أضف سؤال أو موضوع جديد          

ضعف العزم وتفتفه كامري

up 4 down 0
mohammed alharbix 14
قبل 3 شهر و 2 أسبوع



السلام عليكم جميعاً

عندي مشاكل متعبتني لها فترة ، السيارة كامري ٢٠٠٦ - أوتو - ٤ سلندر

أبسرد المشاكل على نقاط عشان تكون واضحه ، تكفون اللي عنده خبره بهالموضوع يفيدني الله يسعدكم جميعا

١. لما أدعس على البنص والسياره واقفه ، ماتقبل على طول ، يصير تفتفه وبقبقه ببداية الدعسه قدام وبعدين ينطلق عداد الضغط وتصير طبيعيه ،واذا دعست على البنص بشكل تدريجي مايكون فيه مشاكل ، يعني المشكله تظهر لما ادعس بشكل قوي

٢. لما أكون ماشي ومثبت الدعسه على ٨٠ او ٩٠ ، تصير في زي النتعه المستمره بشكل خفيف جدا ، ولما اشد على البنص ، تعطي نتعه قويه مره واحده فقط وتروح المشكله وتصير طبيعيه، وهكذا

٣. العزم مش ولا بد ، لما ادعس بالسياره ، صوت المكينه عالي جدا تحس انك راكب سيارة بتطير من قوة العزم ، لكن الحقيقه صوت بدون عزم هههههه

٤. نزول ضغط المكينه مع نفضه والسياره واقفه - تزيد مع المكيف + الريوس ، عاد هنا تحس بتطفي السياره


# رحت لأكثر من ورشه ، اللي يقول كويل ،و اللي يقول تنظيف بخاخات ، واللي يقول تنظيف بوابة ، كل واحد يضرب من راسه وتوهقت

--

أتمنى إني قدرت أوضح المشاكل وأتمنى منكم المساعدة ، ولكم كل الشكر والتقدير







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وعليكم السلام ورحمة الله 

قد سويت تصفيه للسيارة من قبل؟


up 0 down 0
ابو حسين.......... 610
قبل 3 شهر و 2 أسبوع



السلام عليكم

معي كامري 2008 ، وكان بها مشكله معد الدعسه الشديده تحس انها بترج وبتعمل هوو هو هو هو ، وكانت المشكله من حساس الشكمان
راجع موضوعي - وفي فيديو للمشكله ، وانت لو عايز تتأكد ان المشكله من حساس الاكسجين جرب افصله وجرب السياره بدونه



up 1 down 0
عمده33 1618
قبل 3 شهر و 2 أسبوع



الله يسعدكم على الرد

# اللي سويته فقط إني سبق ونظفت البوابه + غير فلتر الهواء + غيرت البواجي + نظفت حساس الهواء ببخاخ إلكتروني
لكن تصفية كامله ماعمري سويتها للأسف لقل الإمكانية المادية

# المكشلة يا عمده تختلف عن اللي كانت عندك ، انا الدعسه عندي تقطيع مع صوت زي البقبقه في المقدمه في البداية فقط لثواني وبعدين يرتفع الامبير بشكل طبيعي


up 1 down 0
mohammed alharbix 14
قبل 3 شهر و 2 أسبوع



محد يقدر يعطيك المشكلة بالضبط الا بعدما يفحص السيارة
فيه ورش متخصصة تعطيك المشكلة بالتحديد وعندهم سوفت وير حق المصنع نفسه ماهو فحص كمبيوتر عادي


up 0 down 0
chevrolet zr1 705
قبل 3 شهر و 2 أسبوع



يمكن حساس الهواء خربان باين انه عندك بنزين زايد 
او هوا زايد انت افصل حساس الهواء شف اذا ما اختلفت 
السيارة فمعناته هو خربان 


up 0 down 0
qahtani.505 288
قبل 3 شهر و 2 أسبوع



نفس اعراض حساس الهوا 

اذا وقفت والسياره شغاله شوف ضغط الهوا 
اذا ماهو ثابت يطلع وينزل فهذا حساس الهوا اذا
خربان يسوي كذا احياناً مايفيد معه التنظيف 



up 0 down 0
سبحان الرازق سبحانه 2453
قبل 3 شهر و 2 أسبوع



الحل بسيط جداً
أولاً/ تنظيف حساس الهواء "الابرة" مكاني فالخرطوم الموصل للثروتل
طف السيارة وافصل السلك وافتح البراغي ونظف الابرة ببخاخ الكترونيات

ثانياً/ اختبر الكويلات ممكن واحد منها عطلان أو ضعيف
افتح الغطاء البلاستيكي اللي فوق المكينة
وشغل السيارة وقم باختبار الكويلات افصل سلك كل كويل لحالة
اذا تغير صوت المكينة وبدأت ترج عند فصل الكويل معناته الكويل شغال ولا فيه مشكلة

الكويلات تحصلها عند محلات بيع المكاين الحبة من 30-50 ما تزيد
ارخص من سعر الوكالة ونظيفة 
مركبها عندي ولها اكثر من سنتين شغالة بدون مشاكل
اذا هذي الحلول ما نفعت معك بيكون عندك حساس الاكسجين يحتاج تبديل




up 3 down 1
ابو محمد الجنوبي 99 11
قبل 3 شهر و 2 أسبوع



الله يجزاكم خير على الردود الطيبه

والله أفدتوني جدا الله يسعدكم ، وإن شاء الله راح أبدى فيها وأوافيكم بالنتائج


كل الشكر


up 0 down 0
mohammed alharbix 14
قبل 3 شهر و 2 أسبوع