وش افضل مكان تغيير زيت -- تويوتا

عندك ون ستوب شغلهم مثل البناشر عادي لكن تستخدم زيوتهم
فوكس زيوتهم ممتاز 5w30 اما باقي اللزوجات ماتصلح

عندك كويك لين تبع فورد الصيانه السريعه
يستقبلون اي سياره مو بس فورد
زيوتهم ممتازه موتر كرفت نصف تخليقي
يعني تغيره كل 8 الاف عن نفسي اغيره كل10الاف
شغل يدهم غاااالي60ريال غير سعر الزيت والفلتر
طبعا الفلاتر صينيه نفس حقت بترومين لكن اعتقد
تقدر تقوله ابجيب الفلتر من برا لان مره قالي ماعندنا
فلتر لسيارتك جب واحد من برا
اهم شيء انتبه من زيت كاسترول10w30الي عندهم
اذا تبي هذي اللزوجه حط موتركرفت واذا تبي لزوجة5w30
حط موتركرفت او كاسترول براحتك
كويك لين ماجربتهم فقط سعرت عندهم التغيير
اشوف شغلهم افضل من ون ستوب بكثير
بس عن نفسي افضل ون ستوب لانه ارخص منهم
والشغله كلها تغيبر زيت ماهو علم ذره عشان ادور شغل زين وغالي

اقصد لزوجة10w30كاسترول جي تي ماتنفع خذ موتركرفت
اما لزوجه5w30 كاسترول ماجتينك اعتقد اسمه كذا
ممتاز وموتركرفت ممتاز

شكرا اخوي
انا موتري جديد 2018 وزيت تويوتا الوكالة يقولون 10/40 يمشي 10 الاف

عني انا اشتري زيت من محلات جملة على شارع علي بن ابي طالب مع تقاطع شارع المدينة
واقوم بتغيرة بنفسي في بيت

اذا عندك مكان بالحوش غيرها بنفسك شغلتها سهله انا محصل بنشر يغير ب15 لكن على اطراف الرياض

وسط المدينه مافيه غالين

كنت بقولك غير بنفسك ولكن بعد قرائتي لموديل سيارتك اسحب كلامي لان كنت فاكر سيارتك مديل قديم
اما مديل جديد م افتيك

السيفون خذه من الوكاله والزيت عند البنشري يغيره قدامك
والله يعينك على سعره لأن الصاجات فكها متعب هذا لوتبي
تغيره بنفسك

المشكلة انك تدور على الضمان لو صار شي في السيارة في البنشر مامعك ضمان وبتورومين ماعندهم غير العلب الحديد بي وهذا الزيت موتخليقي وثقيل على المكينة وباقي انواع زيوت تويوتا الشركة رافضة توزع على الوكيل مثل بتورومين