أضف سؤال أو موضوع جديد          

لا أحد يستطيع أن يتحمل قراراتك الخاطئة

up 12 down 11
عبدالله 8799 94
قبل 9 شهر و 2 أسبوع



تجد أحدهم يشتري سيارة بـ 70 ألف ريال مثلا
وبعد شرائها بعدة أشهر يعرضها للبيع بـ 69500 ريال
وهذه ليست مبالغة ، البائع يريد التخلص من سيارته المستخدمة على حساب الآخرين
تذكر يا عزيزي أن لا أحد يستطيع أن يتحمل قراراتك الخاطئة
تنازل عن بعض المبالغ للتخلص من سيارتك التي قمت بشرائها بالخطأ

كذلك بعض من يشترون سيارات بنظام الإيجار المنتهي بالتمليك
يدفع مقدم 10 آلاف ريال
ثم يندم بعد الشراء
يعرضها للتقبيل ويطلب 7000 ريال للتقبيل
وهذا فيه تحميل للآخرين خطأ قرار الشراء وكويس لو وجدت من يتقبلها ويجب عليك تحمل خطأك







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


كلامك صحيح الى درجة بعضهم يعرضعا بفرق اقل كن ٣٠٠٠ عن سعر الجديد وهي ماشية فوق ١٠ الاف كم بحجة انه سوا تضليل وتكييس الخ
لكن السوق مليان وتحصل اللي تبي بالسعر المناسب ولكن عليك بالصبر

وعلى النقيض البعض يبي سيارة شبه جديدة وموديل السنة ونظيف وبنصف سعر الجديد


up 4 down 2
دكتوراه في الحب 160
قبل 9 شهر و 2 أسبوع



وفيه بعض السومات اكيد مرت على كل شخص اعلن عن سيارته وهي صراحة حركة غبية من بعض الناس او من بعض الشريطية

تعرض سيارة مثلا تسوى ٤٠ الف باتفاق الجميع ويجيك البعض يسوم ب ٢٠ الف بحجة اني اسوم على قد فلوسي

طيب يالحبيب انا ماني جمعية خيرية ابيعك سيارتي بنص سعرها اذا فلوسك ماتكفي

باختصار سوم بفلوسك سيارة على قدها مو تبخس حلال غيرك بحجة انك تسوم على قد فلوسك


up 8 down 4
دكتوراه في الحب 160
قبل 9 شهر و 2 أسبوع



اللي يدفع دفعة اولى ينساها خلااااص بعضهم يذي الذكاء تلقاه دافع ٥٠ يبي ٤٥ ان جتك ١٠ احمد ربك


up 3 down 0
benz lover -81
قبل 9 شهر و 2 أسبوع



لا ياعزيزي اختلف وياك
هي ليست قرارات خاطئة مثل ماتفضلت
هي شغلة رغبات ياعزيزي
ممكن واحد اشترى سيارة  بناء على كلام الزملاء أو مثل مايصير هنا في المنتدى اذا احد طلب إستشارة عن سيارة مناسبة بحدود مبلغ معين
فهذا ماهو معناه انه اخطاء ولكن هو ماناسبته السيارة سواء من ناحية الاستخدام او الصيانة او الصرفية او غيرها
عكس واحد ثاني يشوف انها افضل ما انتجت الشركة  
وماهو خطاء انه يبيعها بالعكس حقه يبيعها طالما فيه معارض وحراج للبيع والشراء 
ولكن انا وانت غير مجبورين بالشراء منه اذا سعره مبالغ فيه
وخله على ماقالو سيارتك معك ودراهمي عندي
راعي السيارة هذا صحيح ماوده بالخسارة وأنا وانت نفس الشي
ولكن السوق هو من يحكم  السعر وإلا مايجي وقت ويقتنع ان سعره مرتفع ويقبل بالخسارة 


up 9 down 4
hussain4 808
قبل 9 شهر و 2 أسبوع



لان الاغلبية يشتري بدون مايجرب او يستأجرها يسمع الناس تمدح يروح يشتريها المشكلة انت شاري سيارة مهي جوال
عشان تقول بشتري وماراح اندم ومكاتب التأجير ياكثرها ياخي حتى الوكلات عندهم تجربة سواقة جرب ولاتتورط اغلبهم يشتريها
وماعجبته المقاعد مهي مريحة او مثلا العزل ماعجبه وبعدها يعرضها للبيع المشكلة مو هنا المشكلة اذا جاه واحد واشترا السيارة
ويقدر يطلع جديدة والفرق 3 الاف او 5 وتقدر تشوف قسم المستعمل عند عبداللطيف جميل يارس فل ب 52 الف مستعملة وجديدة ب 55 الف


up 2 down 0
xviper 121
قبل 9 شهر و 2 أسبوع



وجدت شخص بالمنتدى عارض مازدا6 2017 مستعمله باعلى من سعرها بالوكاله وهي جديده
وحينما استفسرنا عن سبب تسعيرتها الغير معقوله كان جوابه ان الوكاله تتاخر شهر حتى تجيب لك سياره

بصراحه من كثر اتعلقيات المضحكه عليه من الاعضاء اضطر الي حذف اعلانه


up 2 down 0
fanar1 566
قبل 9 شهر و 2 أسبوع