أضف سؤال أو موضوع جديد          

مشكله رجه يقولون قير

up 1 down 2
عبدالله البلوي 13
قبل 8 شهر و 3 أسبوع



السلام عليكم ورحمة الله وبركاته
يالغالين انا عندي كامري 2011
فيها رجه من ٨٠ الى ٩٠ او ١٠٠ تختفي،
اذا شلت رجلي عن الدعسه تختفي كلياً،
قالو لي عكس غيرت عكس يمين وخفت الرجه،
والحين فيه اللي يقولولي عكس يسار،
وجيت الصواط اليوم قالي هذا القير (المروانه)
مدري هو السوداني يبي يطلع خرابات عشان ياخذ فلوس ولا شعلمه،
لاني اللي اعرفه القير مايسبب رجه،
علماً ان القير غياراته ماشاء الله لانتعه ولا حبس ولا اي حاجه.
يارياجيل بالله افيدوني، مابغا اخسر عمري على شي ومايطلع البلا منه، اللي له خبره 
لايبخل علي واكون له من الشاكرين 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


شيك على الكفرات الجنوط ترصيص ارضي كراسي المكينه والقير والي يقولك كرونه القير اتوقع انه ماصدق


up 0 down 1
كارينو 549
قبل 8 شهر و 3 أسبوع



من ناحيت الترصيص رصصت ارضي ولسا ماتغير شي باقي العكس اللي يسار ماغيرته شكلي بغيره.


up 0 down 1
عبدالله البلوي 13
قبل 8 شهر و 3 أسبوع



قبل لا تغيره روح شيك عليه عند حقون عكوس

مممكن الرجه من الكفرات


up 0 down 1
احمد ال الشيخ 2021
قبل 8 شهر و 3 أسبوع



وعليكم السلام ورحمة الله 

مشكلتك هذي عكوس والله اعلم قد صارت معي من قبل واذا شلت رجلي وانتم بكرامه عن البنزين تروح الرجة  


up 4 down 0
ابو حسين.......... 784
قبل 8 شهر و 3 أسبوع



وبخصوص القير مااتوقع منه ماله دخل ابدا


up 0 down 2
ابو حسين.......... 784
قبل 8 شهر و 3 أسبوع



اذا العكوس و الجنوط و الكفرات سليمة
الحاجة الوحيده تسبب رجة من القير هي طنجرة القير
و هذا المشكلة ظهرت في بعض موديلات الكامري
2015-2012

و اذا انت في الطائف روح ورشة النخبة متخصص قير
شغله ممتاز وشيك عنده
موقعه و انت نازل على المعارض في اليمين


up 0 down 1
alhkami 272
قبل 8 شهر و 3 أسبوع



والله غيرت عكس وباقي عكس وقالو لي عطلان، ولاكن الكامري حقتي ٢٠١١ والموتر ماشاء الله عليه وراعيه رجال عاقل ماهو راعي زرزره 
وانها ضاقت فيني لما قالي المشكله بالقير، والله اني بتبوك وبشوف تريستار.


up 0 down 1
عبدالله البلوي 13
قبل 8 شهر و 3 أسبوع



مشكلتك فلعكس تاكد


up 0 down 1
2alool 30
قبل 8 شهر و 3 أسبوع



لاتغير القير نهائياً  
الرجه احتمال العكوس. او الجنوط مظروبه. 

القير مايسبب رجه فجئه كذا بدون خراب واضح فيه. 




up 1 down 0
سبحان الرازق سبحانه 2475
قبل 8 شهر و 3 أسبوع



الله يوفق كل من شارك وتفاعل ويسعدكم واحد ورا الثاني،
ابشركم رحت لتريستار، وقالي القير سليم مافيه شي والرجه 
هاذي من العكوس، والحمدالله ماطلع القير.


up 1 down 0
عبدالله البلوي 13
قبل 8 شهر و 3 أسبوع