أضف سؤال أو موضوع جديد          

أفكار تجارية

up 7 down 10
دكتوراه في الحب 172
قبل 6 شهر و 2 أسبوع



السلام عليكم مساء الخير




الليلة راح أكتب لكم بعض الافكار البيسطة لمشاريع برأس مال قليل وبربح وفير بإذن الله




الافكار موجهة للشباب اللي يبنو يشتغلون بأنفسهم لأن الاستقدام حاليا جدا مكلف ورسوم الاقامة السنوية مكلفة أيضا




محل خضار وفواكه




مربح وبرأس مال قليل من ٣٠ الى ٥٠ ألف ريال حسب الاجار ودخل ممتاز جدا بإذن الله ويصلح لمجموعة أخوان يشترون الخضار والفواكه بشكل يومي من سوق الخضار المركزي 




محل صيانة جوالات




مربح جدا علما الصيانة من اسهل مايكون وبرأس مال قليل




محل ألعاب وخردوات




رأس مال قليل وربح وفير ولكن الافضل يكون في مدينة كبيرة لزيادة المبيعات علما مكاسب الالعاب والخردوات تصل الى اكثر من ١٠٠ بالمية من رأس المال








مكتبة




دخل ممتاز جدا وبرأس مال متوسط وحاليا كل شي صار عن طريق الانترنت والافضل تكون في مدينة او محافظة كبيرة




وللتنويه 




هذه مشاريع مربحة وسير العمل فيها سهل لكن تحتاج الى مثابرة وصبر وجد وإجتهاد 
وتصلح بالدرجة الاولى للشباب السعوديين لأن الاستقدام مكلف والرسوم السنوية مكلفة وأيضا راتب العامل وسكنه كل هذه الاشياء مكلفة




وأولا وأخيرا التوفيق من الله سبحانه وتعالى 




أتمنى لكم التوفيق










إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


غريبه ما كتبت مغسلة


up 1 down 0
its_o_o 267
قبل 6 شهر و 2 أسبوع



او مطعم برجر مشوي


up 0 down 3
1405-1985 1340
قبل 6 شهر و 2 أسبوع



محل الجوالات مربح.   وصنعه. يبي له خبير.     
عندنا.  محلات برجر.  اسمها زاوية البرجر.   سواها شباب سعوديين.   الان الوجبه ب ٢٦ وعليها زحمه.   طبعا اعرف ٣ فروع 
ويمكن اكثر.    


up 4 down 4
عبدالله الشفيعي 1431
قبل 6 شهر و 2 أسبوع



محل الوجلات انا اشتغلت فيه مافي ربح ممكن اذا عندك صيانة بس قليل
لانها كثرت وصار الكل قام يفتح محل جولات صار العرض اكثر من الطلب

اما المكتبة فلا اعلم ولكن ما اظن انها تطلع الربح الكافي

ممكن الخضار والالعاب هم يطلعون ,, طبعا محل لالعاب الفيديو واجهزة الكونسول هو الي بيطلع بس اظنها حرام
لاني يوم ابيع العاب وانا اعرف ان بعضها فيها مشاهد او اباحيات اتوقع حرام ,, انا عارف محد فهمني بس الجيمنق هم الي بيفهمون

في افكار كويسة مثل تشتري دينى وتأجره


مثلا شريت تريلا ب 100 الف
اجرها على شركة ب5الاف شهريا لمدة سنتين او اكثر

او سطحة وتاجرها من عمال او مؤسسات وشركات

المهم كثير ناس اعرف معاهم بوكيلنات ومعدات ثقيلة ومؤجرينها وتدر عليهم فلوس





up 5 down 0
mercy_sa 673
قبل 6 شهر و 2 أسبوع



عفوا,, محل جولات


up 0 down 0
mercy_sa 673
قبل 6 شهر و 2 أسبوع



ماقلت المغسلة لأن بكل أمانة ما اعتقد فيه سعودي بيفتح مغسلة وبشتغل فيها

وماقلت محل برقر أو ماشابه لأن الطبخ هواية وما كل شخص يضبطه

وبالنسبة للمعدات وجع رأس بشكل غير طبيعي

وكان مقصدي من الموضوع طرح أفكار برأس مال بسيط لمن يريد أن يعمل بنفسه

لأنه من المؤسف تحصل ٣ او ٤ أخوان عاطلين لاشغل ولا مشغلة والفرص موجودة يبي لها فقط همة وعزيمة


up 4 down 4
دكتوراه في الحب 172
قبل 6 شهر و 2 أسبوع



mercy_sa

طيب الشركه هذي ليه تستاجر يعني عاجزه تشتري لها واحد مع ان اعرف ان الشغله هذي فيها خير بس اللى محيرني الشركات عاجزه تاخذ واحد


up 2 down 0
mission 829
قبل 6 شهر و 2 أسبوع



دكتوراه في الحب

ليش وجع راس في كل الاحوال انت كسبان حتى لو فرضنا انك ماعندك مهارة التسويق ولا انت فاهم السوق صح
تقدر تبيعها لانها تمسك سعرها .

mission

شوف انا ماعندي شركة ولا عندي خبرة في الموضوع كثير بس حبيت اطرحه لانه يعتبر مشروع ناجح ,,

اما سؤالك بجاوبك من وجهة نظري الشخصية

لو فرضنا مثلا شركة ناشئة تحتاج 10 تريلات راس و10 تيدر
احسب كل تيدر قيمته 50 الف بيطلع 10تيدر ب 500 الف
طيب لو استأجرتها مثلا ب3000 لكل واحد ,, كل شهر تدفع 30 الف

شفت الفرق وفي النهاية اكيد الشركة الناشئة بتكلم صاحب التيدر وتقله باخذها منك بعقد 3 شهور او 6 كحد اقصى لانها جديدة في
السوق

ولو خسرت تكون الخسارة اقل

وبخصص السطحات والدينات نفس الكلام ينطبق عليها
يعني انا سعودي وابغى اشتغل فيها هل من الافضل اشتري سطحة بمبلغ 50 الف
ولا استأجرها 2000 في الشهر

في بعض اصحاب المعدات يعطيك بالشهر مو لازم عقد سنة



up 0 down 0
mercy_sa 673
قبل 6 شهر و 2 أسبوع



Mecry sa
المعدات الان تغير سوقها ١٨٠ درجة بل ٣٦٠ درجة ومن وجهة نظري من خبرة بسيطة قد تكون من أسوأ المشاريع في هذه الايام

وراح أذكر لك نقطة واحدة فقط 

في العشر السنوات الماضية كثرت المشاريع الحكومية والمشاريع الخاصة أيضا وكثروا الناس اللي يأجرون المعدات بشكل كبير

والان قل الطلب عليها بشكل كبير جدا 

فالانسان اللي كان مأجر تريلات مثلا لمدة ٣ او ٥ سنوات يكون طلع رأس ماله وطلع مكسب أيضا ومن الصعب جدا انك كشخص ضخ رأس مال كبير واشترى معدات للتو راح تنافسه لأنك اذا بتأجر ب ٣٠٠٠ الاف هو راح يأجر ب ١٥٠٠ ريال. 
ومن ناحية تمسك سعرها اعرف من باع تريلاته بربع سعر الشراء بدون مبالغة


up 1 down 2
دكتوراه في الحب 172
قبل 6 شهر و 2 أسبوع



ارفع القبعه لك على هذا الموضوع وعلى الي مشاركين بتعليقاتهم
الصراحه احب المواضيع الي تتكلم عن المشاريع والمحلات
حسب خبرتي سوق المعدات فعلا طاح طيحه مامن بعدها
كل المشاريع توقفت قبل فتره الحكوميه والخاصه
حتى مشروع القطار حق الرياض خف الشغل فيه بشكل كبير
والان بدأ يرجع مثل اول والشغل زاد والمشاريع الحكوميه
بدأت تزيد
اما القطاع الخاص لك عليه شغلهم ماهو مثل اول
اول تحصلهم ماسكين ٣الى٥ مشاريع باليوم
يخلص من مشروع يروح للي بعده
اما اللحين مشروع واحد ويطولون على مايخلصونه
مافي سيوله ولا حتى عمال

هذا غير انها وجع راس التيدر بيكرفونه كرف والرأس بتبوش مكينته
من الباكستاني بيحرقه حرق المهم مشروع المعدات
عشان الشغل يكون زين لازم يكون عندك اكثر من رأس تريله
وكم تيدر توزع الشغل عليهم اما تريله وحده ماتسوي شيء
لو تخرب اكلتها وسعارهم غاليه

المشاريع الي تعتمد على الله ثم على المواطنين هي الي ماشيه
مثل محل خضار وغيرها من المحلات
اما الي تعتمد على على السوق العرض والطلب والعمال
من بعد الله
ماعاد تنفع بالوقت الحالي لانها مجازفه ولاتدري من الجاي


up 1 down 3
d7ooom777 448
قبل 6 شهر و 2 أسبوع



حياك الله يادحوم 
وفعلا كلامك صحيح وكان طرحي مخصص فقط لمن يريد أن يعمل بنفسه

رسوم العمالة راح تزيد بشكل سنوي الى عام ٢٠٢٠ وراح تصل ٨٠٠ ريال وهذا راح يزيد التكلفة بشكل كبير على صاحب العمل والتستر صار يحارب بكل اشكاله 

والمقصد اذا مابتشتغل بنفسك بلاش مشاريع هالايام


up 0 down 0
دكتوراه في الحب 172
قبل 6 شهر و 2 أسبوع



دكتــوراه فــــي الحـــــــب

اتفق معاك حاليا السوق طايح مثل ما ذكرت.
وبيني وبينك افضل ,, ان الواحد يدخر ويمسك فلوسه ويقلل مصروفاته ,, لان الظروف الاقتصادية ما تساعد.

في مشروع كنت افكر فيه قالي صاحبي وهو انك تاخذ النطيطة سعرها مايتعدا 500 وتروح منتزه كبير وكل واحد من 5 ريال
طبعا ايام الويكند || تحط النطيطة وتخلي اخوك من العصر الي العشاء وانت من 9 لين 2

يجيلك في اليوم من 150 الى 300

D7ooom777

احب اعلق على نقطة لو فرضا انت اجرت التريلا على شركة او عامل او مؤسسة

بينكم عقد ما يقدر يبوشها انت تسملها على الفحص وتستلمها على الفحص وتذكر شروطك مثلا كل 5000 الاف يتغير الزيت

انا مالي خبرة بس مستحيل يسلمك اياها وهيا مهربدة

وبغض النظر عن العقد ,, التريلا نفسها عمرها طويل جدا بعضها من عام 1924 وباقي شغال الى يومك مثل الويت



up 1 down 0
mercy_sa 673
قبل 6 شهر و 2 أسبوع



^
هذا المفروض لكن بتحطه بالشرط الي بينك وبينهم ماهم موافقين
لانهم ماهم فاضين كل شوي يدخلونه الصيانه
انت بهذي الحاله مضطر تتعامل مع ورشه
تصلح التريله وتغير زيت او تفتح ورشه اذا كان عندك تريلات كثيره

اما الشركه تصلحها لك وتصينها مستحيييييل
يمكن قليل الي توافق وتكون مسؤوله عن صياناتها
للان يمكن تريلتك خراباتها كثيره بكذا الشركه
ماهي فاضيه تصلحها لك وتخسر
وفي بعضهم يضطر يخصم الايجار الشهري
ويتفق ان الصيانه عليهم بهذي الحاله بالغالب يوافقون

بالنسبه للوايتات اغلبها حقت افراد ومشغل عليها عمال
على كفالته وبينهم نسبه عشان كذا تشوف العامل محافظ عليها
وغير كذا ماتدري عن خراباتها تحصله دائما خربانه ماتدري عنه
كثير سيارات وتريلات تمشي مافيها الا العافيه بس تحصلها
كل شوي تخرب وانت ماتدري

واغلب التريلات الي عمرها 30واكثر تحصلها مجدده وموظب مكينتها
يعني لاتحسبها وكاله


up 1 down 0
d7ooom777 448
قبل 6 شهر و 2 أسبوع



مشروع حلويات عالمية أو اكلات شعبية اوعربية مع التوصيل للمنزل ممتاز جداً
لا تحتاج محل ولا تحتاج تصنع شي بنفسك ولا تحتاج في البداية الا موظف واحد الي هو انت مع سيارتك وموقع الكتروني مع ثلاث حسابات تسويق youtube, twitter, instagram مع طباعة بروشرات توزيع دعائية مصورة
ثم تتعاقد مع احد الأسر المنتجة او مع محل حلويات شغله نظيف على عدة منتجات ممكن انت تصممها وتختارها وتوفر لهم كل أو بعض خاماتها بنفسك مثل العسل اوالسمن الطبيعي الخ
وممكن مبدئياً تتكفل بتغطية المناسبات والحفلات الصغيرة تحت 30 فرد.


up 0 down 0
عربي كريم 33
قبل 6 شهر و 2 أسبوع



وعليكم السلام
مساء النور
بصراحه موضوعك جميل وردود الاخوان أجمل.

نبي مثل ها المواضيع كـذا


up 1 down 0
mq_16 78
قبل 6 شهر و 2 أسبوع



Mq 16 والاحلى مرورك ومرور الاخوان وردودكم


up 0 down 1
دكتوراه في الحب 172
قبل 6 شهر و 2 أسبوع



لا يشوفكم المشرف عبد الرحمن والله لا يحوسكم حوس!!!
منتدى سيارات ورحتوا كنكم في مندي تسولفون عن مشاريع ههههه.


up 1 down 1
2007gx 360
قبل 6 شهر و 2 أسبوع



خله يشوف صور الخنازير.    قبل.  ويشيلها. 


up 1 down 1
عبدالله الشفيعي 1431
قبل 6 شهر و 2 أسبوع



افضل مشروع بالوضع الحالي هو الادخار غيره اننننسى


up 0 down 0
ابووسحر 145
قبل 6 شهر