أضف سؤال أو موضوع جديد          

تشغيل اسطب الشنطه مع الفرامل

up 2 down 7
hossam 6724 299
قبل 5 شهر و 3 أسبوع



السلام عليكم ورحمة الله
كيف حالكم عساكم طيبين باذن الله
ومساء الخير على الجميع

انا من قبل مسوي تخريم لاسطب الشنطه والسيارة كامري 2016
ومركب لمبه وموصل الأسلاك مع السكن حاليا شريت لي طقم لمبات ليد مادري ايش اسمها اذا ماخاب ظني اوسرام أو فلبس
اخذت الطقم 4 لمبات ب 300 ريال والحين ركبت حق لمبات الاسطبات باقي اسطب الشنطه بركب له اللمبات بس ابي اوصل له مع الفرامل يعني اذامسكت فرامل تشتغل مثل الاسطب ويكون شغال الناعس
واللمبات خطين خط ناعس وخط فرامل

الي يعرف الطريقه يفيدني

بفصل مفتاح ريموت اسبير السياره اجار منتهى بالتمليك ومفتاح الريموت الاسبير مع الشركه عطوني واحد بريموت واحد بدون ريموت انا خذيت الريموت ب 300 من الموقع باقي البرمجه بكم يتبرمج وانا فريت محلات المفاتيح اكثرهم يقول ب 250 برمجه







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


بالنسبه للشمعات خذ نفس مقاس حقت الرفرق (خطين)
ولو تبي تعرفه افتح كتالوج الوكاله وعلى الاغلب انه 1157 دامه فرامل ونعاس
بالنسبه للمبة الشنطه اذا قاعدة الشمعه الي مركبها انت نفس قاعدة شمعة الرفرف فخذ نفس نوع الشمعات وتاكد ان الفيش موصول له ثلاث اسلاك (ارضي, نعاس, فرامل) واذا موصول له سلكين بس جيب سلك ثالث واربطه مع سلك الفرامل

بالعربي لو لمبة الشنطه الي مركبها الحين شغاله مع الفرامل خذ لمبات خطين واترك الكلام الي قلته لك قبل شوي


up 1 down 0
azee3z 243
قبل 5 شهر و 3 أسبوع



توني مستوعب انك شاري لمبات من اول (:!
اسف ع الفلسفه

الحل يا صاحبي انك تشبك سلك مع خط الفرامل الي بالرفرف وتوصله لفيش لمبة الشنطه


up 1 down 0
azee3z 243
قبل 5 شهر و 3 أسبوع



بالنسبة للمبة مر الكهربائي يسحب الخط من اللمبة على الشنطة حتى يوصل لمجموعة الأسلاك الرئيسية ويشبكها مع خط لمبة الفرامل.

بالنسبة للبرمجة ابحث في النت واليوتيوب ممكن تلاقي الطريقة وإذا ما لقيت الله يعينك تمر محلات برمجة المفاتيح وترمجه عندهم


up 1 down 0
أبو عبادة 4154
قبل 5 شهر و 3 أسبوع



البرجه هذي اسعارهم
لكن كاسرهم
وانت غلطت مثل غلطتي
شريت ريموت من الوكاله
ورحت عند حقين المفاتيح اغلبهم250الى200ريال
اخر شيء كاسرتهم وبرمجوها180ريال
الخلاصه لاتشتري ريموت من شخص عادي
او حتى من الوكاله لانه بيطلع عليك غالي وفوقها بتدفع حق البرمجه
هذي كانت غلطتي
اللحين لو ابشتري ريموت ابشتريه من حقين المفاتيح
سعر رخيص وشامل البرمجه او ياخذ مبلغ بسيط ويبرمجه


up 2 down 0
d7ooom777 442
قبل 5 شهر و 3 أسبوع



المهم اعمينا في الزحمه


up 0 down 1
mohammed.199 91
قبل 5 شهر و 3 أسبوع



يعطيكم العافيه ياخوان
محمد المقصد مو اعمي احد بالعكس بركبها عشان الي بالخلف ينتبه وعشان الشكل اما لو تعمي بشيلها ولا يهمك


up 2 down 0
hossam 6724 299
قبل 5 شهر و 3 أسبوع