أضف سؤال أو موضوع جديد          

كيف اضمن حقي في بيع الاقساط

up 1 down 1



السلام عليكم

عندي سيارة رجال بيدفع اكثر من نص قيمتها كاش باقي حاجة بسيطة قال بعد شهر


هل اروح لمحامي وشهود ولا كيف الطريقة جزاكم الله خير







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


نصحيتي لك لاهاذي ولا تلك

بيع سيارتك كاش افضلك وأحفظ لكرامتك 

الا اذا كنت تعرف الرجال زين وتثق فيه

او ماعندك مشكلة بمراجعة المحاكم

ولا أشك بالرجل ولا أتكلم عنه بسوء لكن اذا ماتعرفه زين خذ حذرك


نصيحة اخ مرمطة وقلق وشهر تاخر وشهر ماعندي فلوس يعدم لك السيارة ويرميها لك ويقولك ما اقدر اسدد 

ابتعدددد


up 1 down 1
benz lover 167
قبل سنه



بيض الله وجيهكم ماقصرتم


up 1 down 0



والله ما انصحك ابدا مهما كان الشخص طيب ، قد صارت لواحد اعرفه مرمطه مع الاقساط 

اذا يبي يشتريها منك خله يجمع نص المبلغ الثاني وياخذها كاش اضمن لحقك


بسيطة
اول شي استخير الله
ثاني شي يكون بينك وبينه ورقه فيها شهود وفيها انه اذا ماكمل الاقساط في مدة معينة تباع السيارة ويسدد الي لك واذا فيه شي
زايد ياخذه حلاله.
ثالث شي انك ماتنقل السيارة بإسمه إلا لما يخلص الأقساط , تدخل على أبشر وتسوي له تفويض سائق فعلي بحيث كل المسؤولية
والمخالفات تجي عليه ماهو عليك.


اذا هو قريب لك
او بينكم نسب
لاتبيعه اقساط
لانها بتخرب العلاقه الا ان يشاء الله
اذا معرفه بسيطه تقدر تاخذ عليه شيك
و شهود
لاكن الافضل لك مثل ماتفضل الاحبه
بيعها كاش وريح راسك
الاقساط تبي طولة بال وتحمل الناس
خاصه الان قل من يسددد
بيع كاش نصيحه


up 1 down 2



الباب اللي يجيك منه ريح سده واستريح ما قد جربت بيع اقساط لكن من العنوان واضح ان وراه دروشة وبلاوي من رأيي المتواضع يا كاش يا بلاش طاح الحطب رفعت الأقلام وجفت الصحف


up 1 down 1
ryyan555 687
قبل سنه



انا مع راي الشباب ابعد.عن وجع الراس
اما اذا بتقسطه لا عقود ولا غيره تقدم او تاخر
خذ منه كمبياله او سند لامر يوقع عليه ويبصم
بدون تاريخ واتفق انت وياه اذا لم يسدد خلال تاريخ كذا برفع الكمبياله للمحكمه
ابعد عن الشيكات مشاكلها كثيره او خذها بدون تاريخ


up 1 down 1
meem34 182
قبل سنه



شبك بالمبلغ كبياله او شهود
ورقه مبايعه
السياره بسمك وسوله تفويض


up 0 down 1
nof55 15
قبل سنه



الجمايل بالوقت ذا ماينفع يايدفع كاش يا زحلطن


up 0 down 2
yasser77 664
قبل سنه



ذهبت المورءه بين الناس ونحن السبب
هذا حسب تقتك بالشخص الي بيشتري واهم شي يكون فيه كفيل غارم

اذا قصدك تصلح معروف مع المشتري بسبب وضعه ومنت محتاج السيارة
توكل على الله

اما اذا قصدك الربح فرق البيع عن الكاش راح تتنازل عنه اذا ما
قدر يسدد بتضطر تتنازل عن جزء حتى تاخذ الباقي هذا ناهيك عن
وجع الراس والمطارده



up 1 down 0
ra3d777 403
قبل سنه



المورءه = المروءه


up 0 down 1
ra3d777 403
قبل سنه



اضمن شي بيدك !


up 0 down 1
tttt35035 920
قبل سنه



ياغالي قسط بشرط تبقى سياره باسمك وتسجله اسم مستخدم وقتها تضمن حقك وبنفس الوقت تخلي مسئوليتك وسجل عليه كمبيالات وخلاص


up 0 down 0
آبو فرح 2
قبل سنه



كمية سوء ظن عجيبه في التعليقات. الرجال دافع فوق نصف قيمتها وباقيله شهر واحد. وفوق هذا تقولون محاكم ومحامين ومدري ايش. خلوه يسهل للرجال تلقاه محتاج لا تقطعوا ارزاق ناس ما تجري يمكن يحتاجون سياره وعندهم عائله يا موسوسين الله يكفينا شركم


up 0 down 0