بخصوص زيت قير الكامري 2016

4 لتر تصبها كاملة وتخلي اشوي اقل من ربع لتر
يعني 3 لتر والتر الاخير تخلي منه ربع
وعشان تطمن اكثر اذا ماعندك تهريب
فك الزيت كامل وخذ علبة زيت فاضية زي علب كاسترول 1 لتر
وصب الزيت القديم في العلبة على لتر وبعدة لتر وبعدة لتر
وبتشوف الكمية الصحيحه
القطع برقم الهيكل تاخذ جالون اصلي 4 لتر
وفلتر قير ووجه كارتير ب30 ريال
مايحتاج غرا لان الموتر جديد
والكارتير جديد لو مركب غرا من اول
ان كان قلتلك خذ وجه وغرا
بس مايحتاج الا وجه وتطبقه مكان الاول
وشغل اليد مايتعدى 180 ريال
ممكن الشغلة كاملة قطع وشغل يد
حول 450ريال اقل بشي بسيط

مثل ماقال اخوي الرفاعي
القطع تكلفك من الوكالة تقريبا 370
وابعد عن الغرا الوجه يكفي
المعيار نقص من ال 4 لتر 300 مل بالظبط او نص علبة ماء صفا ابو ريال
والزيت العلبة الفضية ws

الكتلوج يوجد فيه نوع الزيت والمقدار اكيد .

اشتري زيت الجابون الفضي من الوكالة تقريبا ب١٣٠ ريال
وجه كرتير القير + فلتر قير
بعد ما تغير الفلتر وتركب الكرتير قفل صرة الكرتير بيدك بدون شد
صب جالون الزيت كاملا
خلي واحد يشغل السيارة فك صرة السيارة أثناء ما السيارة تكون شغاله
يطلع الزيت الزايد إذا بدأ يخف الزيت مجرد قطرات طوالي قفل
صرة الكرتير وتوكل على الله كذا عيار الزيت مضبوط !

طيب سؤال زيت القير لغيره على ممشى كم ؟؟

تغيير الزيت حسب الكتالوج كل 80 ألف كم 
أنا على وشك أغير الزيت لكن بعض الورش تخاف منهم 

انا غيرت الزيت على ممشى ١٥٠ الف بدون فلتر ٣لتر ونص
واموري تمام وبعد ٥ آلاف كيلو بغير الفلتر مع الزيت وترقبو بعد تغيير الفلتر توضيب خههههه

اذا شريتها جديدة يعد 80 الف كلم بعد كذا كل 40 الف كلم هذا حسب كتيب السيارة وكلام ناس فاهمة في الوكالة اذا انت محافظ وراعي خطوط كل 30 الف واذا انت في منطقة باردة وماعندك مشاوير طويلة فكل 50 الف كافية والله الحافظ