أضف سؤال أو موضوع جديد          

أدب الشوارع

up 28 down 13
دكتوراه في الحب 156
قبل 3 شهر و أسبوع



السلام عليكم




بما أن المنتدى ركود هالايام قلت أنزل هالموضوع كدردشة وعسى نستفيد من ملاحظاتكم




للتنويه أنا لست أفضل من غيري وجل من لايخطيء




نجي مبدئيا للمساقط بالسيارات 
مايسقط علي مايدخل قبلي مايلف قبلي وهاذي تكثر غالبا عن المداخل والمخارج وعن اليوتيرن والادهى والامر اللي اذا شافك دقيت اشارة تبي تدخل للشارع الفرعي جاك داعس ويأخذ اقصى اليمين وشوي ويدخل الشاارع الفرعي من شدة الحرص انك ماتروح يمين قبل يتعدى معاليه وكأن المسألة فيها شرف ورجولة 




الثاني اللي يقفل على سيارات الشعب وينزل يفطر في مطعم مزدحم لا أنت اللي فكيت الناس من شرك ولا أنت اللي تهنيت بفطورك




والثالث اللي يمشي ويرمي الاكياس وعلب العصير بالشارع .. ترى الشارع ماهو زبالة يامعاليك لا ويتذمر إذا شاف الشارع او اي مكان عام ماهو نظيف




والشي اللي كلكم تلاحظونه أن أغلب الشباب قمة في الادب إذا قابلته بمكان مافيه سيارات اذا شاف معك أكياس كثيرة او معك طلب من المطعم يفك لك الباب اذا كان داخل او خارج يمسك لك الباب لين تطلع واذا اصطدمت كتفك بكتفه في اي مكان يبادر بالاعتذار واذا طلبت فزعة تحصل بدل الواحد عشرة واذا جيت تقطع الشارع مشي يوقف عنك ويشغل فلشر لين تعدي لكن مدري وش يصير فينا اذا ركبنا السيارات




وأذكر لكم قصة طريفة كنت واقف عند الاشارة بالمسار الاوسط وكان في أقصى السيار شباب معهم جيب صغير يبون يلفون يمين نزل القزاز بعد مالاشارة ولعت خضراء وبدت السيارات تمشي وأشر لي يبي يروح يمين ووقفت وأشرت له بيدي يعني تفضل وبصراحة سوا لي من حركات الشكر اللي تدل على معناته وطول انتظاره في رحلة البحث عمن يسمح له يلف يمين




وأبي أأكد لكم أنني لست أفضلكم واذكر لكم طريقة جيدة أتخذتها من فترة طويلة وهي اذا جيت عند مدخل شارع فرعي على شارع عام وهو الاكثر معاناه أنك تحصل من يتنازل يخليك تمشي وهو يهدي أو يوقف
طبعا أنا اذا شفت مثلا الوضع زحمة والسيارات كثيرة تبي تدخل أوقف أخلي يتعدون أربع أو خمس سيارات وبعدها أمشي ولو كل منا قام بدوره وساق بأدب وأخلاق ماكان شفنا هالزحمة ومنها تكون قدوة لغيرك وتكون قدوة لعيالك قبل كل شي




فل نلتزم بالاخلاق الحسنة والابتسامة فيها أجر ودعوة طيبة وتفكك من حرق الاعصاب ومن مخاطر الطريق




وفقكم الله لكل مايحب ويرضى







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


كلامك سليم.    وللأسف.  حاجات كثيره تغث.   على سبيل المثال لا الحصر.   داق اشاره من شارع عام  وابدخل في حاره. لازم اهدي
يجيك واحد يطقطق بواري.  طيب انا داق لك اشاره يعني بخش يمين
حاجات للاسف.   السبت اللي قبل اللي اللي فات بغيت اعدم وجهية الاسكاليد.  بسبب غشيم
ربط فرامل  لانه تعدى اللفه.     وكنا هاي ويامشي. ٩٠ الحمد لله  لفيت عنه   الله يعين.    



up 5 down 4
عبدالله الشفيعي 1433
قبل 3 شهر و أسبوع



الحمد لله على سلامتك

المواقف كثيرة والاخطاء أكثر وسببها الرئيسي أن اكثر الناس ماخذين الشغلة إنتصار يعني اذا لفيت قبلك او دخلت قبلك أنا انتصرت عليك واذا العكس أنت انتصرت علي


up 4 down 1
دكتوراه في الحب 156
قبل 3 شهر و أسبوع



ماشاءالله عليك يابو نواف
كلامك عسل وهادف جدا تسلم يمينك


up 4 down 1
الرفاعي33 13762
قبل 3 شهر و أسبوع



اللي بيعيش بمدن كبيرة و الله يتعب
الرياض جدة حتى المدينة و مكة
زحمة و عالم مستعجلة تحس بسباق كل واحد بيمر قبل الثاني
الله يصلح الأحوال


up 2 down 2
1405-1985 1257
قبل 3 شهر و أسبوع



ماودي ازكي نفسي
لكن هذا الشيء مطبقه من زمان
اي واحد بيلف وداعس نفس سرعتي
اخفف واخليه يلف بشرط انه يدق اشارته
لاني احس بمعاناته
كم مره اصير بموقفه وادق اشاره
محد يخليك
واذا كان الشارع فاااضي يارباااااه تلف براحتك
عشان كذا الي اشوفه منحشر ويبي يلف
اخفف واخليه يروح حتى هو تحس انه يرتاح نفسيا يوم اني خليته يلف
وانا نفس الشيء احس اني فرجت كربت اخوي المسلم

لكن للامانه موب دائما اخليهم يسقطون علي
لان في بعضهم باردين امشي مثلا100والكل الي وراي نفس الشيء
وهو يجيك يمشي80ويبي يسقط شيء طبيعي مابخليه مع نفسه
ياانه يحرك رجله ويدعس ولا مع نفسه لان مالها داعي اربط فرامل بوجه
خلق الله الي خلفي عشان سلحفات بارده

وفي حركه اسويها اذا الشارع فاضي وفي واحد بيدخل مساري يمشي
بطيء الف بمساره عشان يقدر يلف بمساري بعدها ارجع لمساري بس قدامه
لاني مسرع اكثر منه بكذا ماضريته ولا ضرني

لكن بعضهم مريض بالذات الي يركبون معي
ليش تخليه يلف وليش ماتدق له بوري!!
ياخوي خلاص لف الرجال وماضرنا
ليش اشغله وادقله بوري واحده واتعب نفسي
وهذي شغلتي مع اي واحد يركب معي

لكن الله المستعان بعضهم مريض لازم يدق بوري حتى لو نمله
مرة بمسار الي جنبه حتى ليت بمساره وتسمع ذي النغمه طااااااااااااط


up 4 down 5
d7ooom777 456
قبل 3 شهر و أسبوع



الرفاعي تسلم على الاطراء الجميل

ويسلم كل من شرفني بمروره ورده


up 0 down 2
دكتوراه في الحب 156
قبل 3 شهر و أسبوع



اغلب الناس ماشين على مبدئ :

الأولوية للصامل 

برضو هذي الاشياء ماتحدث الا بسبب ضيق الخطوط والبلاوي اللي تحصلها فالشارع من حفريات ،،تظطر في بعض الاحيان تعكس الاتجاه عشان تتجنب حفرة ولا مطب




up 2 down 0
ابو حسين.......... 589
قبل 3 شهر و أسبوع




والثالث اللي يمشي ويرمي الاكياس وعلب العصير بالشارع .. ترى الشارع ماهو زبالة يامعاليك لا ويتذمر إذا شاف الشارع او اي مكان عام ماهو نظيف


الله يهديهم بس


up 5 down 1
bindakheel 894
قبل 3 شهر و أسبوع



حياك
خل هالقاعده معك دايم اللي يسوقون السيارات ماتدري
وش حالهم مراهق ماهمه شي
مريض قولون سكر ضغط
كبير سن ماعنده تفاهم
اخير مدمن 
اخيرا قدر المستطاع افتح المجال باالطريق لاتقول انا ع حق
وباالتوفيق 


up 6 down 0
باترول 2020 2313
قبل 3 شهر و أسبوع



صراحة ياجماعة اكثر سيارة مزعجين اصحابها يسقطون عليك لااشارة ولا شي ولا حتى يزيد سرعته يعني مدري منت مالي عينه ولا ايش اصحاب التشارجر ياخي احس كل من يقود هذي السيارة يتجرد من ادميته ويصبح كائن لايفكر الا في نفسه يشوفك محشور تبي تخش مساره يجيك داعس لو يصدمك ماعنده مشكلة


up 4 down 1
أبووووعلي 572
قبل 3 شهر و أسبوع



بعضهم مايبغى يوقف الا عند باب البقالة ويزاحم ويضيق على خلق الله وليته ينزل من زود الكسل يدق بوري عشان يطلع له العامل ويقوله الاغراض الي يبيها.. ماله حيل معاليه ينزل


up 2 down 0
معرض المئوية 192
قبل 3 شهر و أسبوع



الحمد لله على نعمه الاسلام

اللهم لك الحمد كما ينبغي لجلال وجهك وعظيم سلطانك


up 1 down 3
ibh.x976 665
قبل 3 شهر و أسبوع



ياشباب العضو توماهوك
احد يدري عنه كيفه وش اخبارة
الرجال مايشارك من زمان
ولة بصمه في المنتدى
دخلت على عضويته ابغى اراسلة
اخر ظهور له قبل سنة وشهر عسى المانع خير
من يدري عنة يطمنا علية او احد عنده رقمه يرسلة لي في الخاص


up 3 down 3
الرفاعي33 13762
قبل 3 شهر و أسبوع



في شي مهم نسيته الي يمشي 60 و 70 كلم/س و ماسك السريع اقصى يسار ومعطل معاه عشرة آلاف واحد واحياناً يصير وقوف على الصفر

ياخي امشي 40 لو تبي لكن خلك يمين لاتروح يسار


up 3 down 0
chevrolet zr1 708
قبل 3 شهر و أسبوع



خصوصا إذا معه جيب أو سيارة كبيرة يكونون الناس داقين سره وراه ولايدرون ان الخط فاضي قدامه وأبو الشباب تحصله يطقطق بجواله


up 2 down 1
دكتوراه في الحب 156
قبل 3 شهر و أسبوع



قبل يومين رفع ضغطي راعي يارس ازعجني بالبوري والنور الطويل فتحت له الشارع احسبه مستعجل ولا شيء وسوا نفس الشيء للسيارات اللي قدام بعد مسافة حصلته موقف عندي محل بطاطس

كان ودي اوقف انسم له الكفرات..


up 6 down 0
king.king 826
قبل 3 شهر و أسبوع



الدبابات النقل مايحترمونها الشعب ليش
يحسبونك اجنبي لما يوقف وتكلمه يعتذر او يمشي 
وشطف ومضايقات احط اشاره بلف مايخلوني 
علما ما الف الا ادق اشاره ولابعضهم قبل ٥كيلو يكشح لك او يكبس العالي ومايطفيه
لو سياره غيري يتفاداها مايضايقه
اكثر عملي خطوط
مضايقات يشطفوني وهم مسرعين مدري ايش يحسون فيه
ولايكبس العالي من الخلف ولايطفيه
ولاتعداني عطيته العالي ضرب الفرامل بوجههي
مره واحد وقف وقلت عامل الناس كما تحب ان يعاملوك 


up 2 down 0
كارنز2015 53
قبل 3 شهر و أسبوع



كلام جميل ونصايح حلوه...لكن المصيبه الكبرى في الدوارات ...اسوا ماتتخيل ثقافه البشر ...الدوار بالسعوديه نظام (الافضليه لي انا ) تلقاه ماشي مليون وهو مغمض ياتصيب ياتخيب ...للاسف اسوا شي اواجهه بالديره هنا الدواراااات ...
شكرا للجميع


up 3 down 0
midnight_963 484
قبل 3 شهر و أسبوع



الرفاعي
توموهوك جته فتره يعلق بعضوية شاقح مدري شويخ
كلمه وخذ العلم من شاقح


up 1 down 1
d7ooom777 456
قبل 3 شهر و أسبوع



أتوقع المعاناة عندنا في أبها والخميس أكثر مدن المملكة في همجية قيادة السيارات
قبل كم يوم كنت ماشي داخل أبها وتعرفون الشوارع في أبها طلعات ولفات كثيرة ، وأنا ماشي بحال سبيلي واحد صاحب اكسنت
يجي ملحم من ورا ويكبس النور ومركب نور زينون مقلد مجهر ، وأنا ماشي في يسار اتجاه الخط على اعتبار ان فيه دخلة يسار
ادخل معها وكان فيه زحمة سيارات يعني وين أوخر منه في الزحمة لازم تمشي بسرعة محددة ، شوي يجي نزول وفي منتصفه
الدخلة لليسار إلا والآدمي يمشي من أقصى اليمين ويدعس بسرعة ثم ينحرف فجأة ويدخل الدخلة إلي على اليسار ، ومشى قبلي
وضايق السيارات إلى قدامه ، بعدما دخلت يسار وهذا الشخص قدامي أنا قلت لازم أجيب لوحته وأعمل فيه بلاغ كلنا أمن
من حسن الحظ كان فيه إشارة ومولعة أحمر وشوي وأنا وراء سيارة هذا الشخص وأصور خلفية السيارة ، لكن رأيت الفرصة
سانحة لي أتجاوزه وأوقفه وأشوف مبررات تصرفاته المتهوره ، قدرت أتجاوزه ولحسن الحظ أيضاً إلا وفيه دورية أمن واقفة
على اليمين وكان الطريق سيدين رايح جاي ، وأوقف مقابل الدورية وأشر لهم أن يمسكون الي واقف وراي ، وعلى طول
العسكري نزل من الدورية وأوقف صاحب الاكسنت بعدما انحشر وما عد لقي مكان يهرب منه ، ويسحب العسكري اثباته
وأصفط أنا ويطلب مني إثباتي أنا ، العسكري كان ابن حلال ومتجاوب معي وقلت له على كل إلي حصل وأنه كان مسرع
وأنواره مزعجه ، العسكري سأل ذلك قال ليش تسرع قال : أبغى ألحق أخوياي وأنا معترف أني كنت مسرع ، طبعاً الحمد
الله علمت للعسكري بالي حصل ولا ظلمت ذلك الشخص ، قال العسكري : تطلب منه شيء ولا نحولكم على القسم ، قلت : لا
لكن هو بين أيديكم وعاملوه بالإجراء النظامي في هذه الحالة ، قال العسكري : ما معه فكه من المخالفة بياخذ مخالفتين سرعة
وانوار مجهرة ، قلت للعسكري : بيض الله وجهك هذا كان عشمي فيك ، المهم ناس ما تحترم من يشاركهم في الخط وتلاقي
أعذارهم أقبح من أفعالهم .


up 4 down 2
النهراني 265
قبل 3 شهر و أسبوع