كامري 2018 جميع الفئات والمواصفات

ماعليها كلام ولو جت علي ؟ باخذ سته سلندر اعلى فئة ..
كل شركة صارت تنزل اسطول حديث و مميز من السيارات
وبيني وبينك تعبنا من كثر ما نطارد وراها .
الواحد كل ما شرى موتر مقتنع به يشوف اعلان عن موتر ثاني ويتحسر خخخ
عشان كذا كل شي زين وكل السيارات زينة وسلامتكم .

#استمتعوا_بالويكند :)

بصراحة أشوفها الان فعلا تستحق سعرها ٢٠٤ حصان على ٤ سلندر يعتبر شي مميز جدا
وحتى شكلها ممتاز من وجهة نظري

من وجهة نظري لو عندي مبلغها باخد se 6 سلندر

شكل مميز وعزم ممتاز وب 104 الف أفضل من أخذ قراندي ب 120

والفرق مراتب جلد وشاشه معلومات كبيره بالقرآندي

مثل اللي استعجلوا اول ما نزلت التيما ٢٠١٣ شكل جديد
و طلعوا ست سلندر ثم نزلت الماكس الجديدة و تندموا

ما اظن احد يفكر صح بيشتري كامري جديدة V6
و الافالون نزلت بأمريكا و قريب بتجي عندنا لو موديل 19

ال V6 ماشاء الله تبارك الله طيارة ارضية بسبب خفة وزنها. 

وأسئلوا اخونا الرفاعي

واجهية لكزس
وصرفية اكسنت

يالطييييف

بس ياخي وين الرادار في الفل قراندي 
وين النقط العمياء 
وين التشغيل عن بعد 
هذي موجودة في الكوري 
ليش تويوتا باقي ممسكة انها تكون الاقل في المواصفات بين المنافسين
ليش ؟؟ 

وللمعلومية : 
فيه صورتين لكامري se 
الخليجية : حساساتها مصنوعة مع الصدام يعني ماهي مرهمة
والسعودية : مركبة تركيب وتوليف وبارزه وفي غير مكانها الصحيح
الى متى تجي سيارات عبداللطيف جميل مشلحة وتتركب القطع هينا ؟

صراحه انا انتظر الاكورد لانها بتمسح ملف الكامري وخصوص مكينة 2.0 لتر تيربو 252 حصان قير عشر نمر بيصير توفير وقود مع عزم مجنون ومواصفات داخليه افضل من الكامري اللي فل كامل اقارنها باكسنت اوتكلم عن اربعه سلندر GLI تعتبر فل مراتب مخمل السوناتا الفل كامل جلد وتبريد مراتب لان الجلد بدون تبريد بالصيف يشويك

والله القراندي فتنه

صباح الخير يا شباب
الكامري الجديدة للانتباه :

المحرك 4 سلندر بنزين هو نفس المحرك السابق 2500 سي سي
وقوته فقط 178 حصاناً ، والقير ما زال 6 سرعات لم يتغير .

المحرك 6 سلندر بنزين هو جديد (بخّ وقود مباشر) 297 حصاناً
والقير جديد بـ 8 سرعات .

أما المحرك الذي تتحدثون عنه (بقوة إجمالية محسوبة 204 أحصنة) فيـبـدو أنه المحرك الهجين
(محرك بنزين + محرك كهربي) والقير CVT سي في تي .

كل الشكر

أوكي

المعلومات أعلاه صحيحة فقط لوارد كل دول الخليج
ما عدا السعودية (كامري 4 سلندر - 204 حصان - 8 تعشيقات - بخ مباشر)