أضف سؤال أو موضوع جديد          

صوت طقطقه في مكينة الفي اكس ار

up 1 down 0
ناوي شي ١٢٣ 5
قبل 3 شهر و 2 أسبوع



عندي فكسار ٢٠١٦ وأول ما اشغله يطلع صوت طقطقه بالمكينه ويستمر حتى امشي بعدها يختفي. 
اللي حصل عنده مثل هالملاحظه يفيدني بالحل اللي عمله. واذا احد عنده خبره لايبخل علينا

الزيت الي احطه هو حق الوكالة 5w / 30

والسلام عليكم ورحمة الله







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


باقي ع الضمان وده الوكالة 

انت شيك على الزيت لايكون ناقص وايضا نوع الزيت ممكن مايناسب المكينة او عندك ضعف فطرمبة الزيت او الفلتر مسدود 


up 0 down 1
ابو حسين.......... 589
قبل 3 شهر و 2 أسبوع



جرب تحط زيت تخليقي كامل مثل زيت بترومين A1
لون علبته ذهبيه ولزوجته 5w 30 واشترة من الموزع
سعر العلبه بين ٢٥ الى ٣٠ ريال تقريبا واذا جيت تغيير الزيت
((اشتر السيفون من الوكالة فقط ))


up 1 down 1
سبحان الله 7787 158
قبل 3 شهر و 2 أسبوع



روح الوكالة يمكن عيب مصنعي سيارتك بمبلغ وقدره لاتهمل


up 0 down 0
ibrahem s 22
قبل 3 شهر و 2 أسبوع



لا يردك الا الوكاله .....لا تتساهل حل المشكله من بدايتها


up 0 down 0
لا للغلاء 476
قبل 3 شهر و 2 أسبوع



ارفع لزوجة الزيت ل 10w30


up 0 down 2
ابومزعل 337
قبل 3 شهر و 2 أسبوع



فعلاً اذا موترك على الضمان فوده للوكالة خصوصاً اذا كان سعودي ( عبداللطيف جميل )
لكن احتمالات صوت الطقطقه في المكينة باحصرها كالتالي :-
١- الزيت غير مناسب حتى لو لزوجته خفيفة واقصد هنا نوع الزيت .. او انك تستخدم زيت او فلتر زيت للمكينة مصدره مجهول .
٢- شخال طرمبة الزيت مسدود من رايش المكينة ورواسب الزيت فبالتالي يبيله تنظيف .
٣- يكون اقزوز المكينة ( الشكمان ) فيه كسر بسيط او الوجه تعبان .. فلابد من فحصه .
٤- الاحتمال الاسوء سبايك او بنزات اذرعة البساتم ( الكرنك ) .. وان شاء نقول احتمال بعيد .

لكن انت إبدأ بالاسهل غير نوع الزيت وخذ تخليقي بالكامل وفلتر الزيت خذه من الوكالة (( فقط )) .
وان شاء الله سهالات .


up 0 down 0
nasser1430 852
قبل 3 شهر و 2 أسبوع



اشكر كل من حط رأية او تجربته
الزيت هو حق الوكالة والسيفون ايضاً
شريت الزيت من موزعي الزيت في دوار الخرج بالصناعية القديمه بالرياض
والسيفون من الوكالة.

بإذن الله امر الوكالة وأشوف مشكلته وأضع نتيجة الزيارة هنا


up 0 down 0
ناوي شي ١٢٣ 5
قبل 3 شهر و 2 أسبوع



معروفه صوت الطقطقه وتطلع ايام البرد خصوصا وهي صوت جهه اليسار العلوي تك تك تك بالضبط وهذا سلمك طبيعي وفي كل الجيوب وهو حساس البلوف امورك طيبه ولاتوسوس هي كذا ايام الحر ماتطلع وتطلع بايام البرد خاصه اذا الموتر وقف يوم كامل فالك التوفيق


شكرا. للتجاوب ، وانا مريت الوكالة وقال هذا صوت البلوف وهو طبيعي دام انه يختفي 
خاصة بالموديلات الجديدة لأن وزنها اليكتروني تلقائي. والله يوفقنا واياكم لكل خير. 


up 1 down 0
ناوي شي ١٢٣ 5
قبل 2 شهر و 3 أسبوع



طبيعي هي في لاندكلوزر من ٢٠٠٨ إلى ٢٠١٨ الصوت في وهي واقف كثير تك تك


up 1 down 0
الوايلي77777 1
قبل 2 شهر و 2 أسبوع