افضل ورشه في صناعيه العاصمة الرياض - تنظيف بخاخات كمبيوتر

والله ياخوك صناعية العاصمة فيها مراكز ولكن ماتضمن الافضل رح للصناعية القديمة مختصصين وقديمين

مع انه مشوار والعاصمة اقرب

بس قالولي ناس كثير روح للصناعية القديمة

لاهنت اخوي وش افضل مكان في الصناعية القديمه مجرب

بغض النظر وين بتنظف البخاخات

المهم الورشة تكون فاهمة

فيه نوعين للتنظيف:

1- يشبك البخاخات بمكينة تضخ داخلهم بنزين بضغط عالي عشان يطلع الوصخ, وهذي الطريقة خطأ لأن الوصخ بتجمع بفتحة راس البخاخ.

2- يفرط البخاخ كامل، وينظفه وهو مفكوك ويركب له ربلات جديدة، وهذي هي الطريقة الصحيحة.

والله تعالى أعلم.

عندك ورشه الشامل  بصناعيه العاصمه شغلهم ممتاز عندهم فلبينيين ممتازين 
وترا هي ثلاث فروع الاول عند بدايه مدخل الصناعيه والثانيه بعدها ب ٤ ورش والثالثه 
وهي الافضل من بين باقي الورش بعد الورشه الثانيه ب يمكن ٥ ورش بالاخير ما بعدها الا وادي نمار وكلهم على نفس الشارع  
ادخل الورشه الثالثه واسئل على فلبيني اسمه (كريس) هذا كبير الميكانيكيه عندهم وكل فروعهم ترجع له بالاعطال الكبيره

اخوي نديم بيض الله وجهك ولايهونون الاخوان وكثر الله من امثالك