تويوتا راف فور 2017 احد جربه

مرحبا ... والله انا الى الان عندي موديل 2007 ماشاء الله سياره جباره ماعمرها فكت فمها معي الى الان وكلها قطع استهلاكيه

من ناحيه الرساوه ممتازه وعزل ممتاز صرف البنزين تقدر تقول فوق المتوسط
مشكلتها قطع الغيار شويه فيها غلاوفراملها تتأكل بسرعه والهوبات كمان وسلامتك

تسلم ابغى اعرف الموديل الجديد اكيد اختلف

هالسياره قليله انتشارها بحكم انها صغيره وسعرها مبالغ فيه يعني النص فل اتوقع قيمته ٩١ الف مع ان اختها من هونداي توسان نص فل ٧٠

اللي بيقارن الراف فور مع الاكس تريل نيسان
و هوندا CRV ممكن سانتافي اربع سلندر
بحكم حجم المكينة 2.4 و 2.5
و التوسان اصغر مكينة و حجم

المهم الراف فور ٢٠١٨ نزل بالاستاندر مثبت سرعة
و من ٢٠١٦ اقل فئة دفع رباعي مستمر
مكينة و قير كامري عملي اكثر من قير الCVT
و سعره ١٧ ب٧٦ بالمعارض بدون مثبت و ٢٠١٨ ب٨٠
بدون ضريبه
الاكس تريل دفع امامي ب٧٥ و الCRV اغلى و كلهم قيور CVT
ما تنفع على جيوب مع الدعس و الطلعات ممكن يتأثر
و ان كانوا كلهم دفع رباعي مستمر و اللي يميز الراف فور ارتفاعه افضل
عن الارض اعلى من غيره نفس ارتفاع الهيلكس العادي بدون دبل
البنزين ٩١ الفل ب٦٥ يمشيك ٥٠٠ كيلو اصغر تانكي من الكامري و اللي مثلها

٢٠١٧

و ممكن يتغير شكل ٢٠١٩ او ٢٠٢٠ بالكثير اذا تهمك هالمعلومة

راف فور من فئة التوسان

سيارة كويسة وبالنسبة للبنزين التانكي صغير وعشان كذا تحسه يصرف كثير ،،، اما بالنسبة للبديل في جيب مازدا الصغير cx5 دفع رباعي وسيارة حقت كرف وارخص من الراف فور

المازدا CX5 ينزل الوكيل فئة الفل فقط و بسعر ٩٠ او ٩٥ الف

هذه السيارة تنتمي لفئة الكروس أوفر مثلها مثل التوسان والسي آر في والاكس تريل فئة الاربعة سلندر وعندك الفئة الأكبر منها
ستة سلندر مثل سنتافي والبايلوت ومازدا CX9 ، منظومة الدفع فيها أمامي اساسي ومتحول للدفع على العجلات الأربع ومكينة
بالعرض ، طبعاً فيه ناس يخطؤن باعتقادهم أنها سيارات جيوب مثلها مثل سيارات الجيب العادية لاندكروزر أو باترول أو باجيرو
التي تعتمد على الدفع الخلفي المتحول إلى الدفع الرباعي أو الدفع الرباعي المستمر والذي يتم التحكم الدبل فيها بواسطة الزر
أو العصا ويكون لها نظام تعليق يعتمد على الدفرنسات ومصممة للسير على الطرفات الوعرة ، بينما الكروس أوفر لا يمكن
التحكم بالدفع على كل العجلات بواسطة السائق إلا بواسطة نظام يستشعر نوعية الطريق الذي تسير عليه وقدراتها محدودة
للسير على الطرفات الوعرة .
الوعرة

هههههه متعصبين تويوتا
مالوم ابو جميل يبيع راف فور ب200 الف

الراف فور زيه زي الكامري والسوناتا بس على شكل جيب وهو اساساً ليس جيب...

٧٠ الف ريال مبلغ كبير جدا على سيارة زي الراف فور بسعر اقل احصل سيارة اوسع وافضل

جيدة لكن سعرها غالي من ابو بخيل تخيل سوح ب٧٤ دفع ثنائي وليد اصفر ومسجل اخضر بينما تحصل توسان أو سبورتاج نصف فل ب٧٢

دفع رباعي مستمر من اقل فئة من موديل ١٦ و طالع
و ١٨ نزل بمثبت سرعة على الاستنادر لكن طيس جنوط ١٧ حديد
و طبعا" مسجل الكورولا المعروف

اعتذر عن الرد المتأخر لكن من باب الفائدة ..

من تجربتي للراف فور 2018 موتر رائع بمعنى الكلمة
عزل ورساوة والتوفير العجيب للوقود وللمعلومية فيه دبل للرمال

جربته على 190 من افضل مايكون العيب الوحيد وهو الاكبر في نظري سعره المبالغ فيه جدا وللمعلومية الراف فور تصدر المركز السابع في اكثر السيارات مبيعا
ولولا سعره العالي جدا عندنا كان وجد انتشار واسع في المملكة


سيارة جميلة بمعنى الكلمة..