هل تنصح بشراء سيارة جديدة في هذا الوقت؟

الجديد ماهوب بنازل وانا اخوك والمستعمل الناس معية تبيع ماعندها كاش عندك قدرة الجديد اشتري ولا تنتظر شي ابد 

والله لا الشوارع ولا الزحمات تساعد على شراء سيارة جديدة بذا الوقت

وعليكم السلام

ثلاثة شهور ماتوقع بيكون فيها نزول
رأي اشتري ولاتنتظر بعدين كم بيكون النزول لو حصل نزول؟؟ شيء بسيط مايسوى انتظار ثلاث شهور

الكامري نزلت الفين اول ب٨٢ الى ٨٠
لكن طلع التانكي صغير يمشيك ٧٥٠ بالكثير
فما فيها ذيك التوفير عن غيرها
المشكلة بالضريبه ان ال٨٠ فيها ٤ الاف غير التأمين و اللوحات
فالحل الاتجاه لسيارات اصغر و ارخص و الضريبه عليها تكون معقولة
او المستعمل طاح اكثر و اكثر بانتظار سواقة الحريم
ممكن تزيد اسعار السيارات الصغيرة الرخيصة

مافي أي مؤشرات على نزول الأسعار قريبا. يمكن العكس. الفرصة اللي كانت موجودة هي على اخر 2016 و بداية 2017 نزلت بشكل ملحوظ. لأن كان في تكدس سيارات والعرض اعلى من الطلب وكالة نيسان كان عندهم سيارات مخزنة من 2014 مو عارفين يصرفوها.
اتذكر سوناتا 2400 ب 65000
اوبتما 2400 ب 60000
التيما ب 57000
كادينزا 3500 ب 75000 ومواصفات اساسية روعة والان صارت ب 86000
جينيسس 2014 مخزنة ب 80000
شوف الان مع الضريبة الناس تشتري و موديلات 2018
يمكن الامل الوحيد هو انتظار عروض رمضان.

كل تاخيره فيها خيره
+
برمضان دائما تنزل عروض السيارات

اشترا الي يناسبك سوا جديد لو مستخدم

العمر يمشي والدراهم بتروح سوا اشتريت او لا

السلام عليكم

حسب حاجتك للسيارة اذا ما عندك سيارة تبي تقضيها اجار بتدفع فرق النزول
لكن والعلم عند الله بصير فيه نزول بالاسعار لان الطلب قل
وهامش الربح عندنا كبير الوكالات اكيد بتنزل المشكلة ما في عندنا احصائيات

ولفت انتباهي نزول اسعار سيارات بريوس الهجينه تقريبا ستين الف الاستاندر
بحت في المواقه وجدت انه بريوس الجديده الي بتنزل تكون اقل صرفيه من
الحاليه وزيادة سعة البطاريه والمسافة المقطوعه

يعني في نزول لتصريف القديم تمهيد لتقنيه جديده ونسميه عروض
وعندك الكوري وهونداي وكيا اتوقع بصير عروض على المديلات الحاليه
لانها مضطره بالموديلات القادمة تقلل صرفيه البنزين يعني بصير تغير
على المكينه والقير

والله اذا عندك سياره تمشي الحال خلك عليها وتابع أسعار السياره الي تبيها و إذا نزلت خذها

مثل الكامري 2016 اول مانزلت ب 91 الف وبعدها ب 6 شهور وصل سعرها 79 بالمعارض وقبل 3 شهور حصلت 2017 فل كامل بصمه وخرائط وارباقات ب 78 الف سعودي وفيه خليجي يجي جلد ب 79 الف

اشتري سيارة مستعملة استعمال بسيط بتحصل
فرق كبير جدا بين سعرها الجديد و المستعمل. 

برمضان تحصل صيدات بالسعر وعروض واذا تبي شي لك وللزمن تويوتا مستعمل استعمال حشمه والباقي بجيبك ماتدري عن ضروف الوقت

أشكر الجميع على التفاعل والمشاركة
الموضوع فعلا محير نوعاً ما ولاتدري اش اللي بيصير مع الوضع الاقتصادي بشكل عام
بإذن الله تعالى تتيسر الأمور والله يكتب مافيه خير

تحياتي للجميع

المهم انتبهوا يا شباب من عروض التأجير من الوكالات
لو بدون دفعة اولى
الدفعة الاخيرة ٣٥% من قيمة السيارة
يعني بتكون اغلى من قيمتها مستعملة بعد تقسيط ٥ سنوات
خصوصا" السيارات الصغيرة
فالافضل اللي منحد على التقسيط
بدون دفعة اولى و دفعة اخيرة بالكثير ٢٥% مبلغ شوي معقول