعر غالي ومن حقك محد يقدر يولك لا لاني اشوف المبلغ قيمه السياره كامله


up 0 down 0
الوافي-999 -4
قبل 8 شهر و 3 أسبوع