تجربتي مع بنزين 91

ياخوان وش فيكم مكبرين الموضوع ولا20موضوع استفسارات عن التحويل من95الى91
عادي حول وانت مطمئن اذا جاها شيء ارجع للبنزين الي كنت تستخدمه
تحسسوني ان المكينه ولا القير بيخبط اصلا لو تحط بنزين غير مناسب ماراح يجيها شيء المكينه ولا القير
الي بيخرب دورت البنزين كامله مع البخاخات فقط وتحس فيها اول ماتغير النوع وترجع لبنزينك الي تستخدمه
اما اذا استمريت عليه الي بيخرب دورت البنزين كامله مع البخاخات فقط
باختصر السياره بتتغير عليك اذا حطيت بنزين مايناسبها ذيك الساعه ترجع لبنزينك الي قبل

عندنا3سيارات كلها كانت 95قبل لايرتفع البنزين
وحولناهم91وماشاءالله الامور طيبه

و الله اني استغرب تكرار مثل هالمواضيع
و مستغرب اكثر اللي له سنين يعبي ٩٥ و سيارته ٤ سلندر
و سيارات ٨ سلندر تعبي ٩١ من اول
مع ان ماله دخل بعدد السلندرات او حجم المكينه

جرب ٩١ و ٩٥ و لو تخلطهم بعد عادي
شف اللي يمشيك اكثر بالكيلو و احسب الفرق
انت و ميزانيتك للبنزين حسب بدل الغلاء او حسب فلوسك امشي عليه

^ صادق بكلامك عندي كامري ٢٠١٠ من شريته بانزين ٩١ 
وماشي الحمدلله واصلا ٩١ ويخب عليها بعد قبل يرتفع 
البانزين اول مره فله ب ٢٧ 
وعندي سيارات ٨ سلندر وماعبي الا٩١ من ايام رخص البانزين
وماشكيت شي حتى الجمس عندي ٤٥٤ من شريته 
اعبيه ٩١ ومرات اعبي ٩٥ واغلط بينهم بالتانكي 
ومافيه فرق واصلا اغلب غش البانزين بالاحمر 
المحطه تجيب بانزين ٩١ وتحط له لون احمر وتعبيه خسارة
فلوس بس

عندي فورد اكسبديشن من شريته وبنزينه ٩٥ (مع العلم ان البنزين الموصى ٩١)...انا ماعندي مشكله اغير ٩١ اوفر لي لي لكن المشكله ....بنزين ٩١ صار يخلص من المحطات بسرعه بسبب ان الشعب حول عليه وانا اغلب استخدامي للسياره في السفر...فاذا حولت على ٩١ وماحصلت بنزين بالمحطه وانا محتاج اعبي للسفر راح اعبي ٩٥ ...باختصار ماودي اتنقل بين الاثنين حسب توفر البنزين ٩١ وافضل شي استمر على ٩٥ والشكوى على الله
ملاحظه...كلامي هذا ذكرته قبل سنين عند بدايه نزول بنزين ٩١ وبنزين ٩٥ باننا راح نعاني من عدم توفر نوع ونظطر ناخذ نوع ثاني والنتيجه تاثر المركبات...الان صار الوضع اسوا وصار الانتقال بين النوعين اكثر بسبب نفاذ ٩١ بسرعه من المحطات لكثره الطلب...تخبطات للاسف من البدايه ...مجرد رأي

الي  يقول  تكرار  الوضوع  كاني  كاتب  الموضوع  على  جدار  بيتكم  هاذا  اسمه  منتدي  حراج نقل   تجارب   وتبادل  خبره  ليه  الزعل   انا  انسان  نقلت  تجربتي  لكم   وبغيت  اسمع  تجاربكم  وشكرا

عادي سمرمد وس صدرك
بس احييك على جرأتك . انا مثل وضعك بالظبط ومتردد اغير للاسباب اللي ذكرتها.. ممكن بعد فتره كم شهر تسوي تحديث عل الموضوع وان شاء الله تكون تجربه ايجابيه. بالتوفيق

انا ححولت وندمت سوناتا 2007 العزم قل من اول وصارت لي اهتزازات ملحوظه

لاححد يقول عشان قديمه محافظ عليها والله انه زباله 91

وصرت احسب الفرق بين 91 و 95 كل ماعبي فل من الربع للفل ماتعدت 28 ريال فرق بين النوعين

اخوي سمرمد احترم وجهة نظرك يا خوي. ولكن انا كذلك معي كامري ٢٠١١ ولم الاحظ شئ نهائيا عند التغيير الى بنزين ٩١ فقط سعر البنزين والحمد لله الامور تمام ونفس العزم ونفس ممشى الكيلو مترات تقريبا. والله يوفق الجميع. وانا مع كتالوج السيارة من ٩١ او أعلى  وهذي لحالها تكفي من الصانع الرئيسي  

اخوي سمرمد للمعلومية والله اعلم بان سعر بنزين ٩١ في السنوات القادمة سوف يصل الى اعلى سعر له تقريبا حول ريالين للتر والبنزين ٩٥ سوف يصل تقريبا الى الى ريالين ونص للتر كأقصى حد ولَك حرية الاختيار. وللإخوان كذلك الاختيار والله يوفق الجميع 

ومهما صار ومهما كان يا اخوان اختيار البنزين المناسب للسيارة يرجع الى دليل مالك السيارة اولا وأخيرا. خلونا واقعيين اكثر 

الكامري وتشاور عليها من طلعتها ماعمري شفت احد عبهاء 95

لا  والله  كثير  اعرف  ناس  سارس  وتعبي  احمر 

اخوي مستر انا كنت اعبي احمر خمس سنوات وحولت الان اخضر والامور تمام يا سمرمد