مشكلة في الكامري 2015

انا عندي نفس السيارة و نفس الفئة و نفس الموديل و نفس المشكلة
ظهرت عندي من طلعت السيارة من الوكالة
وديتها الصيانة و أخذ السيارة مني بدون اصلا ما يشيك عليها
و قالي هذي مشكلة عامة في الكامري 2015 ان قياسات التندة مقصوصة
من المصنع بطريقة خاطئة و غير لي التندة كامل على الضمان و جلست االسيارة عندهم
5 ايام و نظاما حسب ما قالولي لي سيارة ايجار بعد مرور يومين على تسليم السيارة استأجر
سيارة على حسابهم و اجيب لهم الفواتير و يعوضوني بما لا يزيد عن120 ريال في اليوم
بس ما سويت الطريقة دي لان عندي سيارة اخرى... اهم شي الضمان الان ما يكون انتهي.

اطلع للوكالة على طول وسلم السيارة ووضح المشكلة بالقربعة وبالطنجرة وتتصلح حالا او ارفع شكوى مباشرة لوزارة التجارة ويتم حل المشكلة باسرع مما تتخيل زميلي معاه كامري ٢٠١٣ مشتريها من دبي وحصل مشكلة بالطنجرة وراح للوكالة ورفضوا يصلحوها ورفع شكوى لوزارة التجارة وتم اصلاحها بالمجان وهي خليجية مو سعوديه انت من باب اولى وزميلي صلحها قبل شهر بالضبط

الشركة عارفه المشكلة وعارفه الحل وعندها ارقام العملاء واحتمال كبير حتى اجرة التصليح من الشركة الأم وفوق كل هذا مايصلحون سياراتنا الا بشق الأنفس

طيب يا اخوان انا موتري ماشي الحين ٢٠٠ الف 

وماعمري جيت الوكالة الا يوم اغير زيت الوكالة 

وبعدها ماجيتهم ابد 
اخاف اجيهم يقولون انت منت ملتزم بالصيانه وكذا ويعيون 

ولاكن على العموم كم رقم وزارة التجارة ابي ادق عليهم اشتكي الوكالة اذا رفضو 

وذا فيه احد كد اشتكا الوكاله يعلمني وش الاجراءات بالضبط لاهنتو لاني بكره بجيهم وذا ماتجاوبو بشتكي بس ما ادري كيف الاجراءات

الضمان لحد كم معاك 
سوا الكيلو 
او السنوات

الغالب في الضمان 3 سنوات
او 150 الف كم أيهم أسبق..
اذا كان عليها استدعاء من قبل تقدر تصلحها مجانا حتى لو انتهى
الضمان ..

السلام عليكم اذا الصوت من الاعلى مكان فتحت السقف عانيت 
من ذي المشكله و السياره ما بعد خلصت 10 وهي 2016 كامري 
الحل اذا لسع تبع الضمان ودها اما لا اقرب محل تخصصه فتحات 
السيارات يوزنها لك فقط الصوت تقريبا كانه في شيء مفكوك من مكانه 
و هذا العيب في الكامري و الاوريون و الافلون و الوكاله عارفه 
لاكن لا حياة لمن تنادي وحسبي الله ونعم الوكيل 

والله عندي ياخوي 2016 وفيه طقطقه بالسقف وعندي القير يرجع نمره اانا وماشي وش السبب وكيف حليتها ياليت تفيدني

بطلع للوكالة بكره ان شاءالله وذا ماتجاوبو معي بشتكيهم 

بالنسبه للقير اذا مشيت شوي يرجع نمره تقريباً بالثاني 
وذا دعست لها قوه ماترد عادي تكون طبيعيه 

اذا كانت عندك نفس المشكله ذي حلها بسيط 
انا جيت محلات واجد وكل واحد قالي من راسه الي قال قير 
والي قال حساس قير داخل القير لازم ينفك 

ورحت لفلبيني فني قيور عندنا بالقصيم قال مشكلتك بسيطه 
جب لي كمبيوتر كامري من التشليح ويكون رقمه نفس رقم كمبيوترك وطلع لي الرقم 
طبعاً الرقم موجود على الكمبيوتر من برا 
ورحت لتشليح وحصلت واحد نفس رقم كمبيوتري وخذته ب٤٠٠ 

وديته للفلبيني وركبه وبرمجه وضبطت الحمدلله 
علماً اني سويت لها برمجه قبل ضبطت يوم ورجعت المشكله لاكن 
يوم غيرت الكمبيوتر وضبطها الفلبيني الحمدلله ضبطت الى يومك ذا 

يعني لازم اغير الكمبيوتر أجل بروح للوكاله لأنها ع الضمان والله يعين

اذا على الضمان ودها الوكالة ازين لك يغيرون كمبيوتر جديد ازين لان سعره جديد حول ٢٥٠٠ 

علمنا بآخر الأخبار وش سويت معهم